備受爭議嘅何文匯正讀

馬萬千

有人話係正音，有人話係邪音，點讀要自己恁過。

以下擇自何博士嘅《粤音正音字彙》

　　　　　頒獎：【正】班　　　【誤】攀

　　　重蹈覆轍：【正】道　　　【誤】滔

　　　　　藉口：【正】直、謝　【誤】借

　　　汗流浹背：【正】接　　　【誤】夾

　　　　　敏捷：【正】截　　　【誤】節

　　　　　昨日：【正】鑿　　　【誤】作

　　　　　綜合：【正】眾　　　【誤】宗

　　　　　泛濫：【正】販　　　【誤】飯

　　　　　販賣：【正】泛　　　【誤】反

覆蓋、天覆地載：【正】阜、副　【誤】福　

　　緋紅、緋聞：【正】非　　　【誤】匪

　　　　　改革：【正】格　　　【誤】甲

　　　　　骨骼：【正】格　　　【誤】駱

　　　　　糾紛：【正】九　　　【誤】斗

　　紀律、紀念：【正】己　　　【誤】記

　　　　　強勁：【正】敬　　　【誤】競

　　　　　競爭：【正】ging6 　【誤】敬

　　　　　桿菌：【正】杆 　【誤】趕

　　　　　平均：【正】鈞 　【誤】坤

　　　　　坎坷：【正】砍可 　【誤】堪呵

　　　　　凱旋：【正】海 　 【誤】藹

　　　　　刊物：【正】hon1 　 【誤】罕

　　　　　贈券：【正】勸 　 【誤】眷

　　　　　絢爛：【正】勸 　 【誤】詢

　　　　　姓任：【正】吟 　 【誤】賃

　　　星光熠熠：【正】入 　 【誤】揖

　　　　　漣漪：【正】依 　 【誤】倚

　　　　　模擬：【正】矣 　 【誤】疑

　　　　　肄業：【正】義 　 【誤】肆

　　　　　友誼：【正】義 　 【誤】宜

　　　　　屋簷：【正】鹽 　 【誤】蟾

　　　　　謁見：【正】jit3 　 【誤】揭

　　　　　夭折：【正】妖 　 【誤】腰　　　　　

　　　　　活躍：【正】藥 　 【誤】約

　　　　　愉快：【正】娛 　 【誤】遇

　　　　　給予：【正】雨 　 【誤】余

　　　　　參與：【正】預 　 【誤】雨

　　　　　暴戾：【正】麗、烈　【誤】淚

　　　　轉捩點：【正】烈　　　【誤】淚

　　　　　眼眸：【正】謀　　　【誤】謬

　　　　　嫵媚：【正】舞味　　【誤】撫眉

　　　　　幽冥：【正】名　　　【誤】茗

　座右銘、銘記：【正】名　　　【誤】茗

　　　　　遏止：【正】壓　　　【誤】揭

　　　　　遨遊：【正】熬　　　【誤】傲

　　　　　抨擊：【正】烹　　　【誤】評

　　　　　妃嬪：【正】頻　　　【誤】鬢

　　姓浦、浦東：【正】普　　　【誤】蒲

　　　　　索取：【正】saak3 【誤】朔

　　　　　舌頭：【正】sit6　　【誤】屑(sit3)

　　　　　塑膠：【正】訴　　　【誤】朔

　　　　　渲染：【正】算　　　【誤】喧

　　　　　恬靜：【正】甜　　　【誤】tim3

　　　　　湍急：【正】tyun1 　【誤】喘

　　　　　對峙：【正】恃、稚　【誤】侍

　　　　　創傷：【正】瘡　　　【誤】愴

　　　　　揣測：【正】取　　　【誤】喘

　　　　　智慧：【正】衛　　　【誤】畏(waai3)

　　　　　緩幔：【正】換　　　【誤】桓

[此帖子已經被作者於2007-2-27 14:06:37編輯過]

highyun

有部分嘅字佢係正得啱嘅。例如 頒獎 紀念 改革 重蹈覆轍

余OK

　　係，要批判地接受，樓主可以將廣州民眾嘅普遍發音列埋出嚟對比吓。

月影

只要實際生活中幾乎無人讀的，基本上可以作邪音論

不過其實上述有部分“正音”一般人都懂得，只不過要在特殊詞語配搭下才會表示出來

如：歡愉（如）、和緩（換）、慧（胃）眼，實際上以上所謂“正讀”尚未退出現實使用舞台，較合理之安排應該是跟所謂“俗讀”並列為正音

[此帖子已經被作者於2007-2-27 22:47:11編輯過]

jakan

粤语虽然多人講，但既成方言，本就冇正誤之分，除非有权威机构（例如政府）制定一套严谨啲嘅方案，然后出教科书强制推行。如果唔系，就好似而家咁，香港人話佢个先至系正音，因为佢以《广韵》为依据；广州人话佢个又系正音，因为佢系粤语方言区嘅政治中心；肇庆人都可以講佢地系正音，因为佢系粤语嘅发源地……

yyty

有很多所谓之正音也只不过是那些有心人要和普通话接轨而矣。。

superjill

王亭之已经将何文汇嘅所谓“正音”称为“病毒音”

朱利安

净系广东都咁大啦，而且又各处乡村各处例，有Ｄ地方隔咗条村，Ｄ口音就所不同嘞．

正音系学术上可以探讨，但系日常生活中，只要大家都听得明，就无须过分追求咩正音啦．

至于有Ｄ人成日话自己个Ｄ先系正音，人地个Ｄ就系邪音，就重无谓嘞．

[此帖子已經被作者於2007-3-19 19:45:51編輯過]

monfan

大部分同意楼上说法，唯独有一个地方需要指出。

正音系学术上可以探讨，但系日常生活中，只要大家都听得明，就无须过分追求咩正音啦．

以小弟愚见，懒得好离谱，可以做成沟通问题嘅，但系日常生活中又有人用嗰啲音，又点算呢？

再者，部分日常生活中唔常用嘅词语，字，嘅读音又点算呢？难道一个市民一个音？

处理呢啲问题，就好需要有一个指导性嘅读音判别标准，但目前上边嘅工作好少啰。

朱利安

QUOTE:

以下是引用monfan在2007-3-21 6:14:07的發言：

大部分同意楼上说法，唯独有一个地方需要指出。

QUOTE:

正音系学术上可以探讨，但系日常生活中，只要大家都听得明，就无须过分追求咩正音啦．

以小弟愚见，懒得好离谱，可以做成沟通问题嘅，但系日常生活中又有人用嗰啲音，又点算呢？

再者，部分日常生活中唔常用嘅词语，字，嘅读音又点算呢？难道一个市民一个音？

处理呢啲问题，就好需要有一个指导性嘅读音判别标准，但目前上边嘅工作好少啰。

你就咪再系道讲咩＂指导性嘅读音判别标准＂嘞，如果按呢条路行嘅话，咪即系行返推广标准普通话压制地方语言个条旧路啰．

都话咗广东咁大，而且各处乡村各处例，有Ｄ地方隔咗条村，Ｄ口音就所不同嘞，说明咗即使系同一方言语系亦存在着丰富多彩嘅多样性，如果推行咩鬼嘢＂指导性嘅读音判别标准＂嘎话，将会抹杀语言嘅多样性．

至于你话一个人一个音，沟通唔到喔，呢样嘢根本就无可能发生，因为我国汉语在发音上虽然有多样性，但由于有统一的汉字作为根基，系一定相对嘅范围内，比如广东省内，语音虽有所不同，但变化并不太大，所以根本就唔会影响沟通．

[此帖子已經被作者於2007-3-21 13:12:38編輯過]

monfan

你知道何谓“港女文”吗？你有冇睇林海峰嗰个栋笃笑啊？

最后嗰幕嘅懒音，就真系经典“范例”喇～

超低能，ｇｅｎ搞笑～

果度（一间水果饮品店定唔知道乜鬼嘢），嗰度，发音有差异，所以又产生误会。

广州　港州　赶州，香赶，系咪一级一级离谱呢？

琴日先因为须要录入一篇成万字嘅粤语成文文章，就系因为读音问题搞到错字，有读音又可以混淆你嘅文字使用，

顺德人出到广州觉得啲音怪怪哋，广州人过到去香港，又觉得怪异～何解呢？

真系冇必要？唔好误会我所指喎～

朱利安

QUOTE:

以下是引用monfan在2007-3-24 0:42:28的發言：

你知道何谓“港女文”吗？你有冇睇林海峰嗰个栋笃笑啊？

最后嗰幕嘅懒音，就真系经典“范例”喇～

超低能，ｇｅｎ搞笑～

果度（一间水果饮品店定唔知道乜鬼嘢），嗰度，发音有差异，所以又产生误会。

广州　港州　赶州，香赶，系咪一级一级离谱呢？

琴日先因为须要录入一篇成万字嘅粤语成文文章，就系因为读音问题搞到错字，有读音又可以混淆你嘅文字使用，

顺德人出到广州觉得啲音怪怪哋，广州人过到去香港，又觉得怪异～何解呢？

真系冇必要？唔好误会我所指喎～

个Ｄ咩鬼栋笃笑纯属系艺术夸张，嚟作为搞笑嘅题材．

其实系现实生活中根本就唔会影响到沟通，虽则系会觉得发音怪异，但只要结合当时嘅语景，绝对系可以听得明嘅．

SEREN

泛濫：【正】販　　　【誤】飯

　　　　　販賣：【正】泛　　　【誤】反

呢度完全唔知佢想表達啲乜

SEREN

其實廣州人啲懶音都唔弱噶? 完全可以媲美香港人

不過廣州呢嘅幾乎由撈佬統治嘅地方 又會有幾多人關注呢個問題啊........

katck

講明先唔係香港人話，係香港?個何文匯要正音，唔關我地?香港人事，我絕對唔同意佢?正音。不知所謂！
瘡作一?有瘡意的音樂，叫做瘡作人。(鬼話)
創作一D有創意的音樂，叫做創作人。(人話)

馬萬千

QUOTE:

以下是引用SEREN在2007-3-26 13:48:41的發言：
泛濫：【正】販　　　【誤】飯

　　　　　販賣：【正】泛　　　【誤】反

呢度完全唔知佢想表達啲乜

販faan3

飯faan6

泛faan3

反faan2

malsony

QUOTE:

以下是引用馬萬千在2007-4-2 10:35:46的發言：

販faan3

飯faan6

泛faan3

反faan2

“泛濫：【正】販　　　【誤】飯

　　　　　販賣：【正】泛　　　【誤】反”

呵呵，這樣就是“李先生和張先生並排坐，誰是李先生呢？張先生旁邊那位。那誰是張先生呢？李先生旁邊那位。”

goodchoice

又學到野lu

[em04]

馬萬千

QUOTE:

以下是引用malsony在2007-4-2 14:57:50的發言：

“泛濫：【正】販　　　【誤】飯
?

　　　　　販賣：【正】泛　　　【誤】反”

呵呵，這樣就是“李先生和張先生並排坐，誰是李先生呢？張先生旁邊那位。那誰是張先生呢？李先生旁邊那位。”

中國六書中所謂的「轉注」就係噉。

外外星人

原帖由 余OK 於 2007-2-28 04:15 發表 　　係，要批判地接受，樓主可以將廣州民眾嘅普遍發音列埋出嚟對比吓。

 

民众读音何其多？论普遍，应以官方媒体为准。而现实系，官方媒体经常咬字含糊不清...