我呢个傻仔或者讲太多令人难受噶野，如果我有D字眼用得唔恰当，请包涵，毕竟我太年轻，阅历少，见识浅。如果觉得刺眼，可以无视，删除。不过逃避，系解决唔到问题噶。
以下是引用edisonzero在2007-8-3 2:48:00的發言：
我始终觉得用「唱衰」会带比人一种唔够公正噶，偏向负面噶感觉。既然几位版主有心，点解唔用一个客观D噶词呢？虽然有D时候的确令人好气愤，不过你写噶野系要如实甘反映，公道自在人心嘛~
《唱好广州》张碟几位版主可能睇得稍微偏激，但系的张碟确带到D好噶影响。至少张碟出街之后，唔少广州年轻一代听左有翻D广州人噶自觉，唔会话唱K噶时候就识得点《香港地》，老D噶就点《狮子山下》。至于掠水噶问题……商人逐利，最基本噶常识拉。广东人作为中国商业最发达噶地方之一，唔通净系比其他人掠水，唔比人地唱片商掠水？假唔假广州人，我霖，心态黎噶o者。广州，难听讲句，有几多系土生土长嘎？最起码，东山少爷的确有D唱功，唔似的香港D所谓歌星，五音不全都敢去红馆开演唱会。
以上观点，纯属半夜唔训随便乱吹，欢迎各位指教。
卢总发言：
噉就等我嚟指教下你嘞！
你觉得用「唱衰」就系「唔够公正」、「偏向负面」－－莫非「唱好」就一定公正，偏向正面？
我哋用「唱衰」呢个字眼就系根据客观现实有感而发－－你都知「公道自在人心」啦！
《唱好广州》带咗啲咩好嘅影响出嚟啊？唔该举啲实际啲嘅例子嚟睇下！
你呢句「至少张碟出街之后，唔少广州年轻一代听左有翻D广州人噶自觉，唔会话唱K噶时候就识得点《香港地》，老D噶就点《狮子山下》」，我都唔知你想讲乜，你想表达乜嘢意思！莫非呢啲又系听得佢只碟多，受佢影响？
商人逐利系冇问题，但唔好当我哋系白痴！唔系广州人就唔好冒认系广州人，系咪想学埋广州电视台嗰套－－逢人都叫「街坊」，眼见个个都系「市民」？
嗰个所谓「东山少爷」有咩唱功咁巴闭呀？你真系未见过大蛇屙屎定嘞！人哋香港嗰啲所谓歌星五音不全（尤其是嗰个垃圾嘅「天朦光」）都可以去红馆开演唱会，嗰啲系人哋嘅本事，你哋呢啲有咩可以同人比啊？你追捧嘅呢个所谓「东山少爷」喺广州开演唱会，又有几多人肯买菲入场睇呀？
家阵呢个题目系讲紧点样反映广州真实而丑陋、荒诞兼无聊嘅一面，并唔系讲嗰只垃圾碟－－不过咁多人对一只打住「广州人」旗号嘅假冒作品咁趋之若鹜，又的确几真实而丑陋、荒诞兼无聊嘅！
以下是引用edisonzero在2007-8-3 10:50:53的發言：
我冇话唱好就系公正，而且我自问唔算追捧。反正讨论噶题目唔系张碟，而系广州本身，我跟返你个话题，广州D衰野系要反映，不过，做记者都要客观噶~我承认你噶贴大部分都写得好到肉，不过就系个题目令人睇得唔爽。我唔系好大，20出头，生长系老西关，但由细到大，「唱衰」呢个词，系用响想个被「唱衰」果个越黎越差。你系希望广州越黎越差？顶系你抱住个希望，希望广州真系能够比人闹醒呢？如果你觉得张碟垃圾，甘你又何必抄桥黎个twins题目呢？我唔系唔赞成你噶行为，而系觉得未够好，比D意见。偏激唔系人人接受，你如果真心想广州好，点解唔用D能够比更多人接受噶方法呢？或者你觉得广州真实而丑陋、荒诞兼无聊嘅一面唔偏激唔得，不过，如果真系想令更多人接受你噶观点，你就唔偏激得！偏激噶后果就系日日去差馆饮茶~我附近间小学有个老师，早几年反日最高潮果阵上网号召D人去游痕，结果就要请去饮茶（最后当然冇事，反日人人有责嘛）。返转头，我唔系话你怕请去饮茶，不过，你换个冇甘偏激用去差馆饮茶噶时间继续宣传，效果你话会唔会好D？火气个个都有，对住广州，我都系哀其不幸，怒其不争……
请各位指教。
卢总发言：
后生仔即系后生仔，睇问题太过流于表面！我点解要用「唱衰」，你当然唔明白啦！
我系觉得张碟垃圾，但你凭咩话我抄桥呢？佢「唱好」就得，我「唱衰」就叫做「抄」？！
我系真心想广州好，但点解系要用啲比较容易接受嘅方法呢？有冇听过「苦口良药」？
你唔偏激，又点会觉得我偏激？你睇到嘅嘢浅窄，我讲紧嘅嘢非你视线或者想象范围之内，你就话「偏激」。
你讲嗰个老师猪兜啫，叫佢学下我点样「抵制普通话」先讲啦！
你单系每日「哀其不幸，怒其不争」，又有何用？
以下言论部分应要求比较偏激，如果我有D字眼用得唔恰当，请包涵，毕竟我太年轻，阅历少，见识浅。如果觉得刺眼，可以无视，删除。不过逃避，系解决唔到问题噶。
第一：如果你觉得我睇野片面，请问你睇到噶系咩内在啊？如果你认为我唔明白，你可唔可以讲得明白D？
第二：张碟垃圾唔垃圾，各花入各眼，我冇强逼你接受我意见。如果你唔算抄桥，甘中国就可以大声同其他国家讲：「我国冇侵犯版权，我国冇造假。我个商品名明显同你个商品名有一个字母唔同，比如你地日本狗噶sony，我地有s0ny。」就算你话概念唔同，甘中国发明噶但系冇申请专利而比D外国申请晒专利，转头返黎中国收专利费果D现象算咩啊？你唔想抄，但你唔可以保证冇人觉得你唔系抄。
苦口良药呢个词系安慰自己噶o者，忠言逆耳你听过拉挂？唔好话古代拉，近代现代死左几多甘苦口良药噶人啊？我唔系否定你行为啊，系想你忠言可以入耳啊，良药可以入口啊！
第三：我讲噶偏激，系觉得你唱衰广州噶行为噶偏激。而你讲噶偏激，请问，除左指责我同你噶观点相反而提出意见噶时候，你又会讲我乜行为偏激呢？
第四：老师猪兜？你点认为距猪兜啊？人地起码得到重视，有啊sir请饮茶。应你要求偏激甘讲句，“甘你呢？”讲到抵制普通话，我地要噶系令广州话发扬光大，而唔系一味抵制，比借口其他省、其他国去将粤语人群从中国人入面划分出去。而且，识普通话唔得咩？你讲普通话同发扬粤语有冲突咩？甘你学英语做咩啊？你去其他省市做生意，你讲广州话同人倾生意啊？现实D讲句，你赚边个D钱啊？好，当你一世做个冇得出头噶打工仔，又或者为国争光去赚外国人D钱，你好意思对住外国人（无论系黎你间公司/企业又或者系国外）噶人讲非中国目前认定官方语言咩？讲上面果句噶时候，我响度霖（白字sorry），你肯定会话我唔热爱广州话，唔热爱广州文化。但系，大佬啊！你代表紧中国啊！国家尊严、国家利益面前所有野都要行开啊！我地系广东人，但首先，我地系中国人！有本事你将粤语搞到变官方语言，我跪响你面前写个服字！
第五：我冇话净系识得怒其不争，哀其不幸。只系我宜家系学生，我噶社会责任系做好自己，而唔系去改变社会现状。有机会噶话，我会去尝试，按照游戏规则做人大，尽力去令广州更好。你宜家履行紧反映社会现象噶社会责任，我绝对赞同。
最后，讲翻卢总版主本身，我承认，你以唱衰广州为名噶文章噶观点好独到，好到肉，见过，或者经历过你所写噶广州黑暗面噶人都会深受同感，我个人非常赞成你继续写，继续揭露。但我唔认同你处理其他人意见噶态度。难听讲句，你就系识得否定人地，但你有冇去肯定人地？《唱好广州》你觉得唔好，觉得系掠水圈钱噶作品，甘麻烦你回答以下问题：你有冇认真听过啊？你凭咩去否定其他人噶观点啊？我甚至有D怀疑你噶语文水平，人地一直都系唱紧D广州噶事物，比如长堤拉，中山纪念堂拉，拆左噶东方乐园拉，改篇下细佬果阵噶儿歌之类噶，距边度踩你条尾啊？你话距唔系广州人打住广州噶旗号，话坤友，你又话比我听，广州有几多人真系广州人啊？你祖籍又边树啊？张碟改呢个名用呢个概念噶出发点啊咩啊？一个掠水就否定晒距？你话距唱功差，甘试问目前广东话系流行曲，又有几多个好过距啊？施文彬沉左，张敬轩就无视噶拉，因为距走左去香港啊嘛。唔好讲香港乃至东南亚拉，因为距地唔系广东人！
我前面两次发言，都系比D建议，希望你同惜花人个idea可以搞得更好，不过，令我心凉噶系，卢总永远都系否定其他人善意噶意见，而且系全面噶否定，结果就系越演越烈。我承认我唔够客观，唔够冷静，社会阅历唔够深，见识浅薄。如果够客观、够冷静、阅历深、见识厚，我就唔会企出黎提出同你唔同噶意见拉，第一个反应：痴线；第二个反应：做埋晒冇用功；第三个反应：举报噶话我有几多钱分。两次对我噶回帖，一次整个发火噶表情，一次整个打头噶表情。虽然话果两个表情只系表情，不过反映左你噶一种心态，一种唔接受其他人噶意见噶心态。作为一个论坛噶版主，首要噶任务唔系去否定其他人，而系去考虑、接纳别人噶意见，一齐搞好个论坛。你甘样做，同暴君有咩分别？我只能讲两个字，失望！
呢张回帖我会发两次，即跟你贴一次，新建贴一次。
再次重申：
我呢个傻仔或者讲太多令人难受噶野，如果我有D字眼用得唔恰当，请包涵，毕竟我太年轻，阅历少，见识浅。如果觉得刺眼，可以无视，删除。不过逃避，系解决唔到问题噶。
欢迎指教
發表於 2007-8-3 23:00:37
發表於 2007-8-3 23:08:42
