[求助] 論壇重登錄問題

粤语卫士

各位管理員，我想問點解有時登錄咗論壇，寫緊嘢嗰陣，有時時間長咗啲，之後click發表或者發表回覆之後會再要求登錄？我以前每次登錄時都選“不儲存cookie”（辦公室電腦，唔想留低cookie），系咪同我嘅選擇有關？？重有，我嘅簽名一路都顯示唔到，[em09]，揀咗“顯示”都唔得，我開始以為系我積分唔夠，但系尋日我見到有位普通會員嘅積分重低過我，佢嘅簽名都顯示得到。我睇過我嘅資料修改頁面，顯示如下：

QUOTE:

簽 名：
不能超過 0 個字元，0 為不做限制
文字將出現在您發表的文章的結尾處。

“不能超過 0 個字元”，咪即系一個字都唔得。麻煩各位管理員幫手睇吓系乜問題，唔該。

[此帖子已經被作者於2007-4-24 10:51:37編輯過]

highyun

論壇對於用戶登錄確實有bug，樓主講嘅問題我都試過幾次。喺目前嘅技術同時間限度內，呢個程序嘅bug好難馬上解决到，請樓主及其他版友諒解。

建議各位喺發出比較長嘅帖子之前，先copy帖子內容備份咗先。

粤语卫士

??????? 系喇，雖說我平時好少發帖，一方面我嘅性格系一個因素，另外一方面就系有時打好字或者copy好之後，click發表，就要求重新登錄，之前所做嘅一切就毀於一旦，copy嘅話都冇咁難受，若然自己打出嚟嘅就叫人好心灰，有時又因為時間問題，就算系copy嘅都話“算吧喇”，不得不放棄，無奈。

余OK

　　噉嘅情況我都遇到唔少，所以我不嘍都養成好習慣，就係無論發帖嘅內容長定短，一概都先copy咗再發，以防萬一。