白話Blog文：最近做咗憤青

余OK

　　最近由干烧肥宗发展到烘培肥宗，迟d将会晋升成为冶炼肥宗～～
　　点解广州既天气会甘热架？我记得旧年既呢个时候都系比往年热，但系今年就更加热，点解会甘呢？
　　今日同一个朋友讲开城市既事情，我好激动，我话我对广外、广州都越来越无归属感。深圳就固然系一个移民城市，被评上最唔适合生活既城市都系理所当然，既无任何既文化积淀，又缺乏完善既治安管理系统，一味就系一个金钱既集散地，个个人头上都系一个钱字，人情味唔够（希望唔好得罪深圳既朋友）～
　　一直以来我反而中意小城市，我舅父就话我呢种性格就最适合系加拿大居住啦。好简单，例如台山同埋韶关，呢两个都系我最近到过既小城市。当然相比广州，呢两个城市都唔够繁荣同埋多样性，但系我中意渠地既咩野啊？就系渠地既人情味。呢度讲既人情味唔系一定指文明有礼之流既，系中国，暂时仲未稳到一个地方系文明有礼既。呢度既人情味其实系一个地方方言既“街坊效应”。系韶关，无论你去到大商场定系横街小店，一开口都系“电啊？”“呢只货新翻了啦”“落雨天好多大水蚁”“我今晚食毅cei啊”，一听上去，系好亲切既。再有系台山，甚至附近开平，开头就系台山话，呢d就系屋企既感觉。就算上海人几串都好啊，起码人地出街都会讲“阿拉上海人”啊～
　　相比之下广州呢？10年前系老城区返学，行入街巷都会听到“铲刀磨较剪”；落课去士多买野食，我地都会大大声甘同老细讲“沙士～卜卜星～”；去到茶楼饮茶，都会听到“虾饺～烧卖～叉烧包～”（我打呢几种食物既时候，紫光系连叉烧呢个词组都无既！！）依家出街要点啊？“唔该，拿上面果对绿色converse落来睇下啊”“什么？你说什么？”再有“老细，烧条鸡比啊”“鸡翅膀是吧？好嘞！！”“唔系鸡翅膀啊，鸡腿儿啊！”又有“司机唔该去燕塘啊～”“什么儿？哪里啊？”“Yan（4）Tang（2）啊”“燕塘哪里啊？”“银河公墓啊～武警医院啊”依家系广州，少左几分人情味，多左几分劳气。
　　我完全唔经唔觉点解广州突然间多左甘多外省人。有一日我搭车，我同个朋友讲，我话你信唔信啊啦，呢部车10个得3个系广州人。结果，车上的确好似开紧联合国高峰会甘，有d就湖南话讲电话，有d拿客家话大声讲野，有d又唔知咩少数民族系度搞恐怖筹划甘。
　　最拿命既系素质问题，随地吐痰乱丢垃圾呢d好多广州人都比外来人传染左，呢d系城市化产物既可悲。不过琴日系大学城搭车出来既时候，车上一名中年村姑，索性除左对拖鞋，将条腿摆上窗边扶手，前面果个可能都意识到恶臭，即刻白头人让位比黑头人，自己落车算啦～
　　哇～玩野啊依家？我唔讲中央同地方政府点点点啦，我都唔识讲，系米先，我根本唔清楚系咩野造成今时今日我土生土长曾经厚爱呢度深蕴文化既广州变成甘样。但系直观地睇，直接或间接造成呢d局面既，我相信一些自认为自己好有素质好有文化既外来朋友系米应该难辞其咎呢？广州拥有两千几年既历史文化沉淀，今时今日香港澳门都系讲粤语，当年粤语就系5票输比北京话做唔到国语，现代粤语既9个音之中最后三个系保留左古代入声字，所以用粤语来念古诗词系会觉得好顺口既。甘你话依家d人系米玩野啊？唔讲远，就讲我地学校里面，就已经有外来既朋友够胆当住35个广东人面前讲左一句话“我们那里风格上跟广东不同，没错广东是经济领先地区，但是广东毕竟还是一片文化沙漠”又有声乐既名师（自认为）讲“我觉得广东话是最不适合拿来唱的，说的话还过得去，但是从声乐角度来说，国语是最符合发声方法的”我心林，前面果位朋友够胆系广东人面前讲呢度系文化沙漠，所以可想而知呢个人系呢度唔会有咩朋友，后面果位同志，我想问下呢，国语算老几啊？意大利文、西班牙文都未出声啦～～
　　最近为左呢d鸡毛蒜皮既事情自己都有所压抑。鸡毛蒜皮？大家系米都系觉得呢d野好鸡毛蒜皮呢？或者大家生活系呢个城市耐左又或者外来既朋友对呢个城市既文化体会唔系好深所以唔多觉有d野其实系度和平演变中，但系不妨问下自己，问下身边既人，“行出街，竖起耳仔，睇下听到有几句广州话，或者数下擦身而过既100人，又有几个系广州人呢，做完呢d事情之后，你就会不禁问自己，究竟今时今日广州人去晒边度？

　　轉自http://kingqin15.spaces.live.com/

卢总

好多错别字噃！有冇拖佢入嚟接受再培训先？

Wai

寫得幾好真喎。

auyeung

10年人事幾番新。

無言以對鳥。。。。。。。

H3

其实都唔算愤青啦, 啲愤青係又"小", 唔係又"小", 但我哋"小"得啲L有道理嘎.
本来就係佢哋唔啱.



按你所讲, 我变得重愤. 我个blog度直头爆晒粗.

卢总

有几粗啊？够唔够我粗先？

H3

咁当然唔够, 我都唔係成日写. 只係得闲揾啲L人嘅硬胶嘢嚟"小"几嘢啫.

殺人王

很好

芬1012

唔係“老城區”，係“舊城區”。

芬1012

係啊，啲廣州人究竟死哂去邊度啊。

ray

上次二叔從外國翻黎廣州

佢大概5,6年冇翻黎了

跟住,我地齣去,佢成日問我:d廣州人去晒邊?周街都喺普通話嘅?

我話,我都想知阿,家下廣州一大半比撈b侵略,廣州人去邊?有錢過頭,移民啩?~

 

哎,悲哀.最煩就喺學校校長喺撈嘅,老師大部分都撈..

 

嶺南散人

最緊要正字

laiuswon

你见到中国上下一片血腥和谐．一就移左民，一就畀人和谐左．依家中国就系一个暴秦政策．

包包包包

好似蝗蟲咁涌過來～

 

最后數量上占埋優勢～

 

深圳都系咁～變煲冬瓜城市架～

 

再唔控制人口～就系下一個深圳～

[ 本帖最後由 包包包包 於 2009-1-20 22:19 編輯 ]

普君南拆遷居民

原帖由 包包包包 於 2009-1-20 22:18 發表 好似蝗蟲咁涌過來～   最后數量上占埋優勢～   深圳都系咁～變煲冬瓜城市架～   再唔控制人口～就系下一個深圳～

明日嘅香港都一定變成今日嘅深圳啦。

sthh

原帖由 芬1012 於 2007-6-26 01:26 發表 唔係「老城區」，係「舊城區」。

 

"我唔一定係漢人，但我一定係越人。粵語唔一定同漢語有關，但一定同我嘅祖先有關。"------呢句我中意。如果多 啲原住民都係噉諗，廣州邊會咁變態，變到不倫不類，成個怪胎噉丫。睇下香港，畀鬼佬統治左百九幾年，夠哂變態喇掛?但係 啲粵味反而重比廣州濃，真係冇得解。不過睇怕香港都唔撐得幾耐咯......