只需一步,快速開始
今日興致勃勃同人講近牌都喺度學緊粵語,睇粵語正字節目,重加入咗粵協……
點知人哋話成日睇埋啲咁野,你唔覺得好無聊咩?
[灌水]好無聊咩? 不過好似身邊又真係冇人對粵語正字有興趣,次次同人講親都畀人潑冷水……
[灌水]好無聊咩?
好彩重有粵協~
舉報
正如“叫你滥药嗰啲先至唔系你朋友”,所以同你讲啲噉嘅嘢、泼你冷水嘅人先至唔系你朋友!
我哋嘅使命系去唤醒嗰啲麻木不仁嘅昏睡者,而唔系受佢哋嘅冷嘲热讽!
噉咪嚟閒情版傾偈囉。
可以傾粵語以外嘅嘢。之不過要我手寫我心。
噉咪唔悶囉。
粵語可以好主流亦可以好另類。
睇你點睇啫。
其實一度好迷茫,中學嗰陣喺度練繁體字,人地覺得你點解有啲咁嘅癖好;買粵語詞典,人地覺得你多此一舉;學習粵語正字,又話係無聊。
有時都真係覺得有啲灰心,不過依然相信粵語包含好深嘅文化底蘊,每次見到大家引經據典討論一個正字嘅時候都覺得獲益匪淺,學到好多野。
其實我覺得粵語真係一門好特別嘅語言,唔係方言咁簡單。
不過到咗我地呢一代,年輕人更多地傾向于中英混合嚟講,覺得係潮流,反而好多以前用嘅口頭禪,好多人都唔知,如果再唔用文字記錄落嚟,粵語嘅底蘊好快就會消磨殆盡。
又唔使咁心悒嘅,事關粵文化都係博大精心嘅傳統中華文化嘅一部分,未來國家恢復傳統中華文化就靠晒我哋喇
[em01]
改返正個“悒”字。
世界上唔系个个都系同你有一样兴趣爱好嘅人,到咗该觉醒嘅时候佢哋就会明白.
揾志同道合唔系容易嘅事情,唔同嘅场合,讲唔同嘅话,唔使咁冷嘅.我周不时都系噉,哈哈!!
PS:今日去咗国学班嗰度听咗几句,学到唔少嘢.
我唔覺喎~~~我啲Fd好多寫粵字都有錯別字。。。但係我就冇~~~都唔知幾自豪~~~
唔敢讲有咩研究,但睇下人哋嘅研究成果,谂返自己细个听过、用过嘅粤语词汇,将佢记低,再爱嚟教人,嗰种安乐法,用「自豪」嚟形容都未够贴切...
原帖由 大陆灿 於 2008-7-27 18:13 發表 亚外星人,都已经系咸丰年间嘅陈年旧贴啰!你重攞出嚟,咁得闲回复吓新贴重好过。
佢有铺噉嘅瘾
本版積分規則 發表回復 回帖後跳轉到最後一頁
Archiver|手機版|粵語協會
GMT+8, 2024-12-28 03:33 , Processed in 0.076934 second(s), 24 queries .
Powered by Discuz! X3.5 Licensed
© 2001-2024 Discuz! Team.