leon_jeng見此帖請入內，「盧總」有急事相求

余OK

　　協會成員之一「盧總」不日（四月初）將動身出發到越南展開其別開生面嘅旅程（詳情請睇佢嘅blog：http://general-lo.blogcn.com/）。行程雖比較緊湊且多喺海上度過，但仍有些少時間到岸上行行，佢此行亦想將國內嘅粵文化訊息帶到去越南嘅廣府同胞並盡可能作更多嘅宣傳。為咗多啲了解廣府文化現時喺越南嘅情況，佢想喺嗰邊有人可以幫吓手，收集相關嘅資訊，等佢上岸後嘅行動更有目標性，譬如打聽吓附附近近嘅廣府會館等等。如獲leon_jeng鼎力相助，相信盧總定必感激不盡。

　　To盧總：我經已幫你搭好橋鋪好路，以下落嚟就等你同leon_jeng解畫同自己執生喇。

[此帖子已經被作者於2007-3-24 22:40:57編輯過]

leon_jeng

我點樣同蘆總聯繫呢？佢係乜嘢人？

卢总

我系土生土长嘅广州人，上我个人主页应该可以了解一二。

如无意外，将会于本月２０号从香港出发，乘搭游轮前往越南下龙湾、蚬港两地。

我打算去当地宣传“粤语协会”嘅网站。

所以希望leon_jeng可以提供一啲帮助，例如上述两个地方嘅地图，适合宣传嘅对象（例如广东会馆、广东人嘅社团组织或者宗亲会之类嘅机构、广东人同广西人聚居嘅地区），到达该地可以从事嘅自由活动（我唔打算参加岸上嘅旅行团，嘥钱兼冇意义），驻当地嘅中国领事馆嘅地址及电话……

你谂到乜嘢对我有帮助嘅都可以帮手提供埋。

当然，如果你需要啲咩书、字典、资料之类嘅嘢，都可以叫佢哋准备，我代转交。

盼复！

leon_jeng

盧總，到越南下龍灣同蜆港想了解廣東華人嘅情況，我諗有啲難嘅，因為嗰兩個地方嘅華人並唔係好多，嗰度啲廣東華人似乎都被越南人同化咗，恐怕你到咗嗰度後係大有失望嘅，點解唔到我哋南方旅遊呢？我哋越南南方嘅華人仲係有講自己嘅母語，仲係保留住好多我哋廣東人嘅傳統文化嘅。你如果到我哋呢度嚟語言都唔駛怕，因為我哋呢度嘅中國城入邊到處都係有人講緊廣東話嘅。

卢总

安南有咩违禁品系唔可以带入境咖？

安南又有乜嘢特产值得带返嚟中国？

已经有朋友托我带啲咖啡——虽然明知嗰边啲咖啡唔算系上品，但亦不妨一试。

地方小食有啲乜嘢系值得一试——最好系唔辣嘅。

leon_jeng

QUOTE:

以下是引用卢总在2007-4-6 19:12:24的發言：

我系土生土长嘅广州人，上我个人主页应该可以了解一二。

如无意外，将会于本月２０号从香港出发，乘搭游轮前往越南下龙湾、蚬港两地。

我打算去当地宣传“粤语协会”嘅网站。

所以希望leon_jeng可以提供一啲帮助，例如上述两个地方嘅地图，适合宣传嘅对象（例如广东会馆、广东人嘅社团组织或者宗亲会之类嘅机构、广东人同广西人聚居嘅地区），到达该地可以从事嘅自由活动（我唔打算参加岸上嘅旅行团，嘥钱兼冇意义），驻当地嘅中国领事馆嘅地址及电话……

你谂到乜嘢对我有帮助嘅都可以帮手提供埋。

当然，如果你需要啲咩书、字典、资料之类嘅嘢，都可以叫佢哋准备，我代转交。

盼复！

蘆總，您好！

你原來到嗰兩個地方，好可惜我居住嘅地方又唔係喺嗰度啵。下龍灣喺越南嘅北部，蜆港喺越南嘅中部，而我就喺越南南部嘅西貢市（胡志明市）。越南嘅北部同中部雖然都有華人生活，但嗰度由於地理位置、土壤唔好，所以華人一般集中喺南部各省，西貢市嘅華人中有90%是廣東人，唐人街入邊到處都係廣東話。越南廣西籍貫嘅華人好小，多數係廣東人。

蜆港嗰度有一個古唐人街，入便嘅房屋、廟宇建築都係以中國嶺南嘅建築為主，嗰度嘅華人會館分別有：廣肇會館（廣州府、肇慶府）、潮州會館（潮州府）、福建會館、崇正會館（客家人嘅公所）、海南會館五幫。蜆港當地嘅唐人街據說好古老，差唔多有300-400年嘅悠久歷史，以前嘅居民多數係廣東籍嘅富裕商家，當時街上到處都係廣東話同福建話（閩南話）為主，但係隨住時間嘅流逝京（本地越人）華（中國僑居）兩族之間嘅婚嫁，華人要融入越南京族為主流嘅社會都逐漸噉放棄咗母語好多都改口講越南話。不過時至今日入去當地嘅廣肇會館入邊你仍然仲係有聽到好多人講緊廣東話。

你不妨入去以下嘅網站查查睇吧：http://members.shaw.ca/vnlibrary/temple.html

leon_jeng

QUOTE:

以下是引用卢总在2007-4-11 14:40:38的發言：

安南有咩违禁品系唔可以带入境咖？

安南又有乜嘢特产值得带返嚟中国？

已经有朋友托我带啲咖啡——虽然明知嗰边啲咖啡唔算系上品，但亦不妨一试。

地方小食有啲乜嘢系值得一试——最好系唔辣嘅。

以上我就為你介紹咗蜆港當地嘅華人概況，仲有我哋南部嘅華人現況又唔同。我哋越南南部嘅華人仲係保留住好多中國廣東祖地嘅傳統文化特色嘅，尤其係廣東話母語。越南南部各省到處都有我哋華人嘅足跡，但其中最大嘅華埠係我哋胡志明市嘅堤岸唐人街。胡志明市嘅堤岸唐人街嘅華人社區分別有：穗城會館（廣州商人嘅公所，現就供於所有講粵語嘅人嘅公所）、義安會館（潮汕人嘅公所）、崇正總會（客家公所）、溫陵會館（福建人公所）、福建二府會館（福建漳州府、泉州府公所）、三山會館（福建福州府公所）、金門會館（福建公所）、霞漳會館（福建公所）。越南西貢市嘅福建會館雖然好多，但由於福建籍貫嘅人口小，所以於今好多福建人嘅會館如溫陵會館、霞漳會館都由廣東人管理。越南西貢市嘅唐人街入邊你到處行都聽到嘅係廣東話，彼此之間行嘅係廣東禮，廣東菜館滿目琳瑯，廣東風俗隨處都可見。除咗西貢市嘅華人大埠外，越南南部其他省份仲有好多華人區，越南東南部嘅華人以廣東人為主流，而西南部嘅薄寮省、蓄臻省、金甌省、堅江省、河仙市嘅華人多數就以潮汕人（本地華人稱為潮州人）同海南人為主流，此外，西南部嘅永隆省、芹苴市、美拖市（屬前江省）、隆安省嘅華人就以廣東人為主流。越南嘅小食多同廣東、潮州、福建小食類似，但亦有好多係越南本地人自製嘅小食如：椰葉粽子、糯米蒸、甜糟（酒飯）、雞肉絲糯米飯、豬腸粉、蘇塞糕（夫妻糕）、蕉片糕、萍形糕等等。

越南嘅咖啡都好平又好味，你嘅朋友講得無錯。我慣飲越南味道嘅咖啡，到咗中國嘅嗰陣時我覺得中國嘅咖啡味道好淡，冇越南咖啡咁好飲啵。越南人同越南華人都好鍾意飲嘅係咖啡奶，非常好嘅一種飲料。祝你旅途愉快。

leon_jeng

禁品：哈哈當然係毒品啦。

特產：好多嘅，咖啡、蝦米、鹹魚、熱帶乾果（菠蘿蜜、紅毛丹、蓮霧）。

leon_jeng

越南华人网:http://www.00-852.com/VN/

卢总

果然介绍详尽！不过若然有埋当地嘅地图则幸甚！

或者有下龙湾、蚬港嘅必游之地，以及路线图就最好嘞！因为唔打算跟团，因此少不免要坐下车。未知当地车资几何，唔想畀人呃，更加唔想畀人抢，所以要揾你打探咗先，点样搭车至为安全？

如果时间就啱嘅话，唔知你会唔会“贡”上去上述两个城市呢？或者你想要啲咩书啊、字典啊、音像制品之类，我可以帮你买定带过去吖嘛！

唔好学似人哋噉嘥咗个机会，有时候有啲嘢系机不可失，时不再来！

粵嚟粵掂

QUOTE:

以下是引用卢总在2007-4-13 19:37:03的發言：

果然介绍详尽！不过若然有埋当地嘅地图则幸甚！

或者有下龙湾、蚬港嘅必游之地，以及路线图就最好嘞！因为唔打算跟团，因此少不免要坐下车。未知当地车资几何，唔想畀人呃，更加唔想畀人抢，所以要揾你打探咗先，点样搭车至为安全？

如果时间就啱嘅话，唔知你会唔会“贡”上去上述两个城市呢？或者你想要啲咩书啊、字典啊、音像制品之类，我可以帮你买定带过去吖嘛！

唔好学似人哋噉嘥咗个机会，有时候有啲嘢系机不可失，时不再来！

盧生果然係有米一族，坐遊輪去遊埠，兼夾周圍去宣傳“粵語協會”，簡直係人生樂事！

個人自助遊下龍灣，建議妳去廣東東興同廣東北海（喺我心目中佢哋係廣東嘅地方）嘅官方網站裡頭嘅論壇睇睇，裡面有好多個人自助遊下龍灣，河內，海防嘅介紹，有多篇網友發表嘅自助遊記，對自助遊甚具參考價值。

至於峴港，由於唔屬邊境遊嘅範疇，上邊兩個網站較少論及，妳自己上網刮下喇。

我有唔少電子版越南地圖，以政區圖居多，不過亦都有唔少交通旅遊圖之類，有興趣嘅我mail畀妳喇。

粵嚟粵掂

QUOTE:

以下是引用leon_jeng在2007-4-13 13:36:11的發言：

蘆總，您好！

你原來到嗰兩個地方，好可惜我居住嘅地方又唔係喺嗰度啵。下龍灣喺越南嘅北部，蜆港喺越南嘅中部，而我就喺越南南部嘅西貢市（胡志明市）。越南嘅北部同中部雖然都有華人生活，但嗰度由於地理位置、土壤唔好，所以華人一般集中喺南部各省，西貢市嘅華人中有90%是廣東人，唐人街入邊到處都係廣東話。越南廣西籍貫嘅華人好小，多數係廣東人。

蜆港嗰度有一個古唐人街，入便嘅房屋、廟宇建築都係以中國嶺南嘅建築為主，嗰度嘅華人會館分別有：廣肇會館（廣州府、肇慶府）、潮州會館（潮州府）、福建會館、崇正會館（客家人嘅公所）、海南會館五幫。蜆港當地嘅唐人街據說好古老，差唔多有300-400年嘅悠久歷史，以前嘅居民多數係廣東籍嘅富裕商家，當時街上到處都係廣東話同福建話（閩南話）為主，但係隨住時間嘅流逝京（本地越人）華（中國僑居）兩族之間嘅婚嫁，華人要融入越南京族為主流嘅社會都逐漸噉放棄咗母語好多都改口講越南話。不過時至今日入去當地嘅廣肇會館入邊你仍然仲係有聽到好多人講緊廣東話。

你不妨入去以下嘅網站查查睇吧：http://members.shaw.ca/vnlibrary/temple.html

妳講嗰個好古老嘅唐人街唔喺峴港，而係喺峴港東南邊唔遠嘅會安！

會安係我哋粵裔僑民入徙安南嘅最早登陸點，當時安南嘅領土仲未拓張至湄公河流域，安南粵僑喺嗰陣時多數分佈喺越南中部，尤其係喺會安周邊一帶。

後嚟隨著越南對高棉（今日嘅柬埔寨）征服事業嘅不斷進展，安南粵僑最初係作為越南朝庭南方新領地拓荒者嘅身份進入越南南部嘅，喺今日南越嘅粵僑裡頭，有唔少人佢哋嘅先祖係從會安遷嚟。

卢总

你搞错嘞！我只不过系一个被狗官迫害嘅负资产嘅广州怒人而已！

坐游轮去游埠只不过系因为我FANS多，个个都响应我嘅号召去投票，等我赢咗个比赛——奖品就系今次嘅旅程。不过自己都要支付护照、签证、港务费、粤港来回水脚等费用逾千元。

喺安南上岸参加当地旅行团又要另外每次支付数十美元——有感此类活动无非系赶鸭仔影相兼帮趁无良商铺，倒不如节省啲费用同时间，做啲实事，例如探寻当地两广人聚居之地，宣传下本会嘅网站，或者将我哋呢边嘅广州话工具书、岭南文化资料等带过去畀嗰边嘅网友，以助我站发扬光大，亦为广州话壮大声威。

由于旅程主要喺游轮上面度过，兼且同行嘅游客以广东人为主，而且大部分都系非富则贵，所以我谂到制作数件印有网站宣传内容嘅Ｔ恤，我着住从广州出发经香港游毕全程，以达宣传推广之效。可能我会喺旅途上结识到有钱、有心、有权嘅势力人士，或者可以帮到网站都唔定。

http://bbs.cantonese.asia/dispbbs.asp?boardID=112&ID=5577&page=1

↑　[討論]征集网站ｓｌｏｇａｎ做衫　↑

奈何家下不获支持，眼见出发日子越发逼近，此推广良机可能就此错失，深感痛心疾首！

最起码有一点可以肯定嘅系，全国最大嘅专业博客网站——中国博客网（http://www.blogcn.com）会关注整个旅程，并且会喺日后嘅推广活动当中大肆宣传。有大型成熟网站嘅免费推广唔用，你话笨唔笨吖？

卢总

我嘅个人主页“卢总有嘢讲”（http://general_lo.blogcn.com）自０５年元旦开始设立，至今已经有超过四万人次访问。由于以“推广广州话”为主旨特色，因而深受海内外同胞嘅欢迎，故此亦薄有虚名，喺中国博客网官方亦备受推崇。借助佢哋嘅力量去推广广州话以及南粤文化，绝对系上上之策！

有兴趣嘅朋友都可以加入此行列，循以下链接注册即可：

http://www.blogcn.com/signupv3.asp?ftype=u&fid=750051

粵嚟粵掂所讲嘅网站，我都好有兴趣嘅，不过奈何最近都比较忙，而且屋企遭逢不幸，阿妈被广州不作为嘅狗官所默许饲养嘅癫狗咬亲，要入院治疗，狗主又话无力支付医药费，搞到家下要打官司，所以我睇怕都冇乜时间去搜刮咖嘞！

若然你唔怕麻烦嘅话，可以发几个链接畀我。地图就应该啱使嘅，你畀下龙湾同蚬港两地嘅我就得嘞，因为我哋只会喺呢两个地方上岸，发去我邮箱啦唔该！或者直接发啲文章畀我又得，唔该晒！

leon_jeng

QUOTE:

以下是引用卢总在2007-4-13 19:37:03的發言：

果然介绍详尽！不过若然有埋当地嘅地图则幸甚！

或者有下龙湾、蚬港嘅必游之地，以及路线图就最好嘞！因为唔打算跟团，因此少不免要坐下车。未知当地车资几何，唔想畀人呃，更加唔想畀人抢，所以要揾你打探咗先，点样搭车至为安全？

如果时间就啱嘅话，唔知你会唔会“贡”上去上述两个城市呢？或者你想要啲咩书啊、字典啊、音像制品之类，我可以帮你买定带过去吖嘛！

唔好学似人哋噉嘥咗个机会，有时候有啲嘢系机不可失，时不再来！

講真，恐怕我冇時間到嗰兩個地方見你嘅，我又有工作要做嘅，抱歉！好多謝你對我嘅盛意。廣東話、普通話、潮州話字典、詞典呢度嘅各個書局都有出售嘅。

我哋越南嘅的士都好平頭一個公里係1萬5千盾（越幣），越南嘅道路一般都係好短嘅，我諗車資喺越南嚟都冇乜使咁多嘅。你可以坐私人摩托車到處觀光，價錢比坐的士嘅平好多，不過越南嘅交通好亂冇秩序嘅，事關摩托車太多。越南嘅交通方面好晤安全嘅，連我居住喺度開車時都係好驚嘅。

[em01]

leon_jeng

QUOTE:

以下是引用粵嚟粵掂在2007-4-14 12:33:36的發言：

妳講嗰個好古老嘅唐人街唔喺峴港，而係喺峴港東南邊唔遠嘅會安！

會安係我哋粵裔僑民入徙安南嘅最早登陸點，當時安南嘅領土仲未拓張至湄公河流域，安南粵僑喺嗰陣時多數分佈喺越南中部，尤其係喺會安周邊一帶。

後嚟隨著越南對高棉（今日嘅柬埔寨）征服事業嘅不斷進展，安南粵僑最初係作為越南朝庭南方新領地拓荒者嘅身份進入越南南部嘅，喺今日南越嘅粵僑裡頭，有唔少人佢哋嘅先祖係從會安遷嚟。

會安係古街名稱啊嘛，會安咪屬蜆港市境內嘅。

leon_jeng

QUOTE:

以下是引用卢总在2007-4-14 13:27:25的發言：

你搞错嘞！我只不过系一个被狗官迫害嘅负资产嘅广州怒人而已！

坐游轮去游埠只不过系因为我FANS多，个个都响应我嘅号召去投票，等我赢咗个比赛——奖品就系今次嘅旅程。不过自己都要支付护照、签证、港务费、粤港来回水脚等费用逾千元。

喺安南上岸参加当地旅行团又要另外每次支付数十美元——有感此类活动无非系赶鸭仔影相兼帮趁无良商铺，倒不如节省啲费用同时间，做啲实事，例如探寻当地两广人聚居之地，宣传下本会嘅网站，或者将我哋呢边嘅广州话工具书、岭南文化资料等带过去畀嗰边嘅网友，以助我站发扬光大，亦为广州话壮大声威。

由于旅程主要喺游轮上面度过，兼且同行嘅游客以广东人为主，而且大部分都系非富则贵，所以我谂到制作数件印有网站宣传内容嘅Ｔ恤，我着住从广州出发经香港游毕全程，以达宣传推广之效。可能我会喺旅途上结识到有钱、有心、有权嘅势力人士，或者可以帮到网站都唔定。

http://bbs.cantonese.asia/dispbbs.asp?boardID=112&ID=5577&page=1
?

↑　[討論]征集网站ｓｌｏｇａｎ做衫　↑

奈何家下不获支持，眼见出发日子越发逼近，此推广良机可能就此错失，深感痛心疾首！

最起码有一点可以肯定嘅系，全国最大嘅专业博客网站——中国博客网（http://www.blogcn.com）会关注整个旅程，并且会喺日后嘅推广活动当中大肆宣传。有大型成熟网站嘅免费推广唔用，你话笨唔笨吖？

不過你記住，你到咗越南同本地人（京族人）或越南華人講你講嘅係“廣州話”恐怕佢哋都唔知乜嘢話叫做“廣州話”，“廣州話”究竟係乜嘢話嚟嘅。我哋越南嘅華人並冇“廣州話”嘅概念，大家都稱自己嘅母語為“廣東話”或“廣府話”、“唐話”嘅。哈哈

leon_jeng

旅居越南以廣東話為母語嘅華人多數嘅原籍、祖籍係來自廣東嘅南海、番禺、順德、東莞、寶安（深圳）、中山、三水、新會、開平、台山、高要、四會同東興、防城、合浦，而廣州嘅係非常嘅少，所以我哋就對自己嘅廣東話母語並冇“廣州話”嘅稱呼嘅習慣。

[此帖子已經被作者於2007-4-14 23:24:06編輯過]

馬萬千

印好件T-Shirt 啊, 大力宣傳下廣東話?, 遇到李家諴個胎就唔好放過we銀嘅機會。

粵嚟粵掂

QUOTE:

以下是引用leon_jeng在2007-4-14 23:10:17的發言：

會安係古街名稱啊嘛，會安咪屬蜆港市境內嘅。

錯！

會安係廣南省下屬嘅一個市，唔屬於峴港直轄市管轄，會安亦唔喺峴港直轄市嘅轄境範圍之內！