高官問責：寫低你認為做得唔夠好嘅版塊同版主

Yuok

　　有最佳版塊同版主嘅選舉，亦應該對敷衍塞責嘅版主進行評審，對事唔對人，督促其有則改之，無則加勉。版主嘅職責並非十分複雜，主要係對各自所屬版塊嘅帖子進行歸類整理，必要時將帖子進行專題、版塊移動，置精華，刪除垃圾帖子，發表或轉載有價值嘅帖子、回覆多日未有回覆嘅帖子，等等。
　　寫低你哋嘅寶貴意見提出做得唔夠好嘅地方，等各版主督促好自己，令論壇運作更具效率性。同時可以自薦成為某某版嘅版主，寫低你哋如何做好版主嘅決心及計劃。強烈建議實行競爭上崗制，淘汰唔稱職之版主，開創粵協論壇精良管理團隊新風。

余OK

　　直言不諱，我個拍檔眞係唔??當，希望佢眞係可以幫輕吓版塊管理任務。

大陆灿

会5会畀啲版主秋后算帐架?

余OK

以下是引用大陆灿在2007-5-31 19:27:17的發言：
会5会畀啲版主秋后算帐架?

　　放心啦，粵協唔係董班子，唔使擔心畀啲版主斬你。[em07]

大陆灿

噉我就放心啰!我呢希望啲版主喺自己嘅版快涌跃发贴及跟贴啰!好似lhk版主噉,佢身为粵語歌室嘅版主係应该先带旺自己嘅版快，但係lhk版主就好小喺自己嘅版快发言,相反lhk版主喺其它版就发咗好多精彩及好受欢迎嘅贴，例如lhk版主嘅商台声音專栏我就好钟意，我觉得lhk版主喺发高质量嘅贴嘅同时亦都要兼顾下自己嘅版快,话晒你都係版主喔!先至声明，虽然以前同lhk版主有小詏叫,但我5係针对lhk版主嘅,最佳連載欄目投票我仲投咗lhk版主一票添。相反我觉得lhk版主对粵協嘅贡献並不是其它人可能比嘅，lhk版主所发嘅贴深度之高受欢迎程度喺论坛喺寥寥无几嘅,但喺粵語歌室版快嘅表现係绝对5称职，可能嘅话请调任其它版快。

lhk

多謝你意見，最近事務纏身，疏於在本版發帖回帖和管理。請俾時間我，我會改進。[em17]

[此帖子已經被作者於2007-6-1 19:27:48編輯過]

余OK

　　好多謝燦叔嘅寶貴意見，都幾make sense。不過我想講嘅係，可能因為你入嚟嘅時間唔係好長，未知lhk係粵語歌詞創作嘅能手，做粵語歌室版主可謂實至名歸。創作呢家嘢，最講究靈感嘅醞釀，一係耐耐都屙唔出蛋，一係佳作迭出嗰隻，我相信lhk平時都花咗唔少時間喺創作方面。至於身兼版主一職，發帖固然係版主職責之一，但竊以為唔係重點，喺恰當嘅時候整三兩句連珠妙語好過一味誇誇其談。版主嘅作用主要係版務嘅管理，譬如調整帖子嘅專題、轉移同所在版不符嘅帖、將好帖設成精華、將重要帖置頂、刪除冇用嘅垃圾帖，等等；同埋回覆久未有跟帖嘅帖子（除非大家都認為冇回覆價值嗰啲），適當活躍吓版內會員嘅討論氣氛，調動佢哋參與嘅積極性。噉樣可以稱得上係稱職嘅版主嘞，話簡單唔簡單，話複雜又唔見得複雜得去邊，最緊要有心。現時論壇唔少版的而且確缺乏管理，否則出嚟嘅效果會更加好。有個別版甚至長期冇人打理，要隔籬版嘅版主「撈過界」幫手搞埋一份，長此以往祇會事倍功半，所以先提議高官問責、競爭上崗制。
　　我一直強調每個版至少要有一位版主係資深型+勤力型，當然梗希望係由正副兩個版主分擔，資深型處理起版內會員各種問題得心應手，再加上勤力型善於打理版務嘅協助，自然幫輕唔少，當然多數時候係無分彼此交叉進行，否則祇會做死一個人。譬如在下管轄嘅初級版，另一位搭檔版主不提也罷，上面提到嗰幾點似乎冇邊點做得嚟，有啲懷疑當初係咪睇錯人，如有適當人選定必撤換。
　　話時話，好多嘢又要歸於現實，做版主對於唔少人嚟講係一件吃力不討好嘅事情，佢哋難免抱住噉樣嘅心態：又冇糧出嘅，對我嚟講做得好唔好都冇得着，使乜做到咁搏命喎。呢個時候就吹佢唔脹嘞，喺「利益驅動者」面前縱使大條道理都變得枉然。家陣呻兩句亦祇係期望多啲有心人士眞係出心去幫到手而已。
　　創造清新整潔有睇頭嘅版面，你我有心唔難做得到。歡迎有志用心參與管理版務者加入！

[此帖子已經被作者於2007-6-2 0:38:47編輯過]

highyun

呢個帖，目標並非針對版主，因爲做得論壇嘅版主，都係粵語協會嘅支柱力量。建帖嘅目的只係希望善意提醒部分未能管理到版務嘅版主，今後做得更好。所謂“高官問責”，我覺得改成“向版主提意見”更貼切。

至於上面一位網友講到LHK嘅問題，都係善意嘅意見，我諗LHK生都樂於接受呢種意見。希望各位以善意提醒嘅態度而唔好真係以“問責”嘅口吻向各位版主提意見。

 

[此帖子已經被作者於2007-6-3 21:30:44編輯過]

tea

暂时冇嘢讲。