[原創]關於"渲"嘅讀音

SEREN

我睇何文匯嘅資料? 佢根據廣韻嘅切音? 佢話正音係"算"....我不嬲都只係聽見人哋讀"勸"...而且以"宣"做聲部嘅字 廣東話都一般都係讀若"勸"?? 例如萱 瑄 喧 但係就冇讀若"算"嘅...唔同何博士係有普通話轉廣東話???既然噉嚹? 點解佢唔正音埋"萱 瑄 喧."?.再加上我本人又覺得廣韻係本比較適合切普通話嘅書? 只有5個聲調 唔太適合廣東話噃..唔知道何博士當時發唔發現呢個問題呢???

Lucciora

廣韻得5聲,而粵語係9聲,因爲箇中有中州音對廣府音產生咗音變,而何文匯所提出嘅妖音存在雙重標準,難完其說,我哋係比較同意王亭之先生嘅意見(當然王亭之先生嘅觀點亦都有小許爭議)

馬萬千

QUOTE:

以下是引用SEREN在2007-3-9 13:25:11的發言：
我睇何文匯嘅資料 佢根據廣韻嘅切音 佢話正音係"算"....我不嬲都只係聽見人哋讀"勸"...而且以"宣"做聲部嘅字 廣東話都一般都係讀若"勸" 例如萱 瑄 喧 但係就冇讀若"算"嘅...唔同何博士係有普通話轉廣東話???既然噉嚹 點解佢唔正音埋"萱 瑄 喧."?.再加上我本人又覺得廣韻係本比較適合切普通話嘅書 只有5個聲調 唔太適合廣東話噃..唔知道何博士當時發唔發現呢個問題呢???

雖然廣韻得五聲，但係廣韻聲母有分清濁，現代音清濁己化為聲調，清變陰、濁變陽，所以先有九聲咁多。

所以依然可以跟據廣韻聲母的清濁來判別聲調的陰陽，即可以推出九聲所屬，所謂「上字辨陰陽」就係噉來。

佢切出嚟的確大體上可以反應出當時廣東話。但係現代人要唔要跟嗰陣時嘅讀音呢？