[讨论]馮式樁同梁式樁有咩唔同？？

High_Hand

詠春拳套路一直流傳兩套樁，一套馮式一套梁式，馮式樁同梁式樁有咩唔同吖？！~ em6:

highyun

冯系咪冯少青，梁系咪梁赞？

鬼王泼扇

无错，冯式桩同梁式桩的确系代表冯少青同梁赞-叶问两支唔同水的桩法，虽然两套桩同样出自詠春宗师，但风格截然不同，冯式桩多为中国大陆沿岸一带的詠春拳练习者所学，原因当年冯少青从外国返黎曾经在佛山、广州一带教过拳，再加上捕快出身，所练桩法简短快脆，多为摊手、伏打同时，系一套容易上手即学即用的桩法； 到于梁式桩，多由香港同一部分佛山詠春拳练习者所学，由于梁赞-叶问等都是有学问不愁吃穿的人，所练桩法均讲究深度；梁式桩讲究角度、穿插入位、巧打借力，练习时可以打成无錂无角连绵不断，也可以从度位、角度慢慢调教和品味； 前辈有云：年轻时打冯式，年老时打梁式 就系依个道理。 至于当今有无人自创一套桩法就不得而知，但往往所见好多詠春拳练习者对住支桩乱打一气形如拆桩让人啼笑皆非；初练桩时打断一两条桩手好正常，但练得一段时间就唔应该再打断桩手。

南拳北腿孙中山

你两套桩都晓得？ 点解"初练桩时打断一两条桩手好正常，但练得一段时间就唔应该再打断桩手"？

artpm

d桩手系乜料做吖?可以打断咁犀利?

High_Hand

我支都断过啦，不过我支喺以前“耦”过再经过成日撞打断嘅！~ em6:

ping师弟

梁赞就听过，冯少青未听过啊～～～

ping师弟

high_hand在2004-11-19 20:19:32说道：[br]我支都断过啦，不过我支喺以前“耦”过再经过成日撞打断嘅！~ em6:

你劲～～

highyun

我见啲桩手咁细条，又受力，成日形住好容易会打断

鬼王泼扇

初初练桩会叫你练硬桥手、同埋学动作，有人急功求成，打桩时用手强烈去撞支桩，支桩手长年累月受打击又撞到有横纹既木断都唔出奇，并唔系每条木都禁靓； 但练到后期打桩就系度位同要求动作准确，再配合功法去练习每一个动作发劲的方法，打得快同打得响未必有用；如果一心要以打断支桩去练詠春，不如好似空手道劈木砍树，何必向旧木头做禁多功夫再打断呢？而且成日存力去打落支桩上面，手脚必然无办法去除僵力，僵力不除则无法化柔，做唔到柔化何以发劲？好多人话自己识桩可能只系识一套套路而已

artpm

原来真系有人用木人桩黎练硬d桥手!

High_Hand

我以前都喺主要练手桥架！有过依家我主要练准d动作，有时我觉得唔对住桩练而幻想自己前面有支桩打得仲舒展！~ em6:

artpm

桩本来系用黎练尺寸、力点、力觉等咏春基本嘅嘢，但是又唔系话唔可以用力，不过有d人好似系劈柴涡！听前辈讲桩有黐、摸、度、打四种练法。

High_Hand

黐、摸、度、打我可以理解到，不過有時對住支樁練，硬到死，如果將招式用響人身上，人嘅肢體會有彈性，感覺好唔一樣，所以我比較鍾意空練！~ em6:

artpm

high_hand在2004-11-24 00:04:17说道：[br]黐、摸、度、打我可以理解到，不過有時對住支樁練，硬到死，如果將招式用響人身上，人嘅肢體會有彈性，感覺好唔一樣，所以我比較鍾意空練！~ em6:

你条桩唔对头呱?如果尺寸对头,合适嘅话系唔会死实实咖,会松紧合适! 有套桩影系空玩嘎!

High_Hand

樁影同對樁打套路又唔同嘅咩？我唔識樁影吖！~ em6:

artpm

未学桩嘅套路,唔知!

High_Hand

噢…，你幾時開始可以學吖？~ em6:

artpm

唔知!师傅教咪可以学咯!

High_Hand

你師傅都喺嚴僅吖！~ em6: