想問下貴站而家支持邊種音標標注？

fjk

事關而家國內啲粵語教材和字典音標標注唔夠統一，你一套我又一套，即系一啲用“粵語音標”（如《廣州音字典》），而另外一啲又用“香港音標”（如《廣州話正音字典》），有時就會因為拼法唔統一而搞到只頭臘臘亂，閱讀者查閱時就會無所適從，畀玩到蒙查查都唔奇。外便唔統一，至少喺呢度大家可以嚟個統一口徑先，避免以後大家解釋字句時互相間唔協調。

余OK

　　粵協推薦香港語言學會嘅粵語拼音方案，佢嘅缺點雖有，但優點更多，瑕不掩瑜，最起碼可以方便喺電腦輸出，所以我哋出嗰隻輕鬆粵語輸入法都採用咗呢套方案設計。另外網站上邊有好詳細嘅粵拼教程，不妨去睇睇，加深認識。

fjk

嗯!咁以後大家就有番個底

neo

用粵協推薦呢個都幾好用，字母鍵盤可以全部打到，唔好似《廣州音字典》嗰套拼音，啲符號唔知點打。不過有個問題，就好似係打jyun呢個拼音，一隻右手食指要全部打晒，覺得點打都唔快。

余OK

QUOTE:

以下是引用neo在2006-12-15 21:38:22的發言：
用粵協推薦呢個都幾好用，字母鍵盤可以全部打到，唔好似《廣州音字典》嗰套拼音，啲符號唔知點打。不過有個問題，就好似係打jyun呢個拼音，一隻右手食指要全部打晒，覺得點打都唔快。

　　呢一點係就係呢套拼音為人詬病最多嘅地方，不過唔係話佢喺鍵盤打得慢，而係話佢用j做聲母唔好。不過考慮返英文都有單詞以j字母開頭發相似嘅音，噉就唔可以話粵拼噉樣處理錯晒。

[此帖子已經被作者於2006-12-15 21:45:13編輯過]