《撥亂反正》之五：行Vs走

H3

在廣東話中, "走"字有住小跑,急急腳行嘅意思. 而”行”字, 則係以普通步速移動.

所以詞語中. 會有”未學行, 先學走”, 同埋”雞咁腳咁走”.

但而家, 好多被L話感染嘅人, 都會變咗講, “你向前走幾分鐘就到”,
“你走過嚟啦”. 又比或者想描述一個暫時唔響位置嘅人, 我哋以前都會講, “佢啱啱行開咗”.
但好惜, 我呢幾年竟然聽到, “佢走開咗”.

[此帖子已經被作者於2007-6-28 10:45:26編輯過]

卢总

冇错！“走”嘅步速的确系比“行”要快！

我谂系啲人经过军训，“起步走！一，一，一二一……”入晒脑导致嘅！

tchon

由〔寸步難行〕和〔走馬觀花〕兩組成語就可以知道呢兩個字嘅區別

所以話粵語保留咗唔少古漢語嘅詞素

從字源上嚟睇：

〔行〕為〔十字路口〕狀，推演至〔正常速度行走〕

〔走〕原為上“大” （甩臂跨步之狀）下“止”（腳趾狀），故有〔奔跑〕之義。

 

余OK

　　「走走趯趯」又係另外一例。

?逗+莎靤灬

我平時聼人會咁問咖~~

場景1   A:"你行得未啊?咁耐咖?"

             B:"就走得咖啦!等多陣啦!"

 

       2    A:"你走得未啫?"

             B:"得啦,行啦!"

----------------------------

借問聲```呢兩個字係呢兩種情况個陣係未代表同一個意思啊?

卢总

呢两种情况下都系代表同一个意思——离开。