[求助]“講”與“話”

馬萬千

「邊個話咖」、「邊個講咖」呢兩句有非常之微妙嘅區別：

「邊個話咖」更強調表達對對方的言論的懷疑及反對。

「邊個講咖」更強調表達詢問對某一言論的出處。

「曰」、「說」、「話」、「講」嘅區別要分析會好複雜。

就好似英文「say」、「speak」、「talk」、「tell」噉上下，用就知點用，要分析就會好複雜。

金永明

???? 平時都有講“話你知”，“講你知”.“講”與“話”通用.

“邊個講咖”唔會講成（或者好少噉用）“邊個話咖”?；? “有嘢同你講”唔會講成“有嘢同你話”

請教下“講”與“話 點用？

JUMPSEY

1、“話”有作定斷、落結論之意，“邊個話?”即係“邊個作出噉嘅論斷?”，隱含對對方嘅言論嘅質疑，有搵對方進行質詢嘅態勢。而“講”係普通嘅陳述，“邊個講?”只係探詢該言論嘅出處。

2、“話”有聲明、提醒、警告嘅意思，“我話你知呀，嗰頭成日塞車?，你要早啲出門口先得?”。而“講”係一般嘅告知，“講你知啦，以前張悅楷講嘅古好好聽?”。

3、“話”有當面責備、埋怨嘅意思，“你唔好話我，你都係成日遲到啫”。而“講”一般係局外人嘅議論，“你唔好講佢喇，依家好多出嚟抛頭露面嘅專家都係肩負著為某項失敗嘅政策敷衍圓話嘅使命嘅。”

金永明

????????? 再問下噉“唔”同“冇”又應點分？？

夢星羽

「唔」相當於「不」，「冇」相當於「沒有」，很容易分。

[此帖子已經被作者於2007-1-13 14:42:20編輯過]

夢星羽

不過咱們廉江所屬的高雷片粵語則不分，「唔」、「冇」、「咪」都用「冇」，簡單至極。

[此帖子已經被作者於2007-1-13 14:42:46編輯過]

金永明

QUOTE:

以下是引用夢星羽在2007-1-13 14:39:44的發言：
不過咱們廉江所屬的高雷片粵語則不分，「唔」、「冇」、「咪」都用「冇」，簡單至極。

呵呵， 得食，得食 。

高雷片係乜音？第一次聽

高雷片係乜音？第一次聽

[此帖子已經被作者於2007-1-13 15:47:55編輯過]

夢星羽

高雷片指高州府、雷州府一帶，大致與現在的茂名市、湛江市的行政區域相同。