[討論]与LHK君的一段聊天引发之思考

samkong

LHK君今日荣升粤语歌室版之新任版主，得一知音友为最佳拍档，共同为振兴粤语流行曲而努力，幸甚！

征得LHK兄同意，特将小弟与LHK兄刚才嘅一段关于粤语流行歌曲、歌词创作之聊天记录发于此，望能够抛砖引玉，引发对此方面话题感兴趣嘅朋友参与讨论，对粤语歌创作乃至于研讨如何承传传统文化发表见解。

[此帖子已經被作者於2007-2-5 1:16:36編輯過]

samkong

红色炸弹 22:58:32
讽刺时弊啲词就唔使谂咁多野,净系边度有事就cut边度
Samkong㊣ 23:01:31
我发觉，现在若要我写唔“老饼”嘅歌词，励志及鬼马类的，我都容易随时转变思维，写得唔“老饼”，但若写“紧跟时代步伐”嘅情歌就头疼嘞，因为真係好难想象现在新一代十八廿二嗰啲人嘅爱情，如何浪漫得起来？---正如陶杰的《浪漫地理》中话斋
红色炸弹 23:03:52
浪漫地理果集好正啊~~
伊家in果d系即食文化，快餐文化的爱情,都无一个蕴酿阶段
Samkong㊣ 23:04:38
例如，现时新一代啲人拍拖，似乎好少有人有耐性去行下公园，好少有闲情去扒下艇仔，好少有花前月下般的宁静山径与海滩。。。总之，。。。。家阵时尚爱情快餐者居多，无法令人再浪漫得起来
红色炸弹 23:07:29
翠柳..花间...鸟语呢d以往常用嘅歌词，全部都唔work嘎喇...
无病呻吟下痛苦就差唔多. 不过以前d歌写痛苦都比较写实同埋有种借景抒情嘅浪漫, 伊家就似乎绝情好多
Samkong㊣ 23:07:28
时代与环境之变迁，彻底改变淳朴嘅思想与爱情观，或许可算係一种社会进步，但确实变成为一个缺少浪漫、诗情画意之创作题材嘅时代
Samkong㊣ 23:08:06
可悲！可叹啊！
Samkong㊣ 23:12:01
因为怀旧，所以喜欢旧歌；因为喜欢旧歌，所以怀旧，，，，哈哈，其实连自己都搞唔清究竟係孰因孰果，可能自己个思想真係过咗时。点都好啦，执着追寻自己所爱的，无怨无悔，就是自己的快乐，自己觉得开心、充实及有意思就OK，我个快乐观就如此简单
红色炸弹 23:15:27
系阿...新嘅事物就不等於系好.
我相信今日班人其实大部分系几怀旧...可能系对现实环境有那 一点不满咯
我觉得会怀旧证明个人仲有人情味
Samkong㊣ 23:19:01
新嘅事物出现亦好正常，难以阻挡，不过，引导新嘅人嘅审美观，其实好重要......

[此帖子已經被作者於2007-2-5 1:15:06編輯過]

highyun

高質素嘅版主就有高質素版，兩位版主，粵語流行曲嘅振興有頼你哋喇！

lhk

呼籲各位有料有心之士唔好吝嗇自己嘅創作潛能，寫返D屬於我地，屬於時代嘅作品！

继续微笑

期待楼主继续谱写新章，令粤语鬼马歌曲继续发扬光大！！

samkong

只要大力发掘和鼓励原创，粤语歌嘅重新振兴就肯定有希望。尤其係人杰地灵嘅南粤大地，应该唔会缺乏有潜力嘅有心人士，大家携手努力啦。

蓝色街灯

我覺得只要堅持創作就有出路

余OK

　　舊時寫詩作詞就係emphasize「詩言志」，家陣寫流行歌詞就誠然上便幾位「梦（林夕）師傅」所言，恐怕更多嘅係「詞迎（合）市（場）」，浮誇異常。眞正有時代意味又蘊含值得玩味元素嘅好歌好好詞鳳毛麟角。好敬佩幾位仁兄為粵語歌未來發展所做出嘅努力，余亦躍躍欲試，假以時日，想喺呢方面有一定造詣，還望各位多多指點。

　　PS：琴日見到幾位資深「現代粵語歌詞匠」，雖則無暇與各位一一長談，但心中暗暗油然而生起嘅欽慕之情亦溢於言表也。有機會出嚟再共聚大發「風騷」啦。