之14: 一个“隻”字引发的尴尬

西关原居民

身边一事: 甲先生为乙女士好友. 乙女士月前产下一子, 甲先生欲送礼相贺, 遂询乙女士有何所需. 乙女士笑答“奶粉”. 甲先生即提议共赴超级市场购之. 乙允.

超市之内, 甲先生举头一望, 但见数种牌子奶粉摆于货架, 转身, 又询乙女士: “BB中意食边隻啊?” 却见乙女士突然满面通红, 沉默良久, 低声讲出二字: “左边”.

甲先生不明所以. 但稍一琢磨, 继而哈哈大笑道: “我系问BB中意食边隻牌子, 唔系问BB中意食边隻’奶子’啊. ” 又将两手交叉于胸前, 再加一鬼脸.

乙女士回过神来, 顿觉尴尬. 但因其个性属“战斗格”, 于是乎死顶: “我知道你讲奶粉, 我亦冇答错, 系货架左边嗰隻奶粉吖嘛. ” 无奈甲先生亦属战斗格, 须眉不让巾帼, 继续踩油: “系咩? 系你面前货架左边定系我面前货架左边啊? 哈哈哈…”

卒之, 乙女士恼羞成怒. 出手, 交替戳甲先生左右胸, 厉声道: “臭男人! 你左边右边都冇奶!”…

粤语中, “牌子”的量词, 可用“隻”, 可用“个”, 可用“种”. 而北汉语不用“隻”.

“隻”字与“衹”字被简化成同一字“只”. 而粤语中, “隻”“衹”二字不同形, 不同音, 不同义. 惨被合并, 无泪无语.

行文至此, 记起广东鬼才状元伦文叙所作之<<百鸟归巢>>: 天生一隻又一隻, 三四五六七八隻. 凤凰何少鸟何多, 啄尽人间千万石…现实一贯如此, 奈何.

Wai

抵死之餘有意思。

highyun

　　關於量詞，粵語唔同子方言區嘅用法大相徑庭。廣府話係“一隻雞”，粵北係講“一個雞”；廣府話“一個人”，粵西話“一隻人”。

desmond

哈哈。好搞笑。

不過「隻」字同「衹」字被簡化做同一個字「只」，呢個咁啱係另一個問題，同量詞引發嘅誤會唔同。

monfan

几有意思嘅一个情景~哈哈

Yucky豕

除[隻]外~重有[祗]\[衹]~我到而家都唔知有咩唔同~

gz66

呢个尴尬似乎有啲牵强，因为喺口语入边，其实又点需分繁简体。

不过，即使用返繁体亦会有其他嘅尴尬。

西关原居民

[隻], 粤读"脊", 普通话读"支"(第一声). 量词, 另可解作"单独", 如"只身".

[祗], 粤读"滋"(香港黄锡凌<<粤语音韵集成>>), 普通话读"支"(第一声, 卷舌!). 书面语, 解作"恭敬".

[衹], 粤读"纸", 普通话亦读"纸"(第二声), 解作"only".?有异体字, "衣字边"可写作"示字边".?

mk9688km

 上堂了！！

leagle

的確好抵死~~~~

bajatvj

香港通常用「只」與「隻」兩個字，「只」又通「衹」、「祇」，不過少用