[討論]觉唔觉得普通话嘅电话铃声会有损“推广广州话”嘅个人形象？

highyun

上面有兩位兄台都冇瞭解盧總發帖嘅原意。佢一直都冇話要打壓普通話，打壓普通話歌，佢只係想作爲一個“推廣廣州話”嘅先鋒，自己嘅電話鈴聲竟然係普通話，會唔會影響自己嘅形象。而樓上兩位似乎將盧總嘅意思上綱上綫到要“抵制所有普通話歌”嘅高度。

东暴

QUOTE:

以下是引用highyun在2007-3-13 18:53:22的發言：
上面有兩位兄台都冇瞭解盧總發帖嘅原意。佢一直都冇話要打壓普通話，打壓普通話歌，佢只係想作爲一個“推廣廣州話”嘅先鋒，自己嘅電話鈴聲竟然係普通話，會唔會影響自己嘅形象。而樓上兩位似乎將盧總嘅意思上綱上綫到要“抵制所有普通話歌”嘅高度。

我明，我系解释点解会投“唔会影响个人形象”。

东暴

QUOTE:

以下是引用monfan在2007-3-13 17:59:44的發言：

http://www.blogcn.com/user25/general_lo/blog/43156299.html

点题：“抵制普通话”系指抵制普通话嘅推行政策——千祈唔好望文生义、断章取义！否则就只会显得你嘅心胸狭窄、水平低下！

大家要良好讨论气氛唔好有脾气之嫌～

“抵制普通话”人哋系话抵制 其 推行政策～请了解清楚～

卢总其实几牙尖嘴利～～如果佢态度唔好咁高压或者你会清楚佢想表达咩嘢。再讲返呢单嘢～其实本来就系公司擅自更改/开通客户彩铃在先，投诉失礼在后，而且遇到卢总佢哋咪唔好彩啰。如果几耐时间唔取消就默认你续订，噉你就会无端白事撢荷包～唔见钱～

你咁样讲，我唔声出喇。

samkong

QUOTE:

以下是引用Wai在2007-3-13 18:51:32的發言：

喺條街聽到嗰首歌，如估係喺大型商場裏便，我會當場冇晒mood買嘢囉。首歌咁難聽，心照喇，都乜嘢年代喇，好心改吓啲歌詞喇。

完全同感！

monfan

QUOTE:

以下是引用东暴在2007-3-13 20:07:11的發言：

你咁样讲，我唔声出喇。

论坛习惯用 你噉样讲,我冇声出喇. 唔 冇,相距甚远.

monfan

重有一样嘢,当打畀佢嘅时候,会反问佢,点解你用咗国语/普通话歌嘅?佢可以点答复啊?自己畀人问到先知道,口哑啰.

呢个我都亲身问过,所以系好证明到佢所谓嘅影响佢形象,明白吗?

[此帖子已經被作者於2007-3-14 3:00:04編輯過]

东暴

QUOTE:

以下是引用monfan在2007-3-14 2:56:40的發言：

论坛习惯用 你噉样讲,我冇声出喇. 唔 冇,相距甚远.

呵呵！多谢嗮。我一时间唔系好识用粤语写，小弟真系要老大多多提点。

Deco

QUOTE:

以下是引用monfan在2007-3-14 2:59:41的發言：

重有一样嘢,当打畀佢嘅时候,会反问佢,点解你用咗国语/普通话歌嘅?佢可以点答复啊?自己畀人问到先知道,口哑啰.

呢个我都亲身问过,所以系好证明到佢所谓嘅影响佢形象,明白吗?

哦，如果喺咁，我好理解...

卢总

QUOTE:

以下是引用Deco在2007-3-15 14:34:13的發言：

哦，如果喺咁，我好理解...

噉你而家会唔会转軚？

JUMPSEY

有報道話依家啲手機鈴聲已經成咗唱片業嘅一個好重要嘅收入來源，所以down乜嘢歌就即係撐乜嘢歌，粵語歌我哋唔撐邊個撐啊。人哋點冇權干預，唯有把握好我哋自己，所以梗係要用廣東歌啦，除非就乾脆乜都唔用。

卢总

我当然系撑粤语歌啦！

问题系，电话公司单方面更改我嘅电话铃声又冇通知，播刘德华嗰只《恭喜发财》，长达半个月之久，重要系过年前后嘅繁忙时间，直到有人质问我“点解你拣只噉嘅歌”，我先知。

我投诉嘅时候都唔马上帮我取消，拖延咗好几日！

lianggz

政治不正确

卢总

喺我嘅一直坚持之下，电话公司终于都屈服嘞！

佢哋发咗个电子版嘅书面道歉畀我，等我确认之后再邮寄畀我。

我已经就信嘅内容作出回应，要求佢哋修改好之后再畀我审批！

卢总

点样”政治不正确法“？点先为之政治正确？

莫非擦晒鞋噉向全世界高呼“我爱ＸＸ话”先叫做“政治正确”？

siuonkei

好聽就得喇

卢总

小妹妹（因为你在此嘅年资尚浅，而事实上我又真系大你十几年），你都未睇清楚人哋讲乜，而且你对我知之甚少，所以你都唔明，并唔系好唔好听嘅问题！

打个比方，家下Ｓ．Ｈ．Ｅ．系“可口可乐”嘅代言人，如果有一日畀人见到佢哋喺公众场合揸住支／罐“百事可乐”，你估大家会点睇？

邋遢丫傑

我覺得唔使咁注重呀 如果太刻意盞畀人覺得扮野 鈴聲啫? 鍾意就得啦 不過我以前係用雞啼嘅 呵呵

個人意見

噹噹

呢度d手機落後o左幾代o架，噹噹部手機都唔可以下載鈴聲o既!......唉!所以唔知點答!

卢总

邋遢丫傑同噹噹两个都冇睇清楚个题目同大前提就发言嘞！唉……！

家阵系讨论紧我嘅个人问题，唔系大环境！

唔该你哋睇晒前后文，谂清楚我问乜再答！

芬1012

QUOTE:

以下是引用东暴在2007-3-11 21:39:47的發言：

推广粤语，都唔使打压普通话喇，你咁样有啲像美国推行自己民主一样。好比喻：你嘅客户用普通话同你讲（佢唔识粤语），你只有用普通话同佢交谈；有一个唔识粤语嘅路人问路，你都系要讲普通话。两个例子咁样照你嘅睇法都系影响你推广粤语系唔系？

其实普通话系大势所趋，能把粤语同粤语文化不断哋完整延续下就得喇。（今天我睇香港商报，有粤剧爱好者向曾荫权要一个永久剧院，人哋就系把粤剧文化发扬下去，人哋都唔打压其它文化活动）

如果粵語可以打壓滿語就好啰。