究竟係堅持自己習慣定隨大流？

neo

我來到番禺讀書，聽周圍啲番禺同學都係將我哋廣州人習慣嘅一部兩部嘅“部”講成“台”。我聽唔慣啊。大家有冇遇到類似情況？

Wai

呢張帖整嚟高級書院做乜呢？

噉就聽唔慣。聽得明就得喇。

就好似 “落水”同“落雨”一樣。

朱利安

QUOTE:

以下是引用neo在2007-3-28 20:10:43的發言：
我來到番禺讀書，聽周圍啲番禺同學都係將我哋廣州人習慣嘅一部兩部嘅“部”講成“台”。我聽唔慣啊。大家有冇遇到類似情況？

呢Ｄ就系果Ｄ咩鬼所谓正音嘅祸害啦，致使一Ｄ人盲目追求所谓嘅标准音，标准讲法，完全忽视咗语言嘅最根本功用系沟通．

其实即使系方言亦系有好多唔同嘅口音同讲法嘅，只要沟通无问题就都可以话系标准嘅，同时正因为多种多样嘅口音同讲法，才更加特显语言的丰富多彩．

[此帖子已經被作者於2007-3-28 20:34:08編輯過]

neo

我都係講我習慣講嘅啦，人哋點講係人哋嘅事。大家明就係啦，反正都唔係錯。語言作用係溝通。

張貼我唔知發去邊好，惟有請版主轉去認為對應嘅版去啦。

[此帖子已經被作者於2007-3-28 20:54:48編輯過]

lianggz

妳喜歡點講都得，有咩所謂，反正人地都聽得明

neo

點解要用“妳”啊？

亂棍歐死越南仔

QUOTE:

以下是引用neo在2007-4-10 19:06:15的發言：
點解要用“妳”啊？

佢可能用嘅係紫光舊版輸入法.....

卢总

“车”本来就系一“部”“部”嘅，唔知几时变成一“台”“台”。

其它例如电脑、电视机、电冰箱、显示器……等等都有类似现象。

后来我发觉咗个原因所在：我有个亲戚喺天河某电脑公司供职超过十年，间公司嘅主要资金来源系北方，而且同佢平时打交道嘅主要都系北方人，兼且佢本人读书唔多，年纪大过我，职位又低微，正一系仔细老婆嫩，为保饭碗，经常要哑忍好多不公待遇。喺不知不觉之间，佢就被人“同化”影响咗嘞。

而家经常会听见有人话“修车”、“修电脑”……其实以前广州人喺口语方面系唔会讲“修”，而系讲“整”嘅：整车，整好部电视机……

neo

我聽到“修車”、“修電腦”呢啲，會覺得係“收買”、“收購”呢個“收”。怪。

UngooChan

地道粵語都有用呢個“修”字，不過唔係“修理”嘅意思，而係“修整、美化”嘅意思，例如“修甲”“修身”。

卢总

重有“修饰”、“修辞”、“修正”、“修订”、“修书”、“修造”、“修复”、“修改”、“修补”、“修建”、“修筑”、“修葺”、“修缮”、“修剪”、“修炼”、“修配”、“修养”……添！

不过以上嘅“修Ｘ”多数都系见诸书面，而非口语。

……侵略可见一斑！