|
京士活周啟生善學演唱會 如果大家有睇到12/11/2004於無記播出的「善愛學心弦動行」節目，亦都應該見到節目裏出現的音樂會，那是在2004年2月22日於香港體育館舉行的「京士活周啟生善學演唱會」。大家見到克勤唱「Crystal」係咪好正呢？仲有克勤唱「回首」當然唔只咁少啦，我一睇完個節目，即刻響自己電腦的檔案裏找回當已存的報導，現貼上來，讓大家也可以回味一下。 （按：原文曾貼於「克勤地帶」的「Fans交流區」，當時我還自封自己是「克勤地帶」的特派記者報導此音樂會呢！） 京士活周啟生善學演唱會
（克勤地帶特派記者西蒙報導）於2004年2月22日假紅館舉行之「京士活周啟生善學演唱會」已經曲終人散，克勤地帶特派記者西蒙特別為大家報導當中花絮。
1.????? 門票雖然寫著晚上八時正開始，但至晚上八時二十分才正式開始。西蒙現場所見，入座率有八成至九成。而自己坐o既位置下面係古巨基o既Fans。（自己坐第21行） 2.????? 克勤該晚唱了「Crystal」、「回首」同「希望」三首歌。 3.????? 當演唱會進行到咁上下時，只見周啟生一路彈住個鋼琴，一路說：「香港兩個歌手一齊唱o既歌唔多，仲要係一齊唱追女o既歌。」之後，佢再講：「呢首歌送俾我太太Crystal！」然後佢開始唱「Crystal」。唱唱下，在舞台的上方突然出現另一把聲音繼續唱落去，此時射燈一照，克勤徐徐步出，而現場觀眾亦有反應。 4.????? 當克勤唱左「Crystal」一段之後，徐徐步下舞台梯級，周啟生又開腔介紹克勤：「當今樂壇，形像健康，冇緋聞，戇直，一個巨星，真正o既巨星！」 5.????? 當克勤唱完「Crystal」，來到舞台中間，先同周啟生來一個擁抱，然後見到周啟生之前除左件衫露左上半身o既肌肉，係度講：「嘩！你洗唔洗咁大陣仗呀？」 周啟生隔左一刻，就講：「俾一分鐘我講D野。」 克勤退後左幾步，鬼馬地話：「我有D驚。」 周啟生：「通常如果搵朋友，佢唔覆你，即係佢已經turn down左你。你知克勤好忙架啦，但我一搵佢，佢二話不說，即刻應承。多謝克勤！」 克勤：「我地係『左麟右李』嘛！」此時現場眾笑了一笑。 6.????? 之後聽到有人嗌「克勤！」而周啟生又話：「好開心俾我撞番我o既好朋友，以前o既拍檔。」 克勤：「記得星光果陣時，一齊合作……點知最後連唱片公都執埋。」 7.????? 克勤：「我其實都想D歌有多D新元素。希望來緊o既新碟，會有你o既作品。」之後，克勤再說：「有一首歌你果陣時佢作o既，我自己都好鍾意，歌名係『回首』。」此時，「回首」的曲響起，克勤開始佢完美咁演繹「回首」。而當克勤獻唱期間，佢就行埋去舞台向左右兩邊延伸o既地方o既其中一邊，同觀眾打招呼，又同坐果邊o既觀眾握手。 8.????? 當克勤唱完「回首」之後，佢又話：「除左頭先果首之外，仲有一首，希望送俾大家：『希望』。」當克勤唱左「希望」開頭前奏o既段「de la，lalala……」之後，佢就話：「行去果邊先。」克勤所指o既「果邊」，係舞台另一邊延伸o既地方，同觀眾打招呼。我亦聽到有人在嗌「克勤」。 9.????? 當唱完「希望」之後，克勤講完多謝，落台之後，聽到有人嗌「克勤」，然後突然聽到有人大嗌「Alan！」
基本上，同克勤有關o既大致係咁多，不過下面都有一些花絮同感想，想講給各位知。
1.???? 當周啟生介紹佢姐姐周少君時，佢係咁講：「記得以前好窮，屋企得幾百尺地方。果陣時我地一家人各有各做自己野，咁自己有時作左D曲，通常就會搵家姐佢聽，問下佢鍾唔鍾意，得唔得呀咁。所以一路以來，都係好多謝佢。」接著，周啟生就講「有請周少君！」此時周少君行近周啟生，同周啟生擁抱。（其實佢仲講左D野架，不過冇乜印象了。） 2.???? 克勤果晚o既表現，一個字：「正！」如果各位不是善忘的話，應該記得三年前o既二月係「港樂?克勤Live」舉行o既日子。克勤果晚唱果三首歌o既表現，簡直係冇得頂。之前o既官網到見到有其他朋友留言話克勤在「加港show」o既表現不太好（按：我諗應該係比呢個音樂會先一兩星期做的），但係果晚o既表現，係水準以上。自己可以感受到克勤用心去獻唱果三首歌，令我又諗番起佢係「港樂?克勤Live」果陣o既表現，又再欣賞到克勤「零瑕疵」o既功架。講真，佢果晚o既表現真係「完美無瑕」。而且果晚克勤同生哥（周啟生）好夾，直頭係好似欣賞緊「生哥．克勤」咁。此外，克勤唱「回首」同「希望」固然勁正，而佢同周啟生合唱「Crystal」亦非常之好聽。真係諗唔到克勤唱起上來，係唱得好lum下，好舒服。 3.??? 自已又真係想現今樂壇D新人去睇下尋晚個演唱會。克勤唱功了得固然不在話下，周啟生o既表現更令我眼前一亮。如果話當今樂壇o既歌商業味道太重o既話，咁周啟生o既音樂可謂一股清流，我自己除左係佢作俾克勤o既歌之外，事實對周啟生其他歌真係唔係太識，但尋晚好榮幸可以俾我欣賞到周啟生登峰造極o既音樂造詣。佢尋晚好投入，好大力咁去敲鋼琴，勁呀！ 4.??? 而果晚我又好欣賞果位吹「薩克管」（色士風）的那位朋友。我聽朋友說，色士風很難吹的，但那位朋友吹得好好聽，簡直係掂呀！ 後記：看完演唱會，諗住去等下克勤，不過最後等唔到。雖然係咁，但就見到周啟生呢！ 當周啟生一出來，身邊佢o既歌迷係度叫佢，佢亦行過來，同人握手。 自己既然係克勤地帶特派記者，所以係周啟生埋到我面前時，就向佢伸出我o既「友誼之手」（唔好睇少我隻「友誼之手」呀，佢係代表左克勤地帶對周啟生o既關心、問候），而周啟生亦好友善咁，用佢強而有力o既手同我握手。（係呀，真係強力有架！因為果晚當佢以「飛女」介紹完黃馨出場之後，佢同黃馨講：「妳等我一陣，我想妳坐得舒服D。」語畢，就用佢強而有力o既手臂將黃馨抱起，輕輕放在那座鋼琴之上。所以我係好感受到周啟生手臂o既強而有力）之後周啟生同其他支持佢o既歌迷影相，然後就離開。 感覺上，周啟生好斯文，友善。在演唱會間場時有介紹話佢冇乜名和利，不過佢o既音樂確係好聽。佢同克勤作o既咁多首歌之中，最鍾意o既唔係「回首」或者「希望」，而係較早期o既「迷離境界」。「迷離境界」呢首歌唔單只由周啟生作曲，佢仲編埋曲添，自已覺得呢首歌o既音樂幾特別，幾鍾意段音樂；除此之外，呢首歌亦係由著名作詞人林振強填詞，個人覺得首歌詞係言之有物o既，所以係幾鍾意呢首歌。 克勤在演唱會提過希望可以有機會再同周啟生合作，自己都希望。另外呢，亦可以見到，只要有好音樂，好歌，就一定會有知音人欣賞。果晚所見，周啟生都有唔少Fans架！
| 
發表於 2007-2-9 00:30:25
發表於 2007-2-11 01:11:16
發表於 2007-2-11 05:36:55
