找回密碼
 註冊

QQ登錄

只需一步,快速開始

搜索
熱搜: 活動 交友 discuz
查看: 9029|回復: 21

[掌故傳聞] 六月二十三号讲六二三路

[複製鏈接]
發表於 2007-6-23 12:39:28 | 顯示全部樓層 |閱讀模式
  今日系六月二十三号,熟悉广州历史嘅人都应该知道,今日系“六·二三沙基惨案”嘅纪念日。

  八十一年前嘅今日,参与咗6月19号开始嘅省港大罢工嘅广州同香港工人喺中国共产党嘅领导下,同广东各界人士对外协会举行声援上海“5·30”大会,大会之后有10万人参加反帝国主义大游行。

  下昼两点十五分,游行队伍从西堤转入沙基一带,队伍秩序井然。对岸沙面嘅英军就喺沙包旁边虎视眈眈。下昼两点四十分,游行队伍前队已经转入内街,后队嘅学生、士兵抵达沙面桥口,沙面内嘅英国士兵突然全部隐蔽。喺沙面维多得亚酒店楼上,一个短发西装嘅外国人首先用手枪向游行队伍射击,躲于沙包后嘅士兵随即用机枪向沙基一带扫射,停泊喺白鹅潭嘅法国舰艇甚至鸣炮(后来法国领事来函称鸣空炮)。游行及观看嘅民众当场死伤多人。
  
  惨案发生当晚,广东国民政府立即向英、法、葡(后来查证唔关葡萄牙事)等国提出严重抗议。法国领事反诬广州市民先开枪击毙一名法国商人,反担赔偿要求。各界代表成立咗“六·二三”惨案调查核实委员会,根据调查统计,此次惨案共死亡52人,伤117人(至举行国葬时,受伤嘅人员当中又有8人死亡,使死亡人数增加至60人)。死者中有13岁儿童1人,学生4人,教师1人,商人8人,小贩12人,工人6人,黄埔军校(含入伍生、军官、勤务兵)27人,军人1人。调查结果公布于众之后,国民政府再次根据调查报告向英、法领事提出二次抗议,要求关系国派员谢罪,惩办关系长官,撤退关系国驻穗兵舰,交还沙面租界,赔偿死难华人损失。

  对于“六·二三”死难爱国志士,广东对外协会组织公葬死难烈士筹备会,国民政府6月27号发出帅合国葬,“以悼国殇”、“饬示纪念”,并征用大宝岗地段用作沙基惨案国葬坟场(即系而家先烈东路动物公园附近)。为纪念“六·二三”惨案,6月28号国民党广州市特别党部召开数千人嘅大会,一致通过咗陈其瑷提议嘅请求市政府将沙基路改为“六二三路”。从此,沙基路就改名称为“六·二三”路,一直沿用至今。

  此外,“六·二三”惨案嘅当晚,西堤嘉南楼周贯明医师,首先致书国民党中央党部,提议建碑永作纪念。后来由广州市市政委员伍朝枢,饬令以市政府名义建造,此碑由张养记喺沙面嘅西桥桥脚承建,喺“六·二三”惨案一周年时落成,方锥形嘅石碑上正面阴刻住“毋忘此日”四个大字,通高7.4米。

    

  但系呢个碑太细,喺中华人民共和国成立之后,广州市人民政府于1954年喺沙面东桥建造咗更加雄伟嘅纪念碑,碑文刻住“一九二五年六月二十三日沙基反对帝国主义斗争中牺牲的烈士们永垂不朽”。

    

  随住广州“三年一中变”西堤景观嘅改造,纪念碑被拆卸重新建造,以配合沿江路嘅规划建设。

  而为咗缓解地面道路嘅交通压力,广州市政府决定建设嘅“人民路-六二三路高架路”、地铁等工程,亦令六二三路北侧嗰一排根据南方气候特点并结合南欧地中海城市建筑风格喺楼前跨人行道而建,喺马路边相互连接起嚟,形成行人躲避炎热夏日同狂风暴雨嘅步行长廊——“骑楼”亦随之消失得无影无踪。

    

  六二三路东起人民大桥,西至黄沙码头,全长度1417.5米——近一点五公里长嘅“骑楼”就咁冇咗,往日繁盛嘅商贸景象更加系一去不复返!

  今日嘅“六二三路”,除咗西侧嗰座清平中药材市场可以同河涌对面嘅沙面建筑风格相辉映外,已经变成一条纯粹嘅快速路,再亦无法揾到丝毫历史嘅蛛丝马迹。

    

  仲记得卢总细个喺呢条六二三路上都留低过唔少脚毛,仲记得沙基涌上游水嘅人群、睇到我流晒口水嘅正宗艇仔粥、东桥嗰边有间好正嘅猪红汤……
 樓主| 發表於 2007-6-23 12:45:28 | 顯示全部樓層

原文于二OO六年六月二十三号发表于“卢总有嘢讲”:

http://www.blogcn.com/user25/general_lo/blog/36241476.html

文史资料详尽,加埋寡人对呢条路嘅点滴回忆,绝对值得诸君细味!

發表於 2007-6-23 18:25:58 | 顯示全部樓層
想當年西堤一帶商業繁華,不少外市人乘船必落此處,可媲美北京路上下九,南方大廈亦有“卜佬大廈”之戲稱。如今西堤馬路至六二三路風光不再,南方大廈等只是淪爲電子零件集散地。騎樓拆掉當然可惜...不過期望地鐵6號綫可以有助帶返旺呢處。
 樓主| 發表於 2007-6-23 18:44:38 | 顯示全部樓層

谂都唔使谂!

但凡快速通道嘅水都只系得个流,冇得留,最多都系旺丁,唔会话旺财。

你再睇返该区毫无规划,居住人口唔多,而且消费力薄弱,点可能再回复往昔繁华嘅景象呢?

狗官除咗识破坏之外,乜都唔识![em16]

發表於 2007-6-24 19:49:46 | 顯示全部樓層
听啲老爷講,广东最好嘅时候係军阀陈济堂主政期间。
發表於 2007-7-5 02:29:43 | 顯示全部樓層
以下是引用大陆灿在2007-6-24 11:49:46的發言:
听啲老爷講,广东最好嘅时候係军阀陈济堂主政期间。

有D咁嘅事??

發表於 2007-7-5 02:57:53 | 顯示全部樓層

陳濟棠1890年1954年),字伯南廣東防城(今廣西防城港)人,中國國民黨一級上將,曾長時間主政廣東,政治上与南京中央政府分庭抗礼,经济、文化和市政建设方面则颇多建设。有南天王之稱。

1907年,陳考入廣州黄埔陸軍小學,秘密加入了同盟會辛亥革命後,又入廣東陸軍速成學校。之後任粤軍軍官,從排長累升至團長。在護法戰爭及討伐陳炯明戰爭中,陳追隨孫中山先生,任粤軍李濟深部第二旅旅长。1925年國民政府成立,陳濟棠任李濟深部下,國民革命軍第四軍十一師師長。

1927年北伐期間,共产党在南昌武裝兵變,葉挺賀龍南下廣東潮、梅一帶。陳濟棠率軍阻截。1929年蔣桂戰爭起,李濟深被蔣介石扣押在湯山,陳濟棠支持蔣介石。之後,陳升任第四軍軍長兼廣東綏靖委員,駐扎廣州,然後再任第八集團軍總司令。1931年,乘胡漢民被蔣介石軟禁,通電反蔣並驅走廣東省長陳銘樞。同年5月,汪精衛等於廣州另立國民政府,陳任第一集團軍司令。同年9月發生九一八事變後,廣州國民政府取消。之後數年陳集廣東黨政軍大權于一身,人稱「南天王」。

陳濟棠主政期間(1929年-1936年),對廣東發展颇有建樹。先後興建各類工廠,港口公路,大中小學等。廣州百业繁荣,市政建设成绩显著,如海珠橋中山紀念堂中山大学五山新校舍,爱群大厦等等,以及30多条马路,皆是陳濟棠主政廣東時興建。被称为老广州的黄金时代[1]

1936年6月,陳與桂系聯合,以“抗日救國軍”名義反蔣(两广事变[2])。但陳手下空軍大隊為蔣介石重金收買,司令黃銳光7月帶領48架飛機飛往南昌投奔南京。陳手下其他大將,如余漢謀等亦通電表示服從中央。陳濟棠事敗被迫出走香港。1941年12月,太平洋戰爭爆發,香港即將淪陷。陳濟棠弄到兩張機票,正慶幸可以离境,竟被孔二小姐(孔令俊)的17條「德國黑貝」洋狗軋了下來,“人不如狗”等文章,載於大小各報。

抗戰時,陳出任國防最高委員會委員,戰略委員會委員。1949年,任海南行政長官兼海南警備司令。1950年台灣,任總統府戰略顅問。1954年11月3日卒於台灣,獲厚葬於台北市新北投陳濟棠舉殯時,台北及香港都有盛大的送葬儀仗。

發表於 2007-7-5 04:44:48 | 顯示全部樓層
以下是引用殺人王在2007-7-4 18:29:43的發言:

有D咁嘅事??

我都係听啲乜乜物物才子講,如果唔係畀啲空军出卖,历史可能要改写。

發表於 2007-7-6 00:37:43 | 顯示全部樓層
我好似喺6月中旬嘅某个星期日去嗰度睇过。
發表於 2007-7-7 05:03:47 | 顯示全部樓層
  廣東最好嘅日子的而且確係民國廿幾年陳濟堂主粵嘅時候,就算而家都比唔上(按比例相較),就算老鄧後嚟都讚佢「治粵八年,甚有建樹」。
 樓主| 發表於 2007-7-7 05:22:37 | 顯示全部樓層
以下是引用余OK在2007-7-6 21:03:47的發言:
  廣東最好嘅日子的而且確係民國廿幾年陳濟堂主粵嘅時候,就算而家都比唔上(按比例相較),就算老鄧後嚟都讚佢「治粵八年,甚有建樹」。

如果由小邓治粤嘅话,又会有点样嘅一番面貌呢?

發表於 2007-7-8 07:24:50 | 顯示全部樓層
以下是引用大陆灿在2007-7-4 20:44:48的發言:

我都係听啲乜乜物物才子講,如果唔係畀啲空军出卖,历史可能要改写。

历史已经够多偶然,不需要才子的假设。

如果有这样的假设,历史改写了,现在的人就不是这一刻的这个样子了。

 

發表於 2007-7-8 08:32:52 | 顯示全部樓層
一句講晒:历史係冇如果嘅。
發表於 2007-7-28 22:44:45 | 顯示全部樓層

总有人在历史之后发表长篇大论,因为无法改变。

如果,如果,如果……如果世间真有这许多“如果”,“如果”就不存在了。

發表於 2007-8-3 19:00:39 | 顯示全部樓層
真系未听过~唉~如果唔系你地D前辈讲翻,真系唔知噶拉。宜家CP噶教育已经抹杀左好多历史噶拉。你o地唔讲就真系冇噶拉。广州呢几十年发展得真系唔掂。比上海反超就唔讲了,D领导净系识搞埋晒D形象工程。以前就搞外墙,宜家搞珠江!我以前住沙面噶时候,外面外墙就够晒靓了,入面呢?一样系危楼一样系甘多蛇虫鼠蚁!根本住唔到。成日话勿忘国耻,宜家623个纪念碑都拆左,起个豆丁甘大噶石头有9用咩!成条长堤学晒珠海情侣路甘搞,浪费晒我地纳税人D银纸啊!
發表於 2007-9-13 09:00:44 | 顯示全部樓層
我就系果一日出世的
發表於 2008-5-1 18:13:55 | 顯示全部樓層
原帖由 edisonzero 於 2007-8-3 19:00 發表 成日话勿忘国耻,宜家623个纪念碑都拆左,起个豆丁甘大噶石头有9用咩!成条长堤学晒珠海情侣路甘搞,浪费晒我地纳税人D银纸啊!...
發表於 2008-5-1 18:25:34 | 顯示全部樓層
卢总,骚埋个斗钉套出嚟啦!
發表於 2008-6-23 10:23:12 | 顯示全部樓層

唔得啊>_<!!我都系好想复呢张帖,事关查完六二三啲资料都系写唔出,因为我真系冇经历过.....第一次睇到六二三路个阵,重以为系站牌印错咗-_-!!!!

我谂好多后生仔女都可能会同我一样觉得,只系对呢个全部由数字组成嘅路名感到好奇,事过境迁,人面全非,家阵好似就剩返个名......

發表於 2008-6-24 21:27:31 | 顯示全部樓層

原帖由 大陆灿 於 2007-6-24 19:49 發表 听啲老爷講,广东最好嘅时候係军阀陈济堂主政期间。

 

 

 我爷爷在世时,都讲过咦句说话~~~利苑酒家好似就系陈济堂后人嘅

您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-5-22 16:15 , Processed in 0.068504 second(s), 20 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表