貨不對“辦”？？

highyun

我會用“貨不對版”。如果要用“辦貨、採辦”嚟作爲用“辦”嘅解釋，稍爲牽强，因爲“辦貨、採辦”好難隱伸到“貨物”。

余OK

　　因為職業關係我其實平常成日要接觸呢樣嘢，第一次見有人將「樣板」寫作「樣辦」係我哋公司一個經理，佢係大陸本地人，不過喺香港長駐咗幾年。初時諗極都唔明「辦」明明個音唔啱，最近又有其他人重提過呢個問題（好似係喺Q群月影同Malsony講嘅），先醒起「買辦」嘅讀音相同。但係始終都覺得「辦」同樣板扯唔上關係，唔係幾推薦用。我通常係用返「板」字，因為係「樣板」嘅緣故，當然「版」都好有道理。呢個問題值得再討論落去。

[此帖子已經被作者於2007-6-15 23:14:07編輯過]

auyeung

上個月睇TVB六點半新聞報道，曾經有幾日出現過貨不對“辦”呢個詞。

心存疑問，乜唔係貨不對版咩？細個聽到大一直認為係貨不對版。

貨不對版，即買嘅貨物同所睇嘅樣本唔一致。

版，樣品，樣本。

辦，辦法，辦事。

幾時變咗係貨不對“辦”？

[此帖子已經被余OK於2007-6-13 21:34:31編輯過]

dada

我覺得「貨不對辦」都可以講得通﹐甚至好似比「貨不對版」更啱。fficeffice" />

「辦」貨係購買貨物。收到嘅貨物可能要同樣本一致。但係﹐嚴格嚟講﹐係要同辦單一致。

tchon

作者

陳瑞端

標題

生活錯別字：報章標題、內文

香港人有時候把樣板寫成「樣辦」，而粵語口語裏也有「貨辦」、「人辦」的說法。但「辦」其實跟樣板沒有關係，這個「辦」相信是「範」之誤，「範」指模型、模子、典範、範本，正有樣板之意。只因為語音轉變，古代唸雙唇(b)的音，現代變了輕唇音(f)，所以人們對「範」的這個讀音比較陌生；但現代閩南話還保留這個說法，而且還保留雙唇的讀法，唸去聲，可以作為旁證。

dada

《國語辭典》﹕
「辦，購買。如：『採辦』﹑『辦貨』。」
「採辦，採購各類物品。紅樓夢．第四回：『家中有百萬之富，現領著內帑錢糧，採辦雜料。』或作『采辦』。」
「辦貨，採購貨物。如：『快過年了，他們全家上街辦貨。』」fficeffice" />

不過﹐我自細聽、講嘅「辦」係郵購﹐「辦單」係訂單。

auyeung

『採辦』﹑『辦貨』。」我同意。

但係而家講緊係貨不對“辦”喎！！唔好扯到第二度。。

香港人有時候把樣板寫成「樣辦」。。

噉究竟係貨不對“辦”，“版”，定“板”？？？

auyeung

蝦仁。。。

隱伸[em01]。。。

即係初步認定“版”同“板”！

卢总

寡人用“货版”、“样版”、“首版”，你满意未？

“买办”个“办”的确系读“板”，但系就好难同实际交易当中嘅情节吻合。

今时今日有好多设计公司或者生产商都会有“版房”，唔通又叫“板房”或者“办房”啰噃？

外外星人

原帖由 auyeung 於 2007-6-16 07:02 發表 蝦仁。。。隱伸[em01]。。。即係初步認定「版」同「板」！

 

两个都系名词：

版
edition printing plate

板
board plank shutter ban bat

 

睇英文就知，计正好多人都支持用版。（中文解释太多，费事贴出嚟干扰视线）

当我谂紧个版字正到痹嘅时候， 以为讲sample嘅实系样版。点知，你点都搵唔到样版呢个词嘅解释，而样板就有templet呢个解释。

 

当我哋讲紧货不对板嘅时候，梗系话个sample或者templet唔啱啦！唔通话个版唔啱size咩？你做过厂或者相关行业就知点解嘞！

 

故此，应该系货不对板！

 

PS：好多时，「段古武辛府」系唔得嘅，冇实际生活体验或者工作实践分分钟读死书、读书死。