|
其實我就唔喺話有好多嘅感想要發表，只喺想對其中嘅一啲問題發表一啲意見唧，就喺關於嚟粵協學粵語嘅廣州人、廣東人比較少嘅問題！！ 我自己本身唔喺一個學文學嘅人，對文字、文學方面研究唔深，對好多嘅文章、詩所表達嘅意境都未能深刻體會，重停留喺理解同明白嘅層面上。但對粵語同廣州我有強烈嘅認同感，好想了解更關於粵語同廣州嘅過去同更深入嘅了解。雖然都有聽講過粵語拼音，粵語喺有九種聲調，但一直都苦於唔知應該喺邊度學。喺一次偶然嘅機會下，我知道咗有“輕鬆粵語輸入法”依樣嘢，然後我了解咗粵拼，大概掌握咗點用，感覺上對粵語有咗深一層嘅了解（感覺上，唔知喺未真，呵呵~）。雖然我依家並唔喺以粵拼為主要輸入法，但佢都幫助我唔少，我仲可以用佢嚟學好多識讀唔識寫嘅字。 咁我覺得一樣咁好嘅嘢，當然唔敢獨享啦，於是就將佢發去一個相對比較多廣州人嘅論壇到，同大家分享嚇！！雖然都有人認為唔錯，但更多嘅人認為，我已經可以用其它方法打廣州話，唔需要再諗太多。於是我就講，用依個輸入法，唔單止喺可以輸入廣州話咁簡單，更重要喺可以等大家學習到粵語嘅正確發表同書寫方式，但我覺得好似唔喺太多人明白我想發達嘅嘢羅！（唔知喺未我表達得唔好啦...） 原貼地址：http://www.77go.cn/read.bbscs?bid=122&id=2028732&page=1 好多人都認為，我已經識講、識寫粵語，無咩必要要再學，或者講唔知重有啲乜嘢關於粵語嘅嘢可以學。 其實，要推廣粵語，要將粵語發揚光大，並唔喺只喺為粵語而粵語，更重要嘅喺我哋嘅嶺南文化！！！粵語，喺我哋嶺南文化嘅一部分，如果只有粵語，而無咗我哋嘅嶺南文化，粵語就只喺一個有軀殼，無靈魂嘅語言，消失之期亦不遠矣。當然，我哋暫時嘅能力可能重未可以去推動嶺南文化，但我哋要推廣粵語，就應該配合我哋本身獨有嘅文化嚟進行推廣。先將大家嘅眼球吸引過嚟，引起大家嘅興趣，等大家心中都有一種共鳴同認同，有咗共鳴同認同先可以更好咁繼續一下步嘅學習。 我建議可以從以下一啲方式吸引更多嘅人嘅注意力： ?? 廣東歇後語 ?? 粵語講古 ?? 我哋細個果時嘅童謠 ?? 類似《羊城度度有段古》咁樣嘅歷史介紹 其實以上嘅嘢，都會喺一啲粵語區嘅論壇，久唔久見到有人會發啲出嚟，會引度唔少人嘅共鳴，但佢哋發出嚟嘅都比較簡單，無詳細嘅解釋。好似歇後語，依家嘅人就只知道“阿茂整饼----无果样整果样“，但點解會喺咁嘅意思呢？就唔知啦。我哋就可以以依個為切入點，對歇後語嘅來歷進行解釋，對其中嘅一啲難點嘅字標注，著重解釋、讀音等等，就可以引起大家嘅興趣。粵語講古嘅，我哋可以收集一啲以前講古嘅錄音，以廣播劇咁嘅形式喺網上廣播，然后对每一回嘅難讀、難寫、難記（總之一啲重點嘅地方啦）嘅字進行解釋，每一篇文章就对应一回進行解释，可以增加大家嘅學習興趣。童謠亦都喺，細個嗰時就淨喺識唱識講，就唔知點寫，寫出嚟，等大家都知。做一啲類似《羊城度度有段古》咁樣嘅歷史介紹，可以等大家知道某啲字，原來喺咁樣嘅來源，或者某啲嘢點解會咁叫，又到底喺點寫！ 以上都喺我個人嘅一啲小小嘅意見，希望對協會有用啦！！！ | 
發表於 2007-1-4 20:24:20
發表於 2007-1-5 04:48:00
發表於 2007-1-5 05:13:15