广州话正音字典的明显漏洞

coolcgt

本人喺1年前就买咗《广州话正音字典》，非常喜欢，但发现有一处明显漏洞，就喺几乎所有带前鼻音ng嘅字嘅注音都省略了ng，例如爱注音为“oi”而唔系“ngoi”，而家发懒音如此严重嘅环境下，有咁嘅漏洞就显得十分可惜了。大家点睇？

[此帖子已經被余OK於2007-5-13 18:26:46編輯過]

highyun

　　陰聲字（前三聲）係可以零聲母，可以ng做聲母嘅，例如“愛”、“嘔”、“安”呢啲字，可以讀oi3、au2、on1，又可以讀ngoi3、ngau2、ngon1。

　　建議樓主學多啲粵音韻彙知識。

coolcgt

如果系双读音应该要注明的，因为其他双读音字都有注明。

零声母多数人系唔接受嘅。

Wai

愛羣大廈，Oi Kwan Hotel。

samwingkit

QUOTE:

以下是引用coolcgt在2007-2-24 0:59:46的發言：

本人喺1年前就买咗《广州话正音字典》，非常喜欢，但发现有一处明显漏洞，就喺几乎所有带前鼻音ng嘅字嘅注音都省略了ng，例如爱注音为“oi”而唔系“ngoi”，而家发懒音如此严重嘅环境下，有咁嘅漏洞就显得十分可惜了。大家点睇？

認同highyun所講。

零聲母唔代表一定就係懶音，正如[l-]唔一定係鼻音字。

羊城惜花人

噉點解“我”讀作“O3”又係懒音呢？

highyun

　　“我”係ngo5，陽上聲當然唔允許零聲母。

馬萬千

樓主搞錯囇, 正宗廣州話?「愛」係讀「oi」咖，唔係讀「ngoi」, 讀「ngoi」反而係讀錯, 不過越嚟越多人因為橋枉過正讀成「ngoi」

但係「我」就係讀 「ngo」, 唔可以讀 「o」

有啲字要ng 而有啲唔使, 唔係全部都要加咖。

不過原理我都唔知點解,

舉多個例：

「安」讀 「on」、? 「岸」讀 「ngon」 ,

「哀」讀 「oi」、? 「呆」讀 「ngoi」 ,

? 如果唔識分嗰個人就真係懶音。

coolcgt

各位大侠系唔系应该做个list出来，确实唔知道爱系读oi。

guoaen

原來有噉分嘎，睇咗先識啊~~

嶺南散人

原帖由 coolcgt 於 2007-2-24 08:59 發表 本人喺1年前就买咗《广州话正音字典》，非常喜欢，但发现有一处明显漏洞，就喺几乎所有带前鼻音ng嘅字嘅注音都省略了ng，例如爱注音为「oi」而唔系「ngoi」，而家发懒音如此严重嘅环境下，有咁嘅漏洞就显得十分可惜了。大家点睇？ ...

字典冇错，「愛」的正音確實係［ｏｉ］，唔係嬾音。

 

將［ｏｉ］讀成［ｎｇｏｉ］反而變佐「勤音」。

南汉

原帖由 馬萬千 於 2007-2-27 05:58 發表 樓主搞錯囇, 正宗廣州話?「愛」係讀「oi」咖，唔係讀「ngoi」, 讀「ngoi」反而係讀錯, 不過越嚟越多人因為橋枉過正讀成「ngoi」但係「我」就係讀 「ngo」, 唔可以讀 「o」有啲字要ng 而有啲唔使, 唔係全部都要加咖。不 ...

你老味至错。李我87岁都系读ngoi。只是广州市区内部有两种不同口音。读oi的群体客观上已经近乎绝种。

嶺南散人

對照四邑話中的開平話和恩平話，「愛」的確是零聲母的，讀成[ngoi]的話就變成另外的字了。

 

由此可從側面推出，廣州話的「愛」也是零聲母的，不應讀作[ngoi]。

tonybean

呢个问题从专家到大家都有争议……

粤语歌里面全部都系读/ngoi/嘅，而且我日常讲话都系有鼻音，睇咗本字典之后就觉得我见识仲系太少。

嶺南散人

原帖由 tonybean 於 2008-5-28 22:03 發表 呢个问题从专家到大家都有争议…… 粤语歌里面全部都系读/ngoi/嘅，而且我日常讲话都系有鼻音，睇咗本字典之后就觉得我见识仲系太少。

其實沒必要爭議下去，再對照北方話「愛」讀［ａｉ］，再對照閩語潮汕話「愛」讀［ａｉ］，再對照吳語「愛」讀［ｅｉ］，統統都是零聲母的。

 

從多種漢語方言對照起來看，「愛」都是零聲母的，那麽廣州話讀零聲母顯然是無疑義的。

中二仔

「愛」字中古係「影」母,係零聲母

「我」字中古係「疑」母,係鼻音聲母

 

要查唔該自己查中古音查詢

 

不過最簡單分法係:

「影」母==>陰聲

「疑」母==>陽聲

還者為濤

原帖由 highyun 於 2007-2-24 09:19 發表 　　陰聲字（前三聲）係可以零聲母，可以ng做聲母嘅，例如「愛」、「嘔」、「安」呢啲字，可以讀oi3、au2、on1，又可以讀ngoi3、ngau2、ngon1。　　建議樓主學多啲粵音韻彙知識。 ...

原來有規律

wyzg

唔系白話區嘅人的確會 搞唔清楚嘎。應該有注明，咁嘅話我哋學番就會更明。

dengjun

上面  楼下列说法是对的：

 

「愛」字中古係「影」母,係零聲母

「我」字中古係「疑」母,係鼻音聲母

 

要查唔該自己查中古音查詢

 

从查古音可以辨别。

在粤语四邑片次方言中仍保存这个区别。

我---声母是ng

爱---声母是零声母

 

中古音本来有声母 ng   的，发音没有  ng ，才是懒音。

中古音本来没有 ng   的，加上了 ng,是祖籍原是南海与顺德的人带到广州话中来的。祖籍籍番禺的人不是这样。

楼主说《广州话正音字典》明显漏洞，正是该字典的优点。

 

 

 

dengjun

原来说普通话的人，对于某人说的广州话是否懒音，更加好分了。凡是普通话以元音开头的字，在广州话也以元音开头，就不是懒音，例如：「安全」的「安」，普通话是an ,广州话是 on,这不是懒音。如果读成

ngon,则是又读，也是对的，不必纠正，但是外省人学习广州话，还是不带ng 为好。