[討論] 粤语配音有冇睇頭？？

Ultra

網上有好多放短片嘅平臺，其實可以放喺嗰啲網站，如果一定要放粵協嘅網站可以聯繫管理員。

金永明

?????? 睇咗協會老大嘅“我口錄我心”同“我手寫我心”呢兩個主題真係好有創意，令人拍手叫絕.
?? 我捻下係呢方面發展嘅，可唔可以加多一種以粵語電影短片（或者其他影片）為題材，去晒啲原音自己嚟配音類似啲活動，噉樣一嚟可以畀啲粵語高手大展拳腳，且娛樂性更強.

大话吹水

我贊同，雖然原音係會好睇啲，但用粵語配音有利於推廣粵語。

最好利用多啲廣東俗話同揭後語。

余OK

　　上兩次粵協聚會都討論過呢個議題，大家一致意見認為視頻短片對於粵語嘅宣傳推廣效果非常大。但目前嚟睇，粵協人手奇缺，現有技術條件又嚴重不足，硬件軟件設施都落實唔到，所以好難一下子實現多項計劃。請各位體諒我哋嘅難處——一個完全冇社會資助、單靠一班志同道合者慘淡經營嘅組織，可以做到嘅我哋都已付諸實施，就好似「我口錄我心」、「我手寫我心」、「粵講粵精彩」呢啲投入少成效大嘅主題，都落咗大量心血去搞。不過得到嘅反饋效果未如理想，多數朋友都係齋睇齋聽從來唔會參與。可想而知我哋嘅動力從何而嚟？！唯願喺不久嘅將來局面有所改觀，一步一個腳印繼續前進啦。

[此帖子已經被作者於2006-12-28 0:01:56編輯過]

唐伯牛點蚊香

頂！

highyun

樓主嘅提議非常好，其實好多活動唔一定要由粵語協會嘅管理員發起，可以係會員網友自主發起，如果效果好嘅，我哋一定會大力支持嘅。

可惜……目前重未有噉嘅人，每次活動都係由我哋自己推出，而且參與嘅人未如理想中多。如果更多索取嘅人都加入到奉獻嘅行列中，噉粵語協會就前途光明喇。

金永明

短片我剪咗一段出嚟，但唔知怎傳上去，傳唔傳得到短片架？