《撥亂反正》之十：朝早 vs 上午

auyeung

呢個題係由desmond提出嘅，咁啱線我想寫晏晝，噉就順水推舟！順便講返句多謝！！

喺雞腸入邊，good morning換成中文，你會點講？早上？朝早？朝頭早？上午？今朝？

細個屋企人就教落，晨，朝早，上午之口語化！

你朝早去咗邊？你朝早食咗啲乜？今朝唔見你人？朝早單嘢搞成點？以上情況，我哋都可以見到有“上午”。但你又係咪噉講呢？抑或你有唔同嘅意見？面對今時今日人人“駛”腦工程，你又係咪一個“上午”搞掂？當你上得幾上，你重記唔記得曾經嘅“歷史”用語？孰以為“上午”先為正確之說法？

人嘅生活作息，都要由朝早開始。正所謂：一年之計在於春，一日之計在於晨。晨，日之始也！又有話，萬事開頭難，當開咗頭之後，做事自然就唔難勒！呢樹嘅頭，亦可解作開始！

綜上所述，“上午”可以講成：“朝早，朝頭早，今朝”！而唔能夠話：“上午，早上”。當然，你話“上午，早上”又唔係完全錯。少講自然就最好喇！唔講就完美勒！

相對應，“下午”嘅講法就係“晏晝”。亦可話“下晝”，個人認為“下晝”乃折中方案，唔湯唔水，不值提倡！

 

馬萬千

重可以叫「上晝」

auyeung

馬同志，你肯定又係冇睇我最屘嗰句說話！

馬萬千

以下是引用auyeung在2007-6-29 12:37:18的發言：
馬同志，你肯定又係冇睇我最屘嗰句說話！

呢位同志

你講嘅係「下晝」,我講嘅係「上晝」

auyeung

「下午」嘅講法就係「晏晝」。亦可話「下晝」，個人認為「下晝」乃折中方案，唔湯唔水，不值提倡！

同志，請睇上邊呢句話。上對下冇錯。錯就錯在你冇留意--乃折中方案。

youngfs

中午點講？係咪中晝？

neo

就係一直唔知中午係點講！

auyeung

以下是引用neo在2007-7-28 12:57:45的發言：
就係一直唔知中午係點講！

以下是引用youngfs在2007-7-28 1:50:33的發言：
中午點講？係咪中晝？

中午仍然稱為中午。何來中晝一說？

但亦有人將中午嗰餐飯叫做食“晏”！

 

羊城惜花人

晝為白天，上半段為上晝，下半段為下晝，而上下分界在午時（十一點至十二點盡），故曰午時前為上午，午時後為下午，有何不妥呢？

此外，朝與晨皆指太陽啱啱出嚟嗰段時間，比上午早，兩者明顯係唔同概念~

覺得《撥亂反正》開始有啲嬌枉過正嘅成份~

auyeung

以下是引用羊城惜花人在2007-7-29 18:26:33的發言：

晝為白天，上半段為上晝，下半段為下晝，而上下分界在午時（十一點至十二點盡），故曰午時前為上午，午時後為下午，有何不妥呢？

此外，朝與晨皆指太陽啱啱出嚟嗰段時間，比上午早，兩者明顯係唔同概念~

覺得《撥亂反正》開始有啲嬌枉過正嘅成份~

so u put it right...

he...