[分享]感到為中國人自豪嘅一刻

Wai

唔知點解，一直以嚟我都冇乜為“中國”呢兩個字感到有好大嘅自豪感或者滿足感。

直到琴晚睇電視轉播多哈亞運，睇見一個個中國嘅運動選手攞金牌，跑嘅跑得，跳嘅跳得。

劉翔好犀利。

睇到中國喺金牌榜上邊遠遠拋離其他亞洲國家，我自已越睇越覺得有份中國嘅滿足感。

睇住每個中國選手衝線嘅慢鏡頭，睇到中國人，睇到運動場上嘅團結。

女子四乘一百接力，呢份團結，我心裏邊感到要為中國人自豪。

中國，一定得。

[此帖子已經被作者於2006-12-14 18:27:06編輯過]

余OK

　　若果體育同正字唔扯上關係，唔畀後者干預，我哋係好應該為之自豪嘅，但往往現實就係同我哋主觀意念背道而馳嘅。

金永明

???????? 中國體育真係好出色，?如果男足爭氣D就好喇！? 籃球議咖搞得都幾掂哦

highyun

上次雅典奧運，香港嘅李靜/高禮澤（查實兩個都係廣東人，前者係珠海，後者係佛山南庄）對住中國隊嘅馬林/黃皓 爭男雙冠軍，我全程希望香港隊贏。究竟我算唔算唔愛國呢？

Wai

我諗體育唔會同正字扯上關係嘅。

支持香港隊同愛國冇乜關係嘅。

噉喺世界杯都大把人支持巴西呀，英格蘭呀。嗰次中國隊有份，我梗係買巴西贏喇。

純粹係睇亞運，睇中國隊，包贏。

余OK

　　上次中國運動員野蠻噉又搶又撕臺灣運動員支旗嗰單嘢重歷歷在目。

Wai

邊單嘢呀？我都想知呀。雅典嗰次呀？

噉又一次暴露咗中國人嘅惡習囉。

今次Chinese Taipei都入咗好多單項總決賽呀。

Wai

呢個帖純粹講體育，唔講正字。

芬1012

QUOTE:

以下是引用Wai在2006-12-15 7:11:50的發言：

我諗體育唔會同正字扯上關係嘅。

支持香港隊同愛國冇乜關係嘅。

噉喺世界杯都大把人支持巴西呀，英格蘭呀。嗰次中國隊有份，我梗係買巴西贏喇。

純粹係睇亞運，睇中國隊，包贏。

其實喺大陸，乜嘢都同政*治（其實即係偉*光*正）掛咗鉤嘅，所以對大陸嘅所有嘢都唔感興趣，包括愛“國”。