上兩次粵協聚會都討論過呢個議題,大家一致意見認為視頻短片對於粵語嘅宣傳推廣效果非常大。但目前嚟睇,粵協人手奇缺,現有技術條件又嚴重不足,硬件軟件設施都落實唔到,所以好難一下子實現多項計劃。請各位體諒我哋嘅難處——一個完全冇社會資助、單靠一班志同道合者慘淡經營嘅組織,可以做到嘅我哋都已付諸實施,就好似「我口錄我心」、「我手寫我心」、「粵講粵精彩」呢啲投入少成效大嘅主題,都落咗大量心血去搞。不過得到嘅反饋效果未如理想,多數朋友都係齋睇齋聽從來唔會參與。可想而知我哋嘅動力從何而嚟?!唯願喺不久嘅將來局面有所改觀,一步一個腳印繼續前進啦。
[此帖子已經被作者於2006-12-28 0:01:56編輯過]
|