張學友好狗不見佛山演唱會觀後報道

唐伯牛點蚊香

好羡慕啊~~~~~~~~~

samkong

好多謝H兄圖文并茂嘅詳盡報道！

確實，若要影到比較清晰一啲嘅照片，起碼都要坐到680元嗰啲“草皮位置”先至有機會。

Wai

睇相又真係幾有feel喎。

佛山個體育場好大呀。

 

highyun

　　話說禽晚7點兩個字先從屋企出發，去到大福南路嘅時候，就後悔太遲出門，因爲條路已經超多車。雖然全程速度好慢，不過好在開摩托去，可以從啲空隙穿嚟穿去，如果揸車去或者搭的士，起碼遲到成個鐘！
　　停低車去到東平河以南嘅世紀蓮體育場，已經8點。呢座耗費咗佛山人數億血汗錢嘅體育場，路標指引却好差，我哋兜咗好耐先搵到門入去。

　　8點15分終於搵到門口入場，正如所料，8點肯定未開始，我哋入到去嘅時候會場先坐咗六成人，好多人重喺路上塞緊車。不過場面已經好墟冚，即時影咗張相：

　　8點4個字多啲，音樂響起，張學友唔諗住等齊人喇，路上嘅人唔好彩喇！一開始唱咗四首快歌，加埋跳勁舞。跟住先開始講嘢，跟住開始唱返啲經典嘅慢歌。

　　可惜啱我口味嘅歌真係好少，其它唔啱嘅一唔係就國語歌，一唔係就係快歌。重有嗰段30分鐘長嘅音樂劇，我真係唔識欣賞，啲國語歌完全命親過。下面呢幅係音樂劇完咗之後謝幕嘅場面，謝幕嘅時候已經感謝晒啲主辦單位，好多人以為完場，已經開始離場，當時係10點10。

　　我因為要趕住開OT，怕走嘅時候水洩不通，所以都跟埋啲人慢慢行出去，encore唱完《李香蘭》，我就已經行咗出場外。聽講之後重有唔少經典歌，聽唔晒確實有啲可惜。希望聽足全場嘅幫手補充下。

[此帖子已經被作者於2007-6-24 21:43:22編輯過]

lhk

H兄好似位置不佳喔~~

好多香港歌手回内地都不免刻意唱多啲國語歌，始終唔夠香港原汁原味。

highyun

因為張學友唔同阿Sam，呢次純粹係去睇熱閙同感受氣氛，冇必要花680文買張下面嘅飛啦。

殺人王

可能學友所揀嘅國語歌唔係幾好?

我個人認為學友幾隻國語唱片嘅質素係高過粵語唱片嘅

继续微笑

我仲惨，喺珠海赶返佛山已经8点30分，夜饭都顾唔上吃就直接开车去世纪莲体育场。点知未到就已经塞车，唯有将车搵个位置停好，转租摩托车过去。点知一到东平桥头，由于塞车原因，警察已经封闭大桥，所有机动车不准过桥，唯有又放弃坐摩托车步行几公里过桥，等我满身大汗到会场门口，简直就人山人海。好辛苦先到一个入口，保安唔俾我入，我问我应该从边个门口入，佢话：你自己睇。我本来就身水身汗，马上用最激烈嘅粤语粗口问候佢（平时好少咁失态），后来有个工作人员好耐心同我解析，后来再围住体育场转咗一圈，几经辛苦先搵到入口，入场已经9点45分。我全身已经湿晒，好热啊！！！，根本就冇心情睇。总言知今次睇演唱会係我最辛苦嘅一次历程，仲付出咗680蚊嘅代价。

Wai

繼續微笑，你今次睇呢場演唱會真係付出唔少嘢喎。

highyun

以下是引用继续微笑在2007-6-24 16:34:23的發言：
我仲惨，

我都係行咗好耐先入到去，而且啲路牌指示有勁差，兜咗成個圈先搵到入口，嗰啲保安又唔掂，問佢點行佢就叫我自己睇路牌，重有入到去想買支水啫，結果逼咗十幾分鐘都未逼得入，出嘅汗重多過支水。。。。。鄉下地方真係鄉下地方！

小昭

羡慕~~可惜没有时间去看。

mofang

highyun哥你条粉肠，仲记吾记得我，我同螃蟹都去睇，不过我地好快就搵到位，睇离你真系老啦。

前边比较闷，后面encore都几精彩，唱左好多经典粤语歌，除左李香兰，后面仲有月半弯、暗恋你、夕阳醉了，而且走果阵一啲都吾塞，吾睇就走宝啦。

余OK

　　好一個好「狗」不見，title喺粵語區認眞唔老嚟，睇怕主辦方係撈人噃，抑或預期受眾主要係撈人？

highyun

以下是引用mofang在2007-6-24 21:05:39的發言：

highyun哥你条粉肠，仲记吾记得我，我同螃蟹都去睇，不过我地好快就搵到位，睇离你真系老啦。

前边比较闷，后面encore都几精彩，唱左好多经典粤语歌，除左李香兰，后面仲有月半弯、暗恋你、夕阳醉了，而且走果阵一啲都吾塞，吾睇就走宝啦。

初睇個ID，重以爲係下載版嗰個monfan蚊瞓版主添，原來係你條魔方。

夕陽醉了。。。估唔到佢重會唱80年代嘅歌，我哋等咗成晚都等唔到。

你qq幾多？用論壇短信私底下話過我知。

卢总

乜畀人叫“粉肠”咁失威呀？！

家下啲小朋友真系冇大冇细！

我哋除咗要传承传统文化之外，系咪重要谂埋其它嘢呢？！

lhk

以下是引用余OK在2007-6-24 21:17:24的發言：
　　好一個好「狗」不見，title喺粵語區認眞唔老嚟，睇怕主辦方係撈人噃，抑或預期受眾主要係撈人？

好久不見 好似係學友最新一首國語作品歌名

rainiell

感受一下先

迟D去睇深圳场：）

唐伯牛點蚊香

又話唔比帶攝影器材入去，你又可以影到相出嚟噶？