[討論]點勸人用返正字？

neo

而家啲後生，鐘意用埋晒啲生僻字，取其一邊讀音代替原本要表達嘅字。所謂上樑不正下樑歪，本來簡體字就已經夠樣衰咖啦，而家重要搞出啲噉嘅嘢，真係無陰功囉。再遲啲，大陸嘅傳統文化就連個殼都冇埋喇。痛心都係冇用嘅，行動最實際。大家有咩好意見啊？

余OK

　　大陸傳統文化自五四開始動搖但未至於全盤清算，而嗰個「非常年代」留下嘅冤孽永遠都無法彌補，普羅大眾用字習慣已完全被洗腦，若祇靠民間力量撼動上頭嗰拃「父母官」恢復用傳統字簡直就係蚍蜉撼大樹，諗吓好嘞。

馬萬千

有資金可以搞個「正字運動」

殺人王

呢個問題我?物都同朋友交流過,結果係無結果.因為"正字"而家都無一個標準.

"啲,哋,嗰,喺"算唔算正字?分分鍾比"的,地,個" "俗"

而粵語正真嘅"正字"往往而今都變成生僻字,用返正字反而會有人"插"你

其實文字都有生老病死,你用就活,唔用就死,避不了.只不過我地要對文字給予應有嘅尊重.

簡體字喺國內有法定效力,而且經過五十年長期使用已成為當之無愧嘅"通行標準",就算政府而家搞民主全民公投於"繁,簡"兩者選一,傳統字都要"靠邊站".喺大陸好多人對傳統字都有閱讀困難,既然文字用於交流,使用的字型自然會偏向大部分人都懂嘅文字.此為大陸推行傳統字會失敗之原因.

繁,簡用字之爭五十年前已成定局,而家我地要做嘅,就係好好咁保存同發揚傳統文字文化.簡體字有缺點,但都唔係全無優點.時代改變,漢字使用少不免會有這樣那樣嘅爭論,成日捉住簡體字小辮子而睇唔到些許優點嘅人先係狹隘.

時代在變化,但係我地唔可以忘卻過去.雖然古字好多都"死"咗,但我地唔可以睇住佢地"死".反而要將佢地疏扒整理,研究學習,因為嗰D係我地文化起源,要好好尊重!而簡體字作為新興嘅文字文化更應該去合力去改良同更新,使其更完善更完美,力求"長江後浪推前浪"超越傳統字, 因此更應尊重.

真正要BS嘅其實只有嗰D唔會尊重文化,由痛恨簡體字到BS使用簡體字嘅人.又或者係由無視傳統字到BS使用傳統字嘅人而己

Wai

乜嘢係“正字”呢？

國家有佢哋一套嘅標準，市民都有自已嘅標準。兩者一路相通嘅。差距越大，有時都講明呢個國家嘅文化水平o架。西方國家嘅市民都鍾意寫俗字o架。

至於漢字嘅古字，粵語嘅本字呢家嘢嘅考究，我覺得同考古學冇乜分別，唔係單單靠幾本書籍，幾本詞典嚟引證出嚟嘅。考究本字嘅過程咁複雜，都係留返畀啲本字考古學家嚟搞。出土文物實會有人嚟睇，用唔用就睇佢有冇用。唔係下下都搵到眞嘢，考究本字係件唔簡單嘅事嚟嘅，唔係個個都得。

講返用字嘅標準，舊時用手寫嘅書信，公函，奏摺，批文之類，家陣用電腦輸入嘅電郵，傾偈系統，網絡論壇，個人主頁之類。前者點寫都咁正宗，後者點用都咁現代。正宗抑或現代為標準？

粵語字喺而家嚟講算唔話得喇，有咁多位有心之士用緊。噉應該要知足。

[此帖子已經被作者於2007-1-9 18:58:59編輯過]

desmond

甚麼是BS？

馬萬千

QUOTE:

以下是引用desmond在2007-1-10 12:42:12的發言：
甚麼是BS？

「鄙視」

highyun

粵語“鄙”讀pei2，所以BS似乎係嚟自普通話發音。

馬萬千

QUOTE:

以下是引用highyun在2007-1-12 14:27:17的發言：
粵語“鄙”讀pei2，所以BS似乎係嚟自普通話發音。

網上啲縮寫除咗「PK」同廣東話「扑街」有啲關繫之外，其它冚棒冷都係漢語拼音縮寫。

殺人王

QUOTE:

以下是引用highyun在2007-1-12 14:27:17的發言：
粵語“鄙”讀pei2，所以BS似乎係嚟自普通話發音。

的確來自普語,我身為黨魁當然要精通普,粵兩語.唔係出到外省或者去到國語論壇好容易被人笑做"廣燦"

highyun

QUOTE:

以下是引用殺人王在2007-1-13 20:36:37的發言：
的確來自普語,我身為黨魁當然要精通普,粵兩語.唔係出到外省或者去到國語論壇好容易被人笑做"廣燦"

精通普粵唔夠架，要精埋英文，唔係時唔可以閙人too young，too naive架喇[em01]
走咗題添～

講返用正字，而家啲細路亂用外星文，其實係學校教學嘅失敗。

huang

邊個敢笑我哋係廣燦？？我同佢死過???? 我都未講佢哋係撈頭 呵呵

Wai

點解而家啲細路鍾意用“外星文”，我估係佢哋對漢字重視程度冇上一代人咁強。不過呢啲都係喺網絡用。

叫到啲人唔好用“外星文”已算好好喇。

ss6

QUOTE:

以下是引用馬萬千在2007-1-12 18:41:45的發言：

網上啲縮寫除咗「PK」同廣東話「扑街」有啲關繫之外，其它冚棒冷都係漢語拼音縮寫。

the people in northern china think "pk" comes from "play killer", a term of online games, not related to cantonese.

dada

PK(Player Killing)：一對一（玩家對玩家）單挑。

RPK(Random Personal/Player Killing)：攻擊任何一個敵人。

tank1389935

不勞您操心~~

簡體字與正體字之間有 轉化的規律可循~ 多看幾篇簡體報紙您就明白了

置於内地人~~他們沒學過正體字但是~他們居然能看懂正體字

我們多學點，比較好，不要以爲自己了不起，要讓他們遷就我們去用正體字。

desmond

QUOTE:

以下是引用tank1389935在2007-1-26 20:32:28的發言：

不勞您操心~~

簡體字與正體字之間有 轉化的規律可循~ 多看幾篇簡體報紙您就明白了

置於内地人~~他們沒學過正體字但是~他們居然能看懂正體字

我們多學點，比較好，不要以爲自己了不起，要讓他們遷就我們去用正體字。

其實佢哋係話點樣勸人寫正確嘅粵語字啫。