《最緊要正字》被網友“正字”

highyun

　　專門糾正錯字嘅節目《最緊要正字》，最近反而畀網友正佢哋嘅字。事源上幾期節目播出時，當講到“堪輿學”嘅時候，字幕打出嚟嘅却係“堪虞學”。“堪虞”喺“境况堪虞”中出現，即係境况好嚴峻，好唔掂嘅意思，而“堪輿”先係同風水有關嘅。

　　不由得贊嘆能够指出呢個錯誤嘅香港網友，非常仔細，而且文字根底唔淺。我諗今時今日國內嘅中學生冇幾多人可以清楚講得出呢兩個詞嘅意思，包括我。

dada

我都唔記得咗「堪輿」。不過﹐見到「堪虞學」﹐我會覺得唔妥﹐可以事後查字典。

余OK

　　好在都蝦唔晒人，呢兩個詞我都曉，不過就冇嗰個網友咁細心留意個節目嘅每一個用字。若果再認眞啲捉佢錯字，我諗重有機會捉到，情況眞係「堪虞」咯，就好似《咬文嚼字》雜誌曾開辟過欄目要求讀者指出其刊登文章嘅錯誤。打要企定，有錯要認，希望節目同雜誌更加嚴謹啦。