[討論]香港粵語和澳門粵語有冇分別?

barryshawn

好多人認為冇分別,其實我覺得係有既,澳門人說粵語比香港人慢,可能比廣州人還要慢.澳門人說話大多不會半中半英,甚至比廣州人說話出現半中半英既情況少,用詞方面 香港叫差佬,澳門叫司法, 人地叫廣場,澳門人叫前地 網上有人發表澳門人說粵語上聲不發陰陽,我不認同.有可能是作者接觸的是澳門的褔建移民,褔建人學粵語比江浙等人學得比較差

tea

分别肯定是有的。两个地域，两种文化。

月影

我由細到大聽慣都係叫差佬喎

另外“廣場”跟“前地”根本就兩者並存，只不過後者會比較多用罷

barryshawn

差佬,司法,兩者並存

Daniela

我o係度住左23年, 可以好肯定, 日常係講"差佬".
而"司法警察" 多數係新聞, 官方先會用到, 因為另外有"治安警", 同"交通警" .
平時o係街見到既係"治安警", 不過我地統稱佢地係"差佬".

而"前地"一詞係由葡文"Largo"黎既. 平時講會講"廣場".
"前地"會用係新聞, 官方, 或 路牌上, 就算有人講, 只係十個人入面, 得一個人會講.

另外, 澳門原籍福建既, 確係比較多. 佢地講既廣東話同我地有少少分別亦唔出奇, 我一個大學同學就係呢個情況.

要講用詞上, 香港同澳門一個好明顯, 好多人知既分別係 "擦膠" 同 "膠擦", 不過o係澳門亦有好多人講"擦膠", 基本上o係澳門兩個講法都有.

[ 本帖最後由 Daniela 於 2007-11-15 14:37 編輯 ]

Daria

我既有香港同学又有澳门同学，讲野真喺唔觉好大差别……

李四

我地講『嗰度』，我有個澳門朋友講『撈度』。

barryshawn

澳門人講0野會慢d,係真0既.

佳君

香港人講嘢會快少少,係真o既

highyun

澳門粵語接近中山珠海嗰邊嘅口音，而香港嘅粵語主要由廣州傳過去，港澳兩地自然有唔同，通常聽落都覺得香港口音更接近廣州口音。

 

barryshawn

我澳門有個好朋友，雖然佢冇移民來香港，但係佢講0野0既口音好明顯同香港一樣0既，佢話澳門人都睇係香港電視大，基本近幾代澳門人0既口音同香港人冇分別。除左講0野冇香港人咁快。

walkman2k

成日討論口音差異, 不如諗計儘快收復深圳好過啦~

佳君

原帖由 barryshawn 於 2007-11-28 00:41 發表 我澳門有個好朋友，雖然佢冇移民來香港，但係佢講0野0既口音好明顯同香港一樣0既，佢話澳門人都睇係香港電視大，基本近幾代澳門人0既口音同香港人冇分別。除左講0野冇香港人咁快。 ...

下雨天,我啱啱先發覺大陸既[李冰冰]原來佢識講廣東話噃..o係TVB訪問佢既時候睇到o架!

重有好似個[周迅]都識講係咪呀?

芬1012

原帖由 walkman2k 於 2007-11-28 19:58 發表 成日討論口音差異, 不如諗計儘快收復深圳好過啦~

 

冇錯嘞，重有教育問題，大把嘢要急住諗啦。

护粤人士

要諗計喺廣州推行粵語教育, 要努力喚醒群眾, 上有政策,  下有對策.

barryshawn

原帖由 佳君 於 2007-11-30 15:08 發表 下雨天,我啱啱先發覺大陸既[李冰冰]原來佢識講廣東話噃..o係TVB訪問佢既時候睇到o架! 重有好似個[周迅]都識講係咪呀?

 

周迅不嬲都識講,不過佢可能唔夠膽在國內媒體講.......................其實好多國內女明星都識講,來得香港搵食點都識幾句,好似,陳法拉,黃奕咁明明唔識都要學到識

barryshawn

原帖由 walkman2k 於 2007-11-28 19:58 發表 成日討論口音差異, 不如諗計儘快收復深圳好過啦~

 

我無時間收復深圳,深圳已成定局,因為我要防止香港推行普通話教學.防範勝於救災!香港呢個最後防線冇埋就肯定玩完.

佳君

原帖由 barryshawn 於 2007-12-2 23:52 發表   周迅不嬲都識講,不過佢可能唔夠膽在國內媒體講.......................其實好多國內女明星都識講,來得香港搵食點都識幾句,好似,陳法拉,黃奕咁明明唔識都要學到識 ...

由此可見,粵語o既地位係非常之高o架!尤其是o係華人圈入邊!

所以,學好粵語,冇錯o既!

gzczc

原帖由 walkman2k 於 2007-11-28 19:58 發表 成日討論口音差異, 不如諗計儘快收復深圳好過啦~

重收復深圳？呢家連廣州都就快淪陷啦