對當今“正字”嘅幾點睇法

羊城惜花人

突然覺得，我哋而家搞啲正字係咪有啲無為呢？

好似當年條友話“竇燕山，有義方；教五子，名俱揚。”所以“老豆”嘅正寫係“老竇”，之後又走返出嚟認錯話“老豆”先係正寫。

又如，嗰時唔知邊條茂利走出嚟話“打甂爐”係正寫，而家又有人提出“打邊爐”先係正寫。

另外，雖然我而家都係跟大隊寫“重有”，但係我始終覺得個“重”字係讀作“從”先有“還、再”嘅意思，讀作“仲”係冇呢個意思，至於嗰個咩“行行重行行”更加荒謬，呢句話畀邊個睇，第一反應都係讀“恆恆從恆恆”，個“仲”字起馬有“第二”嘅意思有啲接近啊。

總結吓，我嘅意思啫係，要正字，就正嗰啲冇乜人識寫嘅字，唔好去話已有約定俗成嘅嘢係錯嘅，大家之所以咁憎何文匯，就係因為佢話我哋平時讀開嘅音錯，佢嘅先啱，一樣道理。

反觀，我哋睇古文，會發現好多“通假字”點解咁多年都冇人“糾正”呢？就係因為古人有大智慧，唔會停留係字裡行間做啲學究所為，懂得將錯就錯呢個道理。

highyun

　　有啲時候正字係必須嘅，例如好多人認爲有音冇字嘅嗰部分字。但係要把握個度，某啲粵語字雖然係後造字，但如果而家已經約定俗成，就冇必要强迫人用返個古字。但有啲字如果用者不分伯仲嘅，例如“竇”“重”呢啲，我就比較支持用返本字（起碼係經考究比較似本字嗰個）。

羊城惜花人

嗰啲所謂嘅正字，只係某人根據某書，然後斷章取義，望文生意再加上一大堆聯想，理論上講通咗之後就係正字~

[此帖子已經被作者於2007-2-16 14:25:49編輯過]

羊城惜花人

的確有啲字真係要正吓，例如：將“嗰”寫成“果”，雖然“嗰”都係生造字，但係寫成“果”係絕對嘅懒音問題~

desmond

我認為應該叫做「當用字」，應當使用嘅字。「正字」有正確無誤嘅意思，當然極富爭議性。

highyun

　　其實係一個名嘅問題啫，如果我哋唔講“正字”，而講“推薦用字”，可能會减少好多爭議。正如粵語協會以前嘅名“粵語標準化協會”曾引起唔少人非議一樣。

Lucciora

有時用正字反而會引起歧義，係幾頭痛

Wai

冇強制人哋用字就冇問題喇。

字用慣咗就用慣咗喇。

“打遍爐”呢個詞有書籍記載過。

月影

個人以為無需執着於是否本字，總之選字之準則最重要還是在於是否容易使人望文生義，故除非能找出比“本字”更合適之字形去表達（包括新創字），又或者再退一步，只要“俗字”的字義能準確跟原詞詞義配搭上也無不可，否則完全沒有理由只因為要“從俗”就隨意將一個同音異義的“俗字”去取代本字。

更何況上述例子中，其“本字”又非常人不識的生僻字，用之何妨？

kong2605

大家有否理解错个“正”字？

并非指正确，而係指最好、最肆正!(就如我哋平时所讲：平、靓、正)

一切都在变化，或者大家应该接受变得有道理而且被大家广为接受嘅观点!

老豆(种瓜得瓜，种豆得豆。我为豆丁，父为老豆)

提起「通假字」，我亦觉无余，读书时明明知道是为错字，可老师就偏偏要我哋照搬其错而默写紧记!

余OK

　　關於使用正字或本字嘅討論我之前經已講過自己嘅觀點，尤其係呢張置頂帖，唔知大家有冇留意過：

　　http://bbs.cantonese.asia/dispbbs.asp?boardID=117&ID=3081

samwingkit

我一般會講「本字」多過「正字」。

好似「煲」同「缹」咁，前者通用到咁，唔通又叫做錯？我只可以話後者的的確確係本字。

「褸」、「餸」又係，本字「摟」、「送」，動詞作名詞，但而家已經分化晒。

李四

三十年前高中國文老師教「行行重行行」係讀成「hanng4 hanng4 zung6 hanng4 hanng4」　

李四

學下黃興桂式講話：
唔一定要「正」字，最緊要唔好錯字！！

auyeung

以下是引用羊城惜花人在2007-2-16 13:39:43的發言：

突然覺得，我哋而家搞啲正字係咪有啲無為呢？

好似當年條友話“竇燕山，有義方；教五子，名俱揚。”所以“老豆”嘅正寫係“老竇”，之後又走返出嚟認錯話“老豆”先係正寫。

又如，嗰時唔知邊條茂利走出嚟話“打甂爐”係正寫，而家又有人提出“打邊爐”先係正寫。

另外，雖然我而家都係跟大隊寫“重有”，但係我始終覺得個“重”字係讀作“從”先有“還、再”嘅意思，讀作“仲”係冇呢個意思，至於嗰個咩“行行重行行”更加荒謬，呢句話畀邊個睇，第一反應都係讀“恆恆從恆恆”，個“仲”字起馬有“第二”嘅意思有啲接近啊。

總結吓，我嘅意思啫係，要正字，就正嗰啲冇乜人識寫嘅字，唔好去話已有約定俗成嘅嘢係錯嘅，大家之所以咁憎何文匯，就係因為佢話我哋平時讀開嘅音錯，佢嘅先啱，一樣道理。

反觀，我哋睇古文，會發現好多“通假字”點解咁多年都冇人“糾正”呢？就係因為古人有大智慧，唔會停留係字裡行間做啲學究所為，懂得將錯就錯呢個道理。

“重”字同“噉”字。。。

始終覺得唔係好順眼。係咪用返“仲”同“咁”會好啲？畢竟普羅大眾都接受呢兩個字，如果你話“重”同“噉”。有幾多人會受？個“重”字我同惜花人一樣：雖然我而家都係跟大隊寫“重有”！始終覺得唔妥，唔好到時畀人話矯枉過正！！

中二仔

之前話係老竇嗰個係容若,佢走返出來話係老頭喎...

其實對於本字嘅考證只不過係一種興趣/職業/對民族嘅歸屬感等等.
多數都無實用價值....不過作為興趣都幾好玩