只需一步，快速開始
我一直認為〔乜〕＝〔什麼〕
〔咩〕＝語氣詞
但喺〔白話廣州〕欄目中成日有見到用〔咩〕代替〔乜〕。
查粵協在綫字典，入邊都有講開〔咩〕可通〔乜〕。
仲有，想問下〔乜〕除咗〔me〕音之外係唔係仲可以發〔mat〕,應該冇乜區別啩，我平時都唔多區分嘅
舉報
“乜”同“咩”都唔同音嘅！“乜”读“物”嘅第一声，“咩”唔使我教你啦。
“乜”同“咩”相通，系指意思相通，但实际上系有区别嘅。
你可以简单啲理解为，“咩”就系“乜嘢”嘅连读，意思你自己可以理解啦。
另外，“咩”重可以做疑问句嘅结语词，相当于“吗”，例如“你唔知嘅咩？（你不知道吗？）”、“你估你咩？（你以为是你吗？）”……喺呢个用法上，“乜”就唔可以代替“咩”嘞。
《广州日报》同《南方都市报》有好多嘢都系唔啱嘅，建议你唔好尽信！
家下好多传媒做事都唔认真负责，做嘢又随便，根本就唔会顾及佢哋可能造成嘅破坏性影响力！
如果你系要讲“多谢”嘅话，应该喺后面加多个“指教”！
详情请睇《畅谈广州话·“唔该”同“多谢”系有分别嘅》：
http://general-lo.blogcn.com/diary,2223783.shtml
乜：怎麽、什麽
咩：什麽、
原帖由 紫凤凰 於 2007-10-22 14:55 發表 乜的聲韻應為麼的早期音，入聲。北方地區的部分或入聲消失後，乜就變成什麼的普通話音的聲韻。而乜估計也是隨便找的借字，本來的音是「咩」，組詞是「乜乜斜斜」。 ...
歪歪斜斜？？？？？？
原帖由 vfshurmher 於 2007-10-22 19:34 發表 但康熙字典顯示 母也切 也非入聲！
關鍵在於我嘅意思係借字，或者求其搵個字來代替，很有可能就係唐朝時期就已經有「乜嘢」嘅連讀，而「乜」作me音，咪求其搵佢頂當囉。至於本字，肯定非「乜」也非「麼」，懷疑本字為「勿」。
注意，「勿」為「物」的原來字。
原帖由 huang 於 2007-10-22 20:14 發表 歪歪斜斜？？？？？？
講啱咗，「歪歪斜斜」正字應為「乜乜斜斜」。
又如「借乜」。
粵語文庫 ? 《箕子吟》「咩重復嗟獨奈何」
http://bbs.cantonese.asia/viewthread.php?tid=2898
嗟嗟，紂為無道殺比干。咩重復嗟獨奈何！漆身為厲，被髮以佯狂，今奈宗廟何！天乎天哉！欲負石自投河。嗟復嗟，奈社稷何！
第日我搵唔到新詞﹐就將呢句加入《每日一句與粵語有關之古詩詞》。
原帖由 紫凤凰 於 2007-10-22 21:59 發表 講啱咗，「歪歪斜斜」正字應為「乜乜斜斜」。 又如「借乜」。
有冇論據？？？
原帖由 huang 於 2007-10-23 11:20 發表 有冇論據？？？
《國語辭典》﹕
眼睛瞇成一條縫而下視﹑斜視。紅樓夢．第八回：「寶玉乜斜倦眼道：『你要走，我和你一同走。』」
糊塗﹑痴呆。元．無名氏．紅繡鞋．看黃卷消磨永夜曲：「倒在我懷兒裡撒乜斜。見他將文冊放，我索將女工疊。」
走路歪歪倒倒的樣子。元．王元鼎．河西後庭花．走將來涎涎瞪瞪冷眼兒目岑套，柳葉兒曲：「走將來乜斜頭撒唚，不熨貼性兒希林。」
走路歪歪倒倒的樣子。儒林外史．第五十三回：「喫的乜乜斜斜，東倒西歪。」
我都係噉認為。
原帖由 紫凤凰 於 2007-10-22 21:57 發表 關鍵在於我嘅意思係借字，或者求其搵個字來代替，很有可能就係唐朝時期就已經有「乜嘢」嘅連讀，而「乜」作me音，咪求其搵佢頂當囉。至於本字，肯定非「乜」也非「麼」，懷疑本字為「勿」。 注意，「勿」為「物」 ...
呢個係我第一次睇到嘅觀點，雖然唔確定，但係我覺得都幾有道理。
本版積分規則 發表回復 回帖後跳轉到最後一頁
Archiver|手機版|粵語協會
GMT+8, 2024-11-23 08:24 , Processed in 0.064798 second(s), 20 queries .
Powered by Discuz! X3.5 Licensed
© 2001-2024 Discuz! Team.
發表於 2007-7-7 08:51:21
