問字：「:彩」「份」「瞭」vs「采」「分」「了」

auyeung

有幾個字一直想問，就唔知點解佢哋會變咗形？？？

呢幾個字分別係：彩，份，瞭。。。

以前覺得繁體字入邊就係呢幾個字，但係而家睇電視，臺灣或者香港，呢三個字都變咗形。。變成：采，分，了。。

精彩，緣份，瞭解。。。==。。。精采，緣分，了解

我所知應該重唔衹咁少，有其他字提出歡迎指教。。。

[此帖子已經被余OK於2007-5-31 20:48:34編輯過]

dada

「精彩」應該係正寫。臺灣《國語辭典》﹕「精彩，出色美妙。紅樓夢．第七十六回：『賈母因見月至中天，比先越發精彩可愛。』亦作『精采』。」fficeffice" />

《國語辭典》根本冇「緣份」﹕「緣分，人與人之間能夠相投契合的定分。水滸傳．第十五回：『雖然與我們只隔得百十里路程，緣分淺薄，聞名不曾相會。』老殘遊記二編．第七回：『前月分手，我想總有好幾十年不得見面，誰想不過一個月，竟又會晤了，可見我們兩人是有緣分。』亦作『分緣』。」
呢幾年﹐我都將「身份」改寫為「身分」﹐因為係同團體「分」別後嘅社會地位。重有「本分」、「分內」、「分量」之類﹐理由一樣﹐我都用「分」。
《國語辭典》﹕「分與份於ㄈㄣˋ音時多見混用。究其本義『分』為分別、分開的意思，所以可引申為成分、部分的意思。『份』本讀為ㄅ｜ㄣ，同『彬』字。後與『分』的類化字『份』同形相混，遂有二音。今於表示名分、身分、部分等義時，宜用『分』字；表示量詞，如：『一份工作』、『一份報紙』，或『股份』時，可從俗用『份』字。」

《國語辭典》﹕「瞭解，明白。如：『你瞭解我的意思嗎？』亦作『了解』。」
《國語辭典》﹕「了，明白、懂得。如：一目了然。宋．陸游．醉歌：心雖了是非，口不給唯諾。」
因為「瞭」、「了」相通﹐所以大陸用「了」。《簡化字總表》﹕「瞭：讀 liǎo (了解)時，仍簡作了，讀 liào (瞭望)時作瞭，不簡作了。」

[此帖子已經被作者於2007-6-8 2:10:01編輯過]

monfan

有对有错，真系要了解清楚先得

auyeung

以下是引用monfan在2007-6-8 1:28:02的發言：

有对有错，真系要了解清楚先得

有對有錯？？？？

邊度又錯咗？？？先

auyeung

好耐冇人覆呢篇嘢勒！

加推一個先：畫。

而家見台灣係用畫，計畫，畫畫，都係佢。

但係香港重係用劃，計劃，劃則。畫畫先係用“畫”。

auyeung

「劃」字從「刀」﹐即係用刀刻劃﹔所以﹐凡係有界限嘅意思﹐古時用「畫」﹐今日應該用「劃」﹕「劃撥」、「劃分」、「歸劃」、「劃時代」、「整齊劃一」……。fficeffice" />

「計劃」、「籌劃」、「劃則」﹐古時用「畫」﹐今日都應該用「劃」。「計劃」係預先將事情進展條理分明﹐都同界限有關。

言則，計“畫”應用“畫”，何解現時臺灣用“劃”？

若“畫”“劃”相通，則臺灣追隨傳統從古？

殺人王

以下是引用auyeung在2007-6-22 13:39:04的發言：

好耐冇人覆呢篇嘢勒！

加推一個先：畫。

而家見台灣係用畫，計畫，畫畫，都係佢。

但係香港重係用劃，計劃，劃則。畫畫先係用“畫”。

計晝同計劃兩者可以通嘅,不過香港以前係用"計劃"多,但係而家好多人都轉用"畫"

除用"計畫"都無錯之外重有一個原因,就係"劃"字從"刀",部分職員寫"計劃書"嘅時候會認為唔"吉利"所以就改用"畫"字.試問有邊個想自己苦心寫嘅"計畫書"畀老細一"刀"割去?

 

auyeung

哦，噉解。

但係HK而家係用劃啩。有轉用畫咩？

台灣先係用畫吓嘛。

dada

禿鷹教育網有過一篇﹕fficeffice" />

「畫」與「劃」?

「畫」與「劃」二字，著實惱人，究竟如何分辨呢？通常「畫」字可當名詞或動詞，而「劃」字只能當動詞或形容詞，不可用作名詞。而且「畫」偏重於實際著手，如「畫圖」；「劃」則偏重於思考性質，如「籌劃」。一般說來，「劃撥」、「劃分」、「歸劃」、「劃時代」、「整齊劃一」均用「劃」。其餘則多用「畫」字，像「畫布」、「畫棟雕樑」、「畫家」、「畫展」、「畫冊」、「畫押」…。

禿鷹教育網應該話個「劃」字從「刀」﹐即係用刀刻劃﹔所以﹐凡係有界限嘅意思﹐古時用「畫」﹐今日應該用「劃」﹕「劃撥」、「劃分」、「歸劃」、「劃時代」、「整齊劃一」……。

「計劃」、「籌劃」、「劃則」﹐古時用「畫」﹐今日都應該用「劃」。「計劃」係預先將事情進展條理分明﹐都同界限有關。

至於「筆畫」﹐《國語辭典》話「或作『筆劃』」﹐但我認為「筆畫」好啲。

殺人王

我覺得呢方面不必太過拘泥,香港同台灣兩地雖然都用傳統字,但係用字習慣不太相同而己."對與錯"唔係太重要

好似"盃"同"杯"字(以前我剛接觸繁體字嘅時候都有問過).古書上話相通("杯"為"盃"俗字)不過,而家香港同台灣嘅用法都係"茶杯","世界盃".就算字相通,遵從用字習慣即可.

[此帖子已經被作者於2007-6-24 13:17:11編輯過]

dada

以下是引用auyeung在2007-6-24 9:22:10的發言：
言則，計“畫”應用“畫”，何解現時臺灣用“劃”？fficeffice" />

我相信你寫錯﹐應該係﹕
言則，計“劃”應用“劃”，何解現時臺灣用“畫”？

王力先生主編嘅《古代漢語》對「畫」字有三個解釋﹕
一、劃分界限﹕……。這個意義現在寫作「劃」﹐又簡化為「划」﹔
二、計劃、籌劃﹕……。這個意義現在也寫作「劃」﹐又簡化為「划」﹔
三、圖畫﹕……。

臺灣《國語辭典》雖然話「計畫」亦作「計劃」﹐但主要用「計畫」﹐的確有復古嘅意思。

至於「杯」﹐《國語辭典》的確話﹕「杯，競賽優勝的獎品。如：『金杯』、『銀杯』、『獎杯』。今多用『盃』字。」

Lucciora

像 象

盡 儘

為 爲

小狼

首先，我認為唔好乜都信晒《國語辭典》。佢對後起嘅分化字往往好保守，保守到有啲泥古。但係後起分化字嘅出現，係有佢實際用途。既然係噉，就應該按照實際需要嚟考慮。

在下部落格上嘅文章：

從「兇」、「凶」說起──不要盡信《國語辭典》

例如話「份」、「分」兩個字，撇除「份」字喺篆書時同「彬」字嘅用法，「份」字係「分」嘅後起分化字，取代「分」嘅一啲詞義。讀做fan6嘅「分」字，已經漸漸由「份」字取代，就好似我喺上面嗰篇文章噉寫：

至於「份」、「分」二字，「身分」早已寫作「身份」。那麼「名份」、「職份」的「份」字，意義與「身份」的「份」字相同，亦應寫作「份」。而「份內」、 「份量」、「水份」、「部份」、「知識份子」等詞，《香港小學學習字詞表》「份」、「分」並收，承認「份」字這義項。這些詞語用有人的「份」，都能避象歧 義，把「整體中的一個單位」或「成份」的意思，表達得更清釋。這些詞語，亦應以「份」字為準。

以前唔只「份內」、 「份量」、「水份」、「部份」、「知識份子」用「分」，「身份」、「名份」、「職份」都用「分」。今日，呢啲詞語用「份」字已經好普遍。而且用「份」字可以將「整體中嘅一個單位」或者「成份」嘅含義表達得更好。

所以，我對「分」、「份」呢兩個字嘅分工係：
分：分佈、分配、瓜分。數學詞語：分數、分子(數學或科學詞彙)、分母、百分之六十。分開，分離。
份：年份、月份、省份、股份，一份愛、一份報紙、一式兩份，身份，天份、名份、職份，份外、份內、部份、份子(指一群人)、知識份子、一份子、水份、氧份、糖份、過份、份量，緣份、份緣。

仲有……

「畫」、「劃」：
畫：畫圖、漫畫、畫展、畫面，畫眉、畫押、筆畫。
劃：劃一、劃分、劃條，計劃、企劃。

「采」、「彩」、「綵」、「採」：
采：神采、丰采、興高采列、無精打采、喝采。
彩：精彩、多姿多彩、光彩，中彩、彩數。
綵：綵排，剪綵、張燈結綵。
採：採集、採擷、採納、採藥、採購、採用、採證、採取。

「杯」、「盃」
杯：杯子、杯碟、一杯水、杯水車薪、夜光杯。
盃：比賽名稱：總督盃、千禧盃、百慕達盃，比賽的獎盃：獎盃、金盃。

「了」、「瞭」
了：了解，了得、小時了了、不甚了了，一目了然，明白了。
瞭：明瞭、瞭如指掌，瞭望。

dada

我去睇過《從「兇」、「凶」說起──不要盡信〈國語辭典〉》。

我唔知《辭海》係咪權威過《國語辭典》。不過﹐係唔係都冇所謂﹐因為無論邊部字典都會有錯。

但係﹐講到「我還可以拿更權威的《說文解字》，否定『喜悅』這詞，要大家寫作『喜說』」呢句話﹐就太偏激。東漢嘅《說文解字》喺邊方面權威過《國語辭典》同《辭海》呢﹖呢句話令我諗起一句經典嘅話﹕你哋要求恢復繁體﹐點解唔要求恢復小篆﹐甚至金文或甲骨文呢﹖

按﹕我用《國語辭典》﹐因為網上有電子版。

中二仔

家下嘅"字典"係因唔同地方,唔同語言,唔同人,唔同睇法而唔同,絕對唔存在權權唔威呢一樣嘢...

而且而今嘅"字典"都係經過語言,政治,時間洗刷嘅產物,根本同<說文解字>唔係同一樣嘢,無需,不用亦都不可以比較.

小狼

我無意認為《說文》更權威，
也反對我們全盤依從《說文》的寫法 (如「喜說」)。
我這句說法只是反駁要全盤依從《國語辭典》，以它做絕對標準的人。
全盤依《說文》當然不合理。
同一道理，全盤依《國語辭典》，不加思索地接受它的用字習慣，亦可能有問題。

《國語辭典》裏有些詞彙的用字，就像《說文》的「喜說」般，
經已追不上文字使用的變化。 [ 本帖最後由 小狼 於 2007-11-25 15:19 編輯 ]

中二仔

原帖由 小狼 於 2007-11-25 15:18 發表 我無意認為《說文》更權威，
也反對我們全盤依從《說文》的寫法 (如「喜說」)。
我這句說法只是反駁要全盤依從《國語辭典》，以它做絕對標準的人。
全盤依《說文》當然不合理。
同一道理，全盤依《國語辭典》，不加思索地接受它的用字習慣，亦可能有問題。
《國語辭典》裏有些詞彙的用字，就像《說文》的「喜說」般，
經已追不上文字使用的變化。

同一道理,可以應用喺任何書籍.

 :有時,唔同人唔同用法,反而令漢語更加繽紛多彩,有style,係唔係呢?而且大家都會多一個可以討論嘅題目

中二仔

我本身無咩用<國語辭典>,不過我有用開<異體字字典>,我唔覺佢守舊.反而我覺得佢今古兼容,做得好好.唔同字又有link,唔明可以click入去.

異體字字典同國語辭典解釋舉例係一樣嘅,不過國語辭典就係少咗嗰啲link,再加上佢哋解釋古義同本義會花長啲篇幅同例....可能就係咁令你哋覺得模糊同守舊啩...

 

我建議大家用下<異體字字典>,右邊古書嗰一欄好好用.