求尹光“又話畀家鄉知”歌詞

风之子

歌曲網站喺度：http://www.ting555.cn/hrngs/album/6a863e.html

由於本人能力 有限，有好多歌詞都聽唔明，特登向各位高手求助！

samkong

《又話畀家鄉知》

曲：杭州姑娘
詞：阮眉

擔番口大雪茄咋，返鄉下又探親友囉，執到正夠晒醒目，個個估我身家厚咋。識到位女友，佢羨慕香港客，要做對好佳偶，我話香港有層樓，做經理薪水厚，哎！其實我係個小工友咋，租半間徙置屋，氣味冤又臭嘅，細到似番梘盒，間房重亂過狗竇，尋伴侶，哎！鬼會將我吼咩，返鄉下，求鳳友，點知道，亦難求，要利是、酒席費，又要生活費，一切要供給夠。
（獨白：哎！原來鄉下啲女仔，個個虛榮心重到不得了，重估我哋啲香港人個個都發達，遍地黃金，好容易搵錢嘅。哎！我又唔衰得嘎嘛，又未有老婆，幾大都呃住佢先啦。點知娶咗佢返嚟......慘嘞，始終會穿煲，一穿煲，當堂變晒啲白鴿眼嘞，哎！）
認真係冇收，穿煲被佢追瘦，女友反目，話比我呃得透喎，當初認富有，點不知，充生晒，我係塊空心藕，佢心中愛自由，鐘意香港客，財又有物質都有，申請到香港，各樣要享受夠，香港到處都失業，冇身份證重更苦透！其實你喺中國不必憂，香港地窮亦有，咪估我身家厚，你話實好願嫁或者不願嫁，都要諗通透。

[此帖子已經被作者於2007-6-30 23:03:38編輯過]

风之子

真係唔該晒samkong版主喇！但係我重有小小疑問！

1徙置屋係乜嘢嚟咖？

2充生晒係乜嘢意思？

3空心藕係乜嘢意思？

 

lhk

徙置屋係香港戰後安排社會底層人士居住嘅房屋，一般都係貧民區。

风之子

噉！後尾兩個詞又係乜意思？再請求版主幫手解釋！！！！

samkong

充生晒:“充”字，粵語中常有“充大頭鬼”、“充闊佬”嘅講法，喺呢首歌詞中嘅意思係指完全唔具備濟紀實力、經濟條件嘅情況下硬要裝有錢，擺闊氣；“生晒”二字，屬語氣詞，用作加重強調“充”呢個動詞嘅程度。
空心藕:此歌詞中指表面上光鮮，裝扮闊氣，實質內里卻囊中羞澀，空有其表之人（蓮藕是空心的，正好用以借喻）。

[此帖子已經被作者於2007-7-1 0:09:52編輯過]

香城浪子

記得尹光重有一首就叫做"話畀家鄉知"既.

znzzd

就是为了下载