有冇可能籌辦一間自己嘅學校？

芬1012

呢間學校同以前一樣，全部用粵語教學（附帶英語教學），小學至高中，全寄宿，低收費（甚至凈係收返日常開支嘅成本費），面向整個嶺南地區，并積極尋求海外華人嘅支持同幫助，盡可能令到每個學生可以出國留學。

此學校無需建于城市，亦唔需要豪華建筑，最好喺山野地方，一嚟可以降低成本，二嚟可以令到啲學生多啲接觸大自然，培養佢哋樸素同堅強嘅性格。

有冇可能呢？應該點做呢？

我哋粵協同仁有冇可能為此行到一齊，切實噉做好呢件事呢？

[此帖子已經被作者於2007-5-26 20:07:29編輯過]

芬1012

能夠再次見到我哋啲細路可以用自己祖先嘅語言、自己嘅母語嬉戲，係我最大嘅夢想。

余OK

　　在下都有類似諗法，但人微言輕，想成事掣肘多多，談何容易。

Wai

呢個提議幾好。

私立學校，小班教學。

補習社，眞正嘅母語教學，唔識教到識（普語例外）。

highyun

其實好簡單，一個字就搞掂：錢。

羊城惜花人

我都曾經諗過，如果我有錢，我會買咗而家“廣州農講所”笪地，重辦“番禺學宮”用粵語教授諸子百家~

余OK

　　有諗頭總好過冇諗頭，有埋目標就更加好。樓主有冇機會大家出嚟坐低傾偈交流吓？

芬1012

好，你哋喺邊度咖？點揾到你哋啊？

前幾年我哋條村有間小學校畀個外省佬承包咗，間學校都幾大咖，全部課室都係石屎樓。點解人哋做到，我哋就做唔到呢？萬事起頭難啫。

不過，high生都講得啱嘅，“錢”係關鍵。我哋基本上都係揾緊食嘅，正式係手停就口停。有錢佬又未必有呢個心。

無論點都好啦，等我哋坐低慢慢傾下先啦。

噹噹

如果係中國唔比辦o既話，係海外辦啦，辦多d粵語既孔府學院咪得囉!......

余OK

　　芬1012：我差唔多個個禮拜日都出廣州，搵個時間約埋出嚟咪OK囉。又或者留意協會聚會消息，一齊參與重更加好。

芬1012

好，不如就星期日啦，即係2號，10點，紀念堂門口。

如果各位冇問題嘅，不如一齊嚟啦，最好叫埋啲朋友嚟。

high生話冇米，其實我哋點解唔多啲溝通下呢？班滿佬之所以咁掂，就係因為佢哋互相“溝通”得好吖嘛。

余OK

　　我本人冇乜問題，不過我通常喺廣州都係下晝先得閒，朝早要上堂。睇吓其他人出唔出到嚟，得嘅話再約定。可以發論壇短訊畀我私下聯絡。

libran

建議好好, 要傳承粵語, 就一定要有粵語學校, 哩個系無可否認嘅;

問題系, 大陸嘅教育部門肯定唔會認同, 有可能直程唔畀你開.

如果D學生要參加大陸嘅考試, 唔識Mandarin系唔得嘅; 如果唔需要大陸教育部門嘅認同, 又去邊度揾出路呢? 要認真唸下.

libran

以下是引用highyun在2007-5-26 21:00:09的發言：
其實好簡單，一個字就搞掂：錢。

 

唔系用錢就搞得掂咖, 大陸教育系統肯定唔會承認粵語學校嘅學歷, 所以, 出國讀大學似乎系唯一選擇.

馬萬千

根本冇可能咁滯

因為辦學校咁大件事, 一定要教育局批，但係用粵語教學教育局實唔批。

Wai

以下是引用馬萬千在2007-5-31 6:37:38的發言：

根本冇可能咁滯

因為辦學校咁大件事, 一定要教育局批，但係用粵語教學教育局實唔批。

私人補習社應該有得傾啩？

大陆灿

以下是引用馬萬千在2007-5-31 6:37:38的發言：

根本冇可能咁滯

因為辦學校咁大件事, 一定要教育局批，但係用粵語教學教育局實唔批。

用钱疏通教育局班人咪得啰!不过笔数可能好大,5係一般人可以啰得出嚟。

芬1012

以下是引用libran在2007-5-30 8:44:29的發言：

 

唔系用錢就搞得掂咖, 大陸教育系統肯定唔會承認粵語學校嘅學歷, 所以, 出國讀大學似乎系唯一選擇.

呢個問題一開始就已經考慮過，確實好多問題，只係唔想喺呢度公開傾啫。

呢件事對于粵文化嘅傳承非常重要，亦都非常難辦，肯定唔係一日半日就諗得掂嘅。

“錢”始終係一個最關鍵嘅問題，我哋要多啲溝通至得，即係話要互相關照，就好似親密嘅朋友一樣（而事實上我哋真係可以做到咖，因為我哋都有相同嘅志向，會比朋友更好）。譬如……唔講嘞，有機會見面至詳細傾啦。

芬1012

睇嚟暫時冇人想相睇，以后慢慢再約啦。

cantonian

唔一定要約出來, 大家可以喺外國申請個免費論壇, 或者用ICQ, 千祈唔好用QQ, 可能有監視、記錄傾計內容嘅功能.

或者去粵語文化傳播協會嘅論壇都得:
http://forums.cantoneseculture.com/forums/default.aspx

渠地嘅服務器唔喺大陸, 唔使驚會畀人入機房夾硬搬走服務器

[此帖子已經被作者於2007-6-1 9:58:33編輯過]