問“剦尖”正寫

唐伯牛點蚊香

“挑剔”嘅粵語“剦尖”點寫架？

[此帖子已經被余OK於2007-7-5 20:08:25編輯過]

Wai

腌臢

羊城惜花人

以下是引用Wai在2007-7-5 19:48:47的發言：

腌臢

你咪誤人子弟啦~我唔想多講~你自己查吓字典，呢個詞點讀，咩意思先啦~

我覺得寫“淹尖”足矣

Wai

以下是引用羊城惜花人在2007-7-5 19:59:27的發言：

你咪誤人子弟啦~我唔想多講~你自己查吓字典，呢個詞點讀，咩意思先啦~

我覺得寫“淹尖”足矣

佢咁大個人自己識理解。我祇係回覆佢嘅帖。我亦冇話我嘅答案實啱。

我未到誤人子弟嘅地步。我答之前搵過字典，多謝你嘅提醒。

腌，閹入聲。

??，兹三切。

俗寫用 奄尖。

[此帖子已經被作者於2007-7-5 20:55:47編輯過]

羊城惜花人

可能我語氣嚴重咗~激嬲咗Wai哥~喺度道個歉囉~

殺人王

腌臢 兩字唔算誤人子弟,打開<廣州話詞典>一睇就會發現入面都有收錄.

而我認為本字為"?憸"

<集韻.鹽韻>"?憸,多意氣兒"

Wai

以下是引用羊城惜花人在2007-7-5 20:47:04的發言：
可能我語氣嚴重咗~激嬲咗Wai哥~喺度道個歉囉~

我開頭回覆得都好求其。

今日踢波輸咗，講嘢過火咗。奄尖所致。

俗寫用同音記讀寫。呢個好。

正寫可參考高級書院OK嘅轉貼連載。

卢总

我都睇唔过眼！

虽则《广州音字典》里面系“腌臜”，但系个意思就话系“不干净”，都完全唔系嗰回事，所以呢个写法的确值得商榷！

《现代汉语词典》就话“腌臜”有“（心里）别扭，不痛快”嘅意思，但都系唔咁准确。

最终都畀我查到“腌臜”有个意思系“捉摸不透”，算系讲得过去。

人哋嚟提问，我哋好应该提供一个准确无误嘅答案——唔识或者唔肯定，我哋最多唔答。但系攞个模棱两可或者不置可否嘅答案去敷衍、搪塞人哋，系非常之唔负责任嘅！

身为版主，重要噉样话人哋趌你！你估你越洋读番书就好巴闭咩？！

羊城惜花人

大家搞學術研究，無謂因啲小事傷到和氣

卢总

佢叻吖嘛！话人“muggins”吖嘛！米以为修改过，人哋就睇唔见先得嘎！

YJP

閹尖 (阉尖)

?

[此帖子已經被作者於2007-7-5 22:14:12編輯過]

YJP

到底正字係咩啊？[em01]

Wai

以下是引用卢总在2007-7-5 22:00:40的發言：
佢叻吖嘛！话人“muggins”吖嘛！米以为修改过，人哋就睇唔见先得嘎！

我開頭係用咗，有乜問題。

我修改係因為後來我同佢解釋咗，佢都接受我嘅解釋。我改返之前嘅意氣用語，有乜唔妥。

我講嘅詞條，我個人認為冇錯。亦冇搞壞人。

我開頭係答得求其，我係查過網絡嘅書，搵到相同嘅詞條，亦睇過高級書院嘅帖，未答得詳盡，係未做得好。之但係未到誤人子弟嘅地步。

你唔知就同我收聲。你隻騎籬蟈。

（呢段文字我修改過，你睇唔過眼嘅直接同我講，騎籬蟈）

 

[此帖子已經被作者於2007-7-6 12:13:34編輯過]

殺人王

以下是引用卢总在2007-7-5 21:26:59的發言：

我都睇唔过眼！

虽则《广州音字典》里面系“腌臜”，但系个意思就话系“不干净”，都完全唔系嗰回事，所以呢个写法的确值得商榷！

《现代汉语词典》就话“腌臜”有“（心里）别扭，不痛快”嘅意思，但都系唔咁准确。

最终都畀我查到“腌臜”有个意思系“捉摸不透”，算系讲得过去。

人哋嚟提问，我哋好应该提供一个准确无误嘅答案——唔识或者唔肯定，我哋最多唔答。但系攞个模棱两可或者不置可否嘅答案去敷衍、搪塞人哋，系非常之唔负责任嘅！

身为版主，重要噉样话人哋趌你！你估你越洋读番书就好巴闭咩？！

廣州音字典嘅"腌臢"的確同我地而家嘅所講嘅意思有D唔同.但係一樣講通,見

水滸傳第八回 三義坊當鐧受腌臢　二賢莊賣馬識豪傑

"秦叔寶當鐧時被當鋪東家嫌他的鐧要當廢銅壓價，秦叔寶受氣不當鐧"

因此都可理解成"別人對你挑剔"而受氣.

不過我認為"腌臢"始終無"?憸"咁好.

卢总

以下是引用Wai在2007-7-6 11:50:04的發言：

我開頭係用咗，有乜問題。

我修改係因為後來我同佢解釋咗，佢都接受我嘅解釋。我改返之前嘅意氣用語，有乜唔妥。

我講嘅詞條，我個人認為冇錯。亦冇搞壞人。

我開頭係答得求其，我係查過網絡嘅書，搵到相同嘅詞條，亦睇過高級書院嘅帖，未答得詳盡，係未做得好。之但係未到誤人子弟嘅地步。

你唔知就同我收聲。你隻騎籬蟈。

（呢段文字我修改過，你睇唔過眼嘅直接同我講，騎籬蟈）

 

隔住咁大个海，你又咁躁，点同你讲啊？就算同你讲咗，你又会听得入耳咩？

你都冇解嘅！注意下自己身份先啦！自己踢波踢输咗就揾人嚟出气——ＥＱ低！

卢总

以下是引用殺人王在2007-7-6 12:31:16的發言：

廣州音字典嘅"腌臢"的確同我地而家嘅所講嘅意思有D唔同.但係一樣講通,見

水滸傳第八回 三義坊當鐧受腌臢　二賢莊賣馬識豪傑

"秦叔寶當鐧時被當鋪東家嫌他的鐧要當廢銅壓價，秦叔寶受氣不當鐧"

因此都可理解成"別人對你挑剔"而受氣.

不過我認為"腌臢"始終無"?憸"咁好.

你呢个例子里面，“腌臜”都系应该解“肮脏、不洁”，事关佢受嘅系秽气。

我举个贴切啲嘅例：

董解元《西厢记诸宫调》：“自家这场腌臜病，病得来蹊跷。”

Wai

的確係處理唔好。

我冇搵佢出氣，我就佢話誤人子弟嚟講。語氣係重咗。的確處理得唔好。

至於腌臢，呢個詞條，喺古典小說出現過好多。意思係乜，語意係乜，讀過中文嘅人會容易理解。

 

殺人王

大家唔好嘈....

WAI無誤人子弟,樓主講到明問"「剦尖」正寫 "

咁無理由答人地俗寫嘅...

不過話明俗寫...又有邊個唔知...重使問咩...

余OK

　　下次喺我地頭重有如此謾罵，我唔會客氣，立即封帖。

卢总

封饱佢！一早已经开完拖，而家先嚟清理现场，迟唔迟啲呀？