[分享] 許冠傑《天才與白癡》

紫龍

呢个世界上　有精仔　有懵仔　有叻仔 散仔　赌仔　重有戆居仔 有衰仔　有好仔　反骨仔 癫仔　蠢仔　重弊过败家仔 细蚊仔　臭飞仔　招积仔 靓仔　打仔　乱咁出刀仔 问你点敢乱生仔 边个系天才（天才）　边个系白痴（白痴） 扮懵定蠢才　冇咁易会知（阿茂至知） 天才与白痴　你黐定我黐 天才与白痴　冇咁易会知 天才与白……痴 呢个世界上 有冤鬼　有哗鬼　有奸鬼 赌鬼　盏鬼　重有咸湿鬼 有衰鬼　有烟鬼　摄青鬼 生鬼　撞鬼　撞着个冒失鬼 醉酒鬼　吊靴鬼　丑死鬼 假鬼　真鬼　乱咁鬼打鬼 问你究竟搅乜鬼 乜鬼系天才（天才）　乜鬼系白痴（白痴） 扮懵定蠢才　冇咁易会知（阿茂至知） 天才与白痴　你黐定我黐 天才与白痴　冇咁易会知 天才与白……痴 呢个世界上　有坚野　有流野　有精野 喎野　喳野　重有大镬野 有衰野　有好野　有笋野 贵野　贱野　最就忌就赖野 醒胃野　林婶野　正斗野 靓野　杰野　最爽就捞粗野 确系认真唔少野 乜嘢系天才（天才）　乜嘢系白痴（白痴） 扮懵定蠢才　冇咁易会知（阿茂至知） 天才与白痴　你黐定我黐 天才与白痴　冇咁易会知 天才与白……痴　天才与白……痴

余OK

　　粵語協會有人手幫手執正阿Sam啲歌詞嘅字粒就好喇。

samkong

2003年環球唱片公司出版嘅呢套《難忘您許冠傑30周年》套裝碟，原版唱片嘅歌詞并無任何問題，樓主上傳嘅圖片係一張中國大陸嘅所謂“引進版”，而非香港原版，凡係被大陸某啲發行商購買過版權翻出嘅碟，啲歌詞、字體都經常會搞到不倫不類。建議各位以后盡量上傳原版唱片圖片啦。

highyun

擺明係老翻，阿Sam啲唱片又點會有簡化字呢。
樓主初衷都係好嘅，佢鍾意阿Sam，想分享埋阿Sam唱片封面。點知貼咗張老翻出嚟，歡迎樓主以後繼續參與本版嘅討論。

lhk

“搵嘢做”變成“找事做”....

紫龍

都話昵個世界上有堅野，有流野啦。[em07]