|
呢件系真事來架，就發生系噹噹同一班小朋友身上架! 果日噹噹同一班小朋友上山玩，玩玩下玩到個天都黑喔!跟住又唔知唔覺走左入一個山洞裡面譒!本來唸住有電筒就無有怕，可以盡情咁系入面搵下有無以前d海盜留低既寶藏囉。 但點知搵下搵下，個電筒突然間唔著喔!檢查下丫，原來電池無左電!於是噹噹同一班小朋友就摸黑咁想話搵番個洞口出去丫，點知行來行去都行唔返出個洞口喔!噹噹同一班小朋友就有d心急丫。點知又禍不單行譒，突然間見到前面好遠既地方有一點「藍光」喔!而且隨住「藍光」既出現，仲吹來左陣陣陰風添啊!當當聽d大人講過，話呢個世界上真系有「鬼火」架，仲系藍色既添啊!噹噹雖然未見過「鬼火」，所以唔知果點「藍光」系咪鬼火囉？...... 於是噹噹同一班小朋友一起商量，究竟系繼續向前行定系返番轉頭。因為返番轉頭既方向都已經搵過，又搵唔到出口。所以噹噹同一班小朋友一致決定向前行，亦即系向住「藍光」既方向行去，順便睇下系乜野「鬼火」來既。 跟住噹噹同一班小朋友就手拖住手，慢慢咁、好小心亦亦咁向住「藍光」既方向移動腳步，一步、兩步、三步、四步、五步、六步、七步、八步、九步......數都數唔清咁多步，當越來越接近「藍光」既時候，「藍光」就越來越大，噹噹同一班小朋友個心就越來越跳得犀利，「噗通、噗通」咁亂跳；個背脊就越來越感覺到陣陣陰涼；手拖住手既手心就越來越出得多汗...... 呢個時後候，終於有兩個小朋友頂唔順囉，嘈住要行返轉頭，不過好在系大家手拖住手，無比果兩個小朋友掉隊、甩拖囉。就咁樣，噹噹同一班小朋友一小步一小步咁向「藍光」移近，越來越接近「藍光」，就見到「藍光」越來越大，恐怖感就越來越強烈...... 終於，噹噹同一班小朋友行到埋「藍光」既面前，而「藍光」既直徑變到好似一個大人咁高。呢個時候，你地估下發生左乜野事丫那？嘩!嘩!嘩!嘩!嘩!嘩!噹噹同一班小朋友不約而同咁大聲尖叫喔!尖叫聲劃破左夜空喔!...... 想知故事點樣發展，第日再續!
[此帖子已經被作者於2007-5-4 9:25:25編輯過]
| 
發表於 2007-5-2 16:11:41
發表於 2007-5-2 16:17:38
發表於 2007-5-3 09:45:41