隔牆有耳：聖鬥士星矢夠正義 唔夠正字

katck

　　TVB大台作風，一向政治正確，近排搞埋正字，製作《最緊要正字》市民讀正音，連卡通片角色都唔例外。月前播出套日本動畫《聖鬥士星矢冥王十二宮篇》，主角「冥（音皿）鬥士」，忽然變成「明鬥士」，「冥王星」讀成「明王星」，原來TVB下「聖旨」，成班正義聖鬥士都要以身作則讀正字，咪壞細路，可憐星矢fans被人由細呃到大，偶像「冥」鬥士原來叫「明」鬥士，正字正確令集體回憶走晒樣。

　　鵪鶉要讀成「鵪唇」
　　90年代初TVB首播《星矢》系列動畫，掀起星矢熱潮，八方都成日捧場，前排TVB首播《冥王十二宮篇》，一班星矢迷擔定凳仔捧場，點知班主角冥鬥士一開口，個個變晒「明」鬥士，冥王星改讀成「明」王星，聽落好「銀」耳喎。有fans同八方投訴「TVB點配音」，仲要播到一半就cut，大結局石沉大海，到喉唔到肺，激到班fans想用天馬流星拳打爆電視。
　　配音組小角色爆料，星矢要正字原來係高層旨意，讀音要以大學授為標準，冥正音讀「明」，唔可以再讀「皿」，佢話同事都媽媽聲，「讀幾十年都係個音，家要改，有冇搞錯？但係高層指令要跟授讀正音，對學者奉若神明，做細咪照讀，唔通同個飯碗鬥氣咩！」有配音員話正音仲有其他搞笑，狒狒讀成「費費」，鵪鶉就讀成「鵪唇」，「你叫陳志雲試去街市問有無鵪『唇』賣？」
無外事部助理總監曾醒明向八方解釋，星矢主角讀正音，係因為TVB覺得做傳媒有育下一代責任，故此配音組會參考何文匯授本《粵音正讀字彙》同其他典籍。不過TVB講一套做一套，卡通片角色要正音，好似《溏心風暴》呢電視劇集或者其他綜藝節目，就唔使讀正音喎，即係話如果大契去街市買鵪鶉煲湯，唔使同個小販講話買隻「鵪唇」咁惹笑。

　　文化人鬧「搞」
　　反對盲目讀正音文化人潘國森認為TVB「搞」，佢話語言用溝通，「讀個無人聽得明讀音，咁有咩用？」家被指係正音讀音，其實係古音，既然時代唔同，應該接受約定俗成新讀音，「粵語文化唔係屬於一個電視台或者一個授，所有粵語地區，包括海外廣東人都分享呢套文化，閉門造車搞正音係自尋煩惱。」

[此帖子已經被余OK於2007-5-13 17:57:14編輯過]

羊城惜花人

所以“最緊要正字”做到半路都停咗，因為實在真係有啲矯枉過正

余OK

　　我今朝趕時間嚟唔切轉帖過嚟，冇諗到樓主快我一步。

katck

大家小心點讀「鵪唇」，不要讀錯為「陰唇」，今天母親節，和媽媽食茶，看到報紙時讀了出來，給媽媽說我「賤格」。唉怎及他們來得賤呀！暈~~~~

libran

應該話TVB初衷系好嘅, 但完全用宋音黎正音就有爭議啦, 因為用粵語讀《詩經》都啱韻律咖, 《詩經》系西周初至春秋中期嘅作品, 早過宋朝好多

monfan

矫枉过正早就见识一斑，所以唔系几钟意而家配音嘅《圣斗士星矢》，虽然系粤语，但有缺陷。

libran

我查過廣州音字典啦, '冥'真系讀'明'嚄~

'鶉'有兩種讀音: 春、唇

gboss

老實講，讀冥字讀“明”，感覺好怪！

月影

以下是引用gboss在2007-5-15 12:59:35的發言：

老實講，讀冥字讀“明”，感覺好怪！

但“冥頑不靈”一詞一般都是讀作“明”音，此乃例外

bart

咁點算啊？

幾時先至有個大台做個似樣啲嘅節目出嚟搞返掂阿何文匯嘅“正音”？

南汉

鶉'有兩種讀音: 春、唇

读“春”声调是变调，没有错，只是单字读不应该是这个声调。

 

我们不应片面反对正音运动，好的东西，我们还是要吸收的。潘国森也过激了

[此帖子已經被作者於2007-5-25 13:56:12編輯過]