[轉貼]考評局：懶音才扣分 何文匯「正音」地位遭作家挑戰

highyun

文章來源：　《星島日報》〈教育F02〉2007年3月22日
--------------------------------------------------------------------------------

本港正掀起一片粵語正音的風氣，但「正音大師」何文匯的「徒弟」歐陽偉豪及作家潘國森，昨就何謂正音而舌戰。今年會考中文科引入口語測試，有家長擔心，兒子應考時會因讀音不正而遭扣分。考試及評核局發言人昨表示，會考生只會因「懶音」而被扣分。

香港大學昨舉行粵語正音公開論壇，家長麥太表示，擔心兒子應考會考中文科口試時，因讀音不正而影響成績，故本月開始，四出尋找相關資料；考評局並沒有任何指引，只提及說話卷重視「執」學生懶音，她為此已向考評局投訴。

青葉出版社執行編輯許迪鏘批評，懶音一詞帶有歧視成分，「有些人先天性缺陷，無法發出一些字詞的正確讀音，我們不可說他們『懶』。」

約定俗成讀音可並存

香港粵語傳播文化協會主席潘國森會上指出，廣府話(俗稱粵語)乃方言，讀音多年來不斷改變，很多是約定俗成得來，讀音並沒問題(見附表)；他批評有學者以宋朝的《廣韻》作為正音根據屬荒謬，不但違反粵語的規律，更影響現代人的溝通，「除非想同宋朝的死人溝通。」

他又批評，「何氏中大正音」未經正式的學術論證，「不是一兩名學者一錘定音，便說是正音。」

他更反對政府以現時的「正音」標準，製成教材分發給中小學，此舉會衍生不同問題，例如小朋友會挑戰父母的讀音，造成家庭衝突；港人難以與廣東省人士溝通，令本港更邊緣化。

語障考生應及早申報

中文大學中國語文及文學系導師歐陽偉豪則指，語言並非如硬科學一樣，只得一個標準，正音與約定俗成的讀音可並存，「你不喜歡學者用某一本韻書，你只可說對方引用韻書不足，但並非有錯。」

考評局發言人表示，暫未收到有關讀音的投訴，但強調會考中文科說話卷的評分準則寬鬆，市面上字典中有列出的讀音均可接受，但考生讀出懶音則會被扣分。發言人又指，若考生有嚴重語障，應提早向局方申報，以便作特別安排。

?

highyun

懶音該罰，唔讀何氏“正音”唔該罰——越嚟越符合本會認同嘅標準。

朱利安

一早就话个Ｄ咩鬼所谓正音系行唔通嘎啦．

广东咁大，各处乡村各处例，隔条村口音就有所不同啦，凭咩话你个Ｄ先系正音啊，话人懶音直成帶有歧視成分啦．

呢Ｄ所谓正音实质就好似用标准普通话嚟统一全国语言一样咁，企图用所谓嘅正音嚟统一粤语，而实际上粤语系广东系有好多唔同嘅口音嘅，无话咩我个Ｄ先系正音，你个Ｄ就系邪音．

更重要嘅就系个Ｄ咩鬼所谓正音好多都系一两个学者闭门造车嘅一家之言，完全未经过正式嘅学术论证，唔客气讲句，本论坛好多嘅解释亦系如此．

[此帖子已經被作者於2007-3-24 23:31:39編輯過]

Kathy

係本月21日的呢個論壇上，我都去聽了中大歐陽偉豪教授同潘國森先生的討論，歐陽偉豪教授講到正音同俗音無排斥，係佢腦海中并存的，例如

係中大教音韻就用正音，而平時溝通就用俗音，

上節目要show off 就用正音，

港台見工就用正音，商台就用俗音，佢講到佢好清楚咩情況下講咩話．．．

我真係唔多滿意佢咁講．．．

因為個套正音又係佢地傳出黎，搞到中小學，傳媒都要學，廣大市民都講錯音，要重新學習同適應，但歐陽偉豪又講到好似普通市民都無必要學正音咁，因為佢自己平時大多數日常生活中都唔用正音．．．

朱利安

QUOTE:

以下是引用Kathy在2007-3-24 23:26:03的發言：

係本月21日的呢個論壇上，我都去聽了中大歐陽偉豪教授同潘國森先生的討論，歐陽偉豪教授講到正音同俗音無排斥，係佢腦海中并存的，例如

係中大教音韻就用正音，而平時溝通就用俗音，

上節目要show off 就用正音，

港台見工就用正音，商台就用俗音，佢講到佢好清楚咩情況下講咩話．．．

我真係唔多滿意佢咁講．．．

因為個套正音又係佢地傳出黎，搞到中小學，傳媒都要學，廣大市民都講錯音，要重新學習同適應，但歐陽偉豪又講到好似普通市民都無必要學正音咁，因為佢自己平時大多數日常生活中都唔用正音．．．

你到宜家先至发觉畀人呃咗啊？哈哈．[em01][em01]

不过讲返转头，歐陽偉豪呢挺人先至系聪明人，晓得见人讲人话，见鬼讲鬼话啊嘛，唔系点呃饭食啊，电台请佢去讲，电视台又请佢去讲，不过你地一大班人畀佢Ｄ所谓正音搞到昏头转向，重当佢神咁拜，咁就真系阴功Ｄ，哈哈．[em01][em01]

[此帖子已經被作者於2007-3-24 23:45:15編輯過]

書生

個日我都有去，大學生好，家長好，關心粵語文化的人士又好，總之都算幾多人聽講嘎啦。

見有工作人員將台上討論過程錄影好晒，（所以港大語言學會的會員應該有錄影帶睇，我估）。

另外每次見潘國森先生講解完之後，歐陽生的面口總有點難色，避重就輕講些學術性的東西啦。

老實講，連平日說話都唔會如此發o既音又如何稱得上係正音呢？（其實正音二字何解？）

依歐陽生所說，就算係叫做讀書音好，叫做宋代湖南音好，總好過叫做正音卦　！

好想問佢：難倒依家廣府人的日常口語白話音係錯o既音，不是正確讀音，只有中大何生的音才是正音，真係好好笑。

[em06]

[此帖子已經被作者於2007-3-28 1:08:44編輯過]