起尾注、標松柴、食夾棍、過一棟

barryshawn

起尾注,標松柴,食夾棍,過一棟有什麼分別?

[此帖子已經被余OK於2007-6-28 21:07:22編輯過]

余OK

　　除咗「食夾棍」其他一律未聽過，恕難解答。

余OK

　　既然同食有關，應該係：起尾「箸」啩？

殺人王

食夾棍嘅"夾棍"係以前嘅一種刑罸."夾棍"係用兩支棍夾,雙管齊下,兩面皆傷.

粵語嘅"食夾棍"即係兩面通殺之意

例如,一個地産經紀,買賣家都收佣,咁佢就係"食夾棍"

過一棟意思就如普語的"擺你一棟"

意思同"跣人一穫"差唔多

[此帖子已經被作者於2007-1-7 5:21:03編輯過]

peterluk

殺人王的見解正確...............

夢星羽

起尾注，本是賭場騙財的一種手法，莊家一開始先輸給某個賭徒，然後在旁邊假裝閑家的同夥就不斷地引誘或用激將法誘使其下重注，當賭徒傾囊而出時，就一鋪清檯，此即是起尾注。
現在指一次過連本帶利，被人席捲一空。

剽（讀“標”音）鬆柴，本指在綑紥得不緊的柴捆中抽取柴爿，引申指竊取公家的財物，也就是貪污。粵語還有一個與其同義的詞——穿櫃桶底。

食夾棍，夾棍是古代一種刑具，又稱“三木”，由宋代的“夾幫”和“超棍”兩種刑具的結合發展而來，簡單而又殘忍，又不容易引致死亡，的確是中國刑具中集大成者之極品，居家旅行、逼供拷問的必備用品。一但加刑於身，上下皆血肉模糊。黑語“血”即是錢，故“食夾棍”即左右得利，上下見血（錢）。

過一棟，麻雀術語，如果懷疑有人出老??（音“千”），可以要求過牌，一般是過三棟，這樣牌就亂了，誰都很難得利。（也就是《雀聖》裡的麻雀十大金句中的第三句“牌衰過三棟”）
如果祇是過一棟的話，自己裝好的牌反倒益了別人。
所以“俾人過一棟”本指想搵別人笨反俾別人搵笨。不過現在的人使用時一般祇作“俾人搵笨”解。

殺人王

剽鬆柴 我真係未聽過

起尾注我一直認為係起人未袋,原來起源都係賭場....明白!!

夢星羽

剛剛查了一下書，更正一下之前的說法，
“標松柴”應作是“飆蟲柴”，
飆，扶搖風。扶搖即向上之意，粵語指向上冒即謂之“飆”，如“飆冷汗”。
“飆蟲柴”即生蟲的柴木，生蟲的柴木容易折斷，故引申指靠不住。
本來是舊時商鋪指那些與客人勾結，少收客人的錢，再從客人處得到利益的伙記。

另外，“穿櫃桶底”即是指管錢的收銀或帳房自己竊取櫃檯的錢。

現在即不分得這麼清楚，都指貪污。

剛纔有點望文生義了，因爲詞義是貪污，所以就主觀地以爲“標”即是“剽參（綁架）”的“剽”，（《集韻》??遙切，音標。），再加上因簡體字的影響，故亂解釋一通。
查了一下掌故，纔知道出處，跟手寫了出來，希望大家不要爲我所誤。

highyun

樓上係指“飆蟲柴”即係“飆蟲出嚟嘅柴”定係“沿住一條生蟲嘅柴向上（扶搖）爬”？

羊城惜花人

都係賭場術語

另外“過一戙”唔係“過一棟”

ikit

飆蟲柴，過一戙，周星馳嘅算死草裏面有

朱古力ZGL

dddddddddddddddddddddddd

gboss

受教

barryshawn

我以為呢個問題比人删左,原來係度,夢星羽真係有料到

殺人王

以下是引用羊城惜花人在2007-2-1 16:30:23的發言：

都係賭場術語

另外“過一戙”唔係“過一棟”

哈哈...你唔係好反對用正字咩?

"過一戙"唔一定啱,雖然"過一棟"都未必準確.

"戙"係指"木長而直"或"船纜所繫".白話"戙"字多解作"船所繫之木",因河流小舟泊岸,船伕要用繩纜綁船,有時河水氾濫,水流甚急,連岸邊嘅"戙"都自身難保,左搖右擺,所以,以前廣州人就有"西水戙,岌岌貢"呢句口頭禪.意即"唔穏陣,靠唔住".

"過一棟","擺人一棟"皆出自賭場術語,自與"木長而直"或"船纜所繫"之"戙"無關.正寫為"幢"字.

幢 指層疊累積成嘅立方體.打麻雀同天九嘅牌,係一隻一隻重疊而成嘅"幢"而非"戙喺度"嘅"戙"!!!!!!

[此帖子已經被作者於2007-8-6 18:05:11編輯過]

外外星人

原帖由 羊城惜花人 於 2007-2-2 00:30 發表 都係賭場術語另外「過一戙」唔係「過一棟」

 

讲麻雀就系过一栋。

使君子

生虫拐杖——靠唔住

肥腯腯

好开心，又学到一啲嘢。

jamwa

起尾注，食夾棍聽過，另外兩個就真系冇聽過，學到嘢，多謝曬D高手！

cingsan

電視經常講…