L同N区分唔到，点算啊？

kimue

大家好,初来步到,请多多指教!

L同N区分唔到,点算啊?

[此帖子已經被余OK於2007-4-27 14:10:50編輯過]

Wai

NV，LV。

N，用些少鼻音。

L，唔使用鼻音。

馬萬千

QUOTE:

以下是引用kimue在2007-4-23 17:07:51的發言：

大家好,初来步到,请多多指教!

L同N区分唔到,点算啊?

分得到嘅人鳳毛麟角

噹噹

聽講廣州話o既字音幾乎100%都係“L”音開頭，絕少“N”音開頭o既咁話喔!

馬萬千

QUOTE:

以下是引用噹噹在2007-4-23 22:35:18的發言：

聽講廣州話o既字音幾乎100%都係“L”音開頭，絕少“N”音開頭o既咁話喔!

試下唱小李飛刀: "難得一身好本領"

kimue

就係唔识分鼻音

L&N懶音嘅0个个音频听咗N次，但係听嚟听去都係分唔到。

“年”同“連”，“南”同“蓝”都係一样啊！

粤语卫士

QUOTE:

以下是引用馬萬千在2007-4-23 22:16:09的發言：

分得到嘅人鳳毛麟角

系咩？此話只限講 純正廣州話 嘅人，我就分得好清楚。

malsony

按照馬仔所講，我屬鳳毛麟角之一。

highyun

嚟《粵拼教程》呢度聽下兩個聲母有咩分別：http://www.cantonese.asia/school/2007/200704/school_20070402131519.html

噹噹

係老師姨姨咁教噹噹o架，因為噹噹以前講既廣州話太多“n”開頭既字音，d哥哥姐姐話噹噹講既廣州話有怪，後來老師姨姨就講o左比噹噹聽，叫噹噹唔理係“n”音定係“l”音開頭既字，一律發“l”音就無錯架、又唔會比人笑咁話喔!

Lucciora

妳英文肯定唔過關

噹噹

老師姨姨仲用西文o既“l”同“d”做比喻喔!呢度o的人“l”同“d”既讀音係有o的區別，但新華僑發唔準，o的老華僑都叫佢地全部發“l”音，咁就係人都識聽囉。例如DORADO(黃金)，讀“羅拉羅”就人都知講乜野，如果讀“多拉多”，就唔人識聽。因為我o地呢度唔係西班牙，所以o的西文有好大唔同o既。同樣啊!老師姨姨話，廣州話既“n”同“l”音，唔同國語分得咁明，所以統一發“l”音係無錯咁話喔!......

kimue

QUOTE:

以下是引用Lucciora在2007-4-25 2:12:15的發言：

妳英文肯定唔過關

我嘅英文真係唔係好掂，好憎学音标啊！

SEREN

普通話中用N 開頭嘅 廣州話通常都係用N

而L係同理嘅

我個人係咁分嘅

噹噹

激氣啊!講極都唔明!!!

都話「n」同「l」係粵語字o既開頭係分得唔國語咁清楚o各!國語個「n」係好重鼻音o架，而粵語個「n」係幾乎唔乜鼻音咁話喔。粵語「n」同「l」o既區分只不過係舌前部頂住牙根，同舌堅頂住牙齒，所以讀起來都好似「l」音咁話喔!......如果「n」同「l」真係好似國語分得咁清楚，樓主姐姐使乜發帖話“L同N区分唔到”譒？!所以噹噹咪將老師姨姨所教o既捷徑比樓主姐姐參考：統一發「l」音就唔會比人笑囉!

馬萬千

好多人都以為自己分到，其實平時生活上講嘢根本都係講晒L 。

kimue

QUOTE:

以下是引用噹噹在2007-4-27 23:24:27的發言：

激氣啊!講極都唔明!!!

都話「n」同「l」係粵語字o既開頭係分得唔國語咁清楚o各!國語個「n」係好重鼻音o架，而粵語個「n」係幾乎唔乜鼻音咁話喔。粵語「n」同「l」o既區分只不過係舌前部頂住牙根，同舌堅頂住牙齒，所以讀起來都好似「l」音咁話喔!......如果「n」同「l」真係好似國語分得咁清楚，樓主姐姐使乜發帖話“L同N区分唔到”譒？!所以噹噹咪將老師姨姨所教o既捷徑比樓主姐姐參考：統一發「l」音就唔會比人笑囉!

呵呵，唔使咁激气！我谂都係分清楚好啲！

多谢咁多位嘅意见，我会努力研究下两个发音嘅差別！

毕竟保护粤语，唔可以净係口讲，要有实际行动先得吖嘛！

UngooChan

粵語本身係嚴格分l、n嘅，只係現代人越嚟越懶，一律講成l而已。如果你可以區分到呢兩個音，當然分清除嚟讀好啦。

國語嘅l、n同粵語嘅l、n絕大部分係相對應嘅，只有極少數嘅字係相反，例如“粒”。所以如果你分唔清粵語嘅l、n，不妨可以攞國語嚟參攷。

噹噹

n-和l-声母
要分辨n-和l-声母，除了要下决心，还要下点苦功查字典。当然，刚巧没有字典，我们可以凭字型的谐声偏旁猜一猜。例如知道尼姑个尼读n-声母，就有理由推测加上三点水的「泥」字、加上口字边的「呢喃燕语」的「呢」字，以及指称年青女子的「小妮子」的「妮」，都应该读n-声母了。除了这个方法，我们也可以借助其它方言作参考。如你的普通话够标准的话，就会发现，在普通话里读n-声母的字，绝大部份在粤语都读n-声母；同样，普通话读l-声母的，粤语同样读l-声母。例如「困难」的「难」字，普通话是〔nan2〕，与粤语的「难」同样是n-声母；又如「你我」的「你」普通话念〔ni3〕，与粤语的「你」同样是n-声母。至于姓李的「李」就是〔li3〕，同样在粤语也是l-声母的。不过用这个方法也有限制，第一你的普通话要非常准确，否则就国粤双语一齐错；第二，这种对应关系不是百分百可靠的。例如「戏弄」的「弄」字，粤语应该读n-声母，但普通话里则一般读l-声母的〔long4〕。所以，最科学的方法，就是查一本可靠的粤音字典了。

(呢個係噹噹問爺爺，爺爺話比噹噹知架!)

余OK

QUOTE:

以下是引用噹噹在2007-4-27 23:24:27的發言：

都話「n」同「l」係粵語字o既開頭係分得唔國語咁清楚o各!國語個「n」係好重鼻音o架，而粵語個「n」係幾乎唔乜鼻音咁話喔。粵語「n」同「l」o既區分只不過係舌前部頂住牙根，同舌堅頂住牙齒，所以讀起來都好似「l」音咁話喔!......如果「n」同「l」真係好似國語分得咁清楚，樓主姐姐使乜發帖話“L同N区分唔到”譒？!

　　我都認為係噉，即使有人話以前啲廣府民眾分到n、l，我感覺上佢哋兩者口音上嘅差別極之輕微，輕微到平常人分辨唔出，舉個例子，就算係對廣東話咬音特別執着嘅黃霑，我聽嚟聽去佢講嘢都唔係分得好明顯，大家不妨聽聽佢講嘢嘅錄音片段，又或者係許冠文、許冠傑，而據我判斷，正宗分到n、l嘅可能就如呢啲「老廣州」，重有就係省港澳名嘴前輩李我（李我老婆蕭湘亦係講古界名人，都係冇點分）。另外有一部分人係後期通過正音訓練而特別注意（可以講係好刻意）n、l之別，尤其是香港話劇演員出身、香港電臺電視節目主持嗰啲人，發n都非常之重音，慌死聽眾話佢分唔到噉，人板就揦埋都好多個：鍾景輝、鍾偉明、詹瑞文、黃子華等等。迄今為止我發現n、l可以分得好仔細，但又唔至於畀人感覺好刻意嘅代表人物淨係得講古大師張悅楷，至於重有冇其他好似楷叔咬音咁老到嘅普通民眾就唔多清楚嘞。因此不妨將之分為四類人：

　　1. n、l完全唔分之人：現時絕大部分廣府以及港澳普通民眾
　　2. n、l分到而且分得好明顯甚至有刻意之嫌：以經過正音訓練之人為主，代表人物：鍾景輝、鍾偉明、詹瑞文、黃子華
　　3. n、l分到而且出於自然講嘢發音：部分「老廣州」人，代表人物：李我、黃霑、許冠傑、馬鼎盛
　　4. n、l清楚分到而且好自然：自然咬音清晰得嚟又經過實操注意區分，代表人物：張悅楷

[此帖子已經被作者於2007-5-1 0:05:25編輯過]