關於廣府人士粵語n、l之分本人睇法

余OK

　　近日有網友持一觀點：粵語的確係有分n、l，但兩者區別冇普語咁明顯，我都大致認同此講法。即使有人話以前啲廣府民眾分到n、l，我感覺上佢哋兩者口音上嘅差別極之輕微，輕微到平常人分辨唔出，舉個例子，就算係對廣府話咬音特別執着嘅黃霑，我聽嚟聽去佢講嘢都唔係分得十分之明顯，大家不妨聽聽佢講嘢嘅錄音片段，又或者係許冠文、許冠傑，而據我判斷，正宗分到n、l嘅可能就如呢啲「老廣州」，重有就係省港澳名嘴前輩李我（李我老婆蕭湘亦係講古界名人，都係冇點分），切身體會就係近牌上粵語國學班授課嘅老先生亦係如此。另外有一部分人係後期通過正音訓練而特別注意（可以講係好刻意）n、l之別，尤其是香港話劇演員出身、香港電臺電視節目主持嗰啲人，發n都非常之重音，慌死聽眾話佢分唔到噉，人板就揦埋都好多個：鍾景輝、鍾偉明、詹瑞文、黃子華等等。迄今為止我發現n、l可以分得好仔細，但又唔至於畀人感覺好刻意嘅代表人物淨係得講古大師張悅楷，至於重有冇其他好似楷叔咬音咁字正腔圓嘅普通民眾就唔多清楚嘞。因此不妨將之分為四類人：

　　1. n、l完全唔分之人：現時絕大部分廣府以及港澳普通民眾
　　2. n、l分到而且分得好明顯甚至有刻意之嫌：以經過正音訓練之人為主，代表人物：鍾景輝、鍾偉明、詹瑞文、黃子華
　　3. n、l輕微分到而且出於自然講嘢發音：部分「老廣州」人，代表人物：李我、黃霑、許冠傑、馬鼎盛
　　4. n、l清楚分到而且好自然：自然咬音清晰得嚟又經過實操注意區分，代表人物：張悅楷

　　PS：此討論祇限廣府、港澳、海外華人地區尤其是操廣州口音嘅民眾，其餘粵語區嘅口音唔喺此範圍之列（其他粵語區好多都可以自然且清晰噉分到n、l）。

[此帖子已經被作者於2007-5-1 8:02:15編輯過]

Ultra

其實而家好多60歲左右嘅廣州人都冇明顯區分，更何况年輕人。

JUMPSEY

我以前留意到我婆婆係分得到嘅，不過幾個禮拜前已經以九十幾歲嘅高齡過咗身喇。

噹噹

聽講發“l”音時，係用舌尖先頂住上牙齦同牙齒含接o既部位，係發聲音一霎彈開；而發“n”音時，係用舌前部(即舌尖之後部份)頂住牙齦抵部(即弧形頂位置)，係係發聲音一霎彈開咁話喔。仲話其實發兩個音舌頭所放o既位置都一樣，只係觸點唔同，所以佢o地應該係有輕微o既差別先o岩咁話喔!......不過噹噹都係聽老師姨姨講o既嗟，唔知o岩唔o岩o既喔!......

sweetsweet

[em07] 我都分得到，不過我覺得有時候讀得太正D人反而唔覺得你好奇怪

其實我覺得 l n 音分晤係好大問題，反而應該重視下?懶音問題..[em39] [em40]

itxu2k

余生此言差矣

粤西呢边肇庆、罗定、云浮同梧州嘅广府同胞中，大部分人“n，l”都分得好清，完全唔系刻意所为。

都有将“n，l”分唔清嘅，貌似系刻意唔分清或者系觉得分唔清“n，l”嘅口音会潮啲。比如有啲去广州生活过嘅人，返来后省话唔见得有几标准，但系会刻意将“女人”读成“吕人”。我系听到都反胃。多数本地嘅朋友都会鄙视之。

不过，家下“n，l”唔分嘅人多咗少少，加之外地人融入比较多。唔分“n，l”都已经见惯不惯。但系，只要系本地生活嘅人，完全唔需要刻意去区分“n，l”，本来就系好自然分清。

itxu2k

啲字体硬系觉得有啲唔对路。。。

[此帖子已經被作者於2007-5-2 13:09:55編輯過]

廣州人喺圖盧茲

基本上大多數廣府人都分得清,不過喺講嘅時候冇刻意去分嗟.

highyun

廣府片以外嘅好多粵語子方言區都可以清楚分到l、n。至於廣府片，其實有好大比例嘅人都知一個字發l音定n音，佢哋講普語分得清，唱歌嘅時候亦分得清。至於平時講嘢，可能處於習慣，根本冇去留意l、n。當然，亦有好大比例嘅人係完全分唔清嘅，有啲連讀普語、講英文，都係一律發l音。

余OK

QUOTE:

以下是引用itxu2k在2007-5-2 13:02:29的發言：

余生此言差矣

粤西呢边肇庆、罗定、云浮同梧州嘅广府同胞中，大部分人“n，l”都分得好清，完全唔系刻意所为。

都有将“n，l”分唔清嘅，貌似系刻意唔分清或者系觉得分唔清“n，l”嘅口音会潮啲。比如有啲去广州生活过嘅人，返来后省话唔见得有几标准，但系会刻意将“女人”读成“吕人”。我系听到都反胃。多数本地嘅朋友都会鄙视之。

不过，家下“n，l”唔分嘅人多咗少少，加之外地人融入比较多。唔分“n，l”都已经见惯不惯。但系，只要系本地生活嘅人，完全唔需要刻意去区分“n，l”，本来就系好自然分清。

　　點解現時啲國人文字理解同注意力咁弱嘅？樓頂帖最後一段PS早已講明呢點。

噹噹

敲噹噹!頂番上去!

itxu2k

QUOTE:

以下是引用余OK在2007-5-5 0:42:42的發言：

　　點解現時啲國人文字理解同注意力咁弱嘅？樓頂帖最後一段PS早已講明呢點。

我可以好负责任咁话你知,就方言片区划分来讲,清远,绍关,肇庆,梧州等地区都系同广州一致嘅

HKCantonese

原帖由 噹噹 於 2007-5-1 18:30 發表 聽講發「l」音時，係用舌尖先頂住上牙齦同牙齒含接o既部位，係發聲音一霎彈開；而發「n」音時，係用舌前部(即舌尖之後部份)頂住牙齦抵部(即弧形頂位置)，係係發聲音一霎彈開咁話喔。仲話其實發兩個音舌頭所放o既位置都一樣，只係 ...

 

 

你意思是不是/n/和/l/的*發音部位*(指舌頭和口腔的接觸點)略有區別?

 

desmond

I am

 

3. n、l輕微分到而且出於自然講嘢發音：部分「老廣州」人，代表人物：李我、黃霑、許冠傑、馬鼎盛