你有冇聽過姓仇嘅人講自己個姓唔係讀「求」？

余OK

　　如題，我公司就有個姓仇嘅同事，經常自稱姓「報仇」嘅「仇」，尤其係向客戶自我介紹嗰陣。當冇其他人指正其錯誤，而我質疑其連自己個姓都講錯——唔通阿爺教落係噉讀——嘅時候，佢就話：我個姓好多種讀法，特別係廣州啲人都讀仇，所以我咪話自己係姓報仇個仇囉，而且普通話淨係得chou一個音。眾所周知，粵語區姓仇嘅都讀作求，正如姓單嘅就讀作善一樣。「仇」喺普語亦係多音字，另有一音為qiu。你驚自己個姓人哋唔識寫嘅話當然可以講係報仇個仇字，但唔可以話自己個姓係噉讀。

　　總結：中國人唔係冇文化到咁淒涼嘅地步吖嘛？！簡化字早已橫施一刀斬咗好多人祖先千百年來留落嚟嘅姓氏，而家啲人重要變本加厲徹底改埋自己姓氏發音。聽見都心寒！

　　PS：若果呢個姓千眞萬確有由祖先傳落嚟都係讀「愁」嘅仁兄仁姐，則恕本人孤陋寡聞，多多包涵，祇不過平添半點憂愁而已。

addigital

chou 係讀QIU！o既

yyty

本来就是求音，要改姓不成？？

highyun

我以前都提出過呢個問題，但係發覺好多姓仇嘅人，都同意自己姓sau4，既然個姓係人哋嘅，我哋冇必要强迫佢改啦。

余OK

QUOTE:

以下是引用highyun在2007-3-10 20:10:31的發言：
我以前都提出過呢個問題，但係發覺好多姓仇嘅人，都同意自己姓sau4，既然個姓係人哋嘅，我哋冇必要强迫佢改啦。

　　所以我想問吓佢哋嘅阿爺對自己個姓係點讀嘅。唔相信佢哋阿爺嗰代咁多人姓「愁」。

月影

據說“費”姓以古以來已經有“廢”和“秘”的分支，讀“廢”音者並非一定屬於俗讀

總之首先要考證下“仇”姓是否有兩音存在，只是假如真有的話，盲目以為“求”為作為姓氏之唯一正音，則難保又不使“愁”音一支“數典忘祖”

siuonkei

我净係聽過“求”

huang

正確應該係讀? “求”音

我記得以前睇電視有一個名 叫 “仇千刃” 係讀 "求"嘅。

朱利安

QUOTE:

以下是引用huang在2007-3-11 22:50:20的發言：

正確應該係讀 “求”音

我記得以前睇電視有一個名 叫 “仇千刃” 係讀 "求"嘅。

正一九唔搭八，人地个出金庸武侠剧里面的人物就系叫“裘千仞”，梗系读“求”啦，关“仇”字鬼事咩，哈哈．

huang

QUOTE:

以下是引用朱利安在2007-3-12 19:42:11的發言：

正一九唔搭八，人地个出金庸武侠剧里面的人物就系叫“裘千仞”，梗系读“求”啦，关“仇”字鬼事咩，哈哈．

哦??? 常識疏淺!!!?兼冇乜知識!!如果對各位有誤導嘅話 我在此 向各位講聲 ：唔好意思！！

malsony

暈，“仇”作姓氏，粵語念“求（kau）”音，普語“求qiu2”。

樓上朱利安同學意見正確，裘氏兄弟的名字，在金庸的“射雕”，“神雕”都出現過。