指意 vs 旨意 志在vs旨在

highyun

此前我喺一篇文章用“指意”，余ok則指正我話“旨意”。

我當時覺得“指”有“指望”嘅意思，而“旨意”或“意旨”雖有詞存在，且為“目的”嘅意思，但詞性為名詞，莫非活用作動詞？

另外對於“我zi3在去玩吓嘅啫”呢句中嘅“zi3在”，TVB曾有《志在必得》節目，但金山詞霸有“旨在”一次，相信呢個係正寫，而非“志在”。

Wai

我都覺得「旨意」用作名詞。

《紅樓夢》第八十三回?：“賈政賈赦等站著聽了旨意，復又坐下，讓老公吃茶畢，老公辭了出去。”

余OK

　　好似未見過「指意」一詞故有此見解，而「旨意」用作動詞亦無不可。「志在」同「旨在」兩者均可，「旨在」顯得文縐縐啲。

殺人王

其實要搞清"旨意"定"指意"就要睇下白話入面呢個詞本意係點

旨意,本意應該係"帝王的命令"又或係古時下屬接受皇帝或上級官員命令嘅意思

我個人認為粵語中嘅"旨/指意"都係起源於此,而白話又有'奉旨'一詞,本意應該係 "接受帝王諭旨或上級旨意"

例:"你同佢一齊出去食飯,佢奉旨唔會出錢" 此處用"指" 又好似唔係好通

不過,若要細分嘅話,你用"指意"同"奉旨"分開用都OK......

另外"志在"同"旨在"我覺得意思上有唔同

"志在"係決心做某事,"志在必得" 無用錯,唔信你睇下詞典

http://140.111.34.46/cgi-bin/dict/GetContent.cgi?Database=dict&DocNum=105900&GraphicWord=yes&QueryString=志在必得

例"今年參賽，他是志在必得，以洗刷去年落敗的恥辱"

"旨在"詞性相對唔同,佢係一個目的,有方向性嘅意味

例:"旨在澄清事实的外交策略"

因此我認為兩者表達意義有不同,

============================================================================

再睇下金山詞霸嘅解釋

==================================================================================================

旨令

[order] 圣旨;号令;指令
谨遵旨令
旨趣

[purport;objective] 要旨;大意。亦作“指趣”,“趣”同“趋”。旧指写书的目的与大意
谨条序前章,畅其旨趣。——《后汉书·郎顗传》
览其旨趣。——嵇康《琴赋》
旨要
[essential point] 同“指要”
旨意

[prescript]∶用意
根据神的旨意制定的教会的法规
[decree;order;intention]∶意旨
旨在
[intend;mean;aim at;with a view] 目的在于
旨在澄清事实的外交策略

======================================================================================================

最後我想講一個可能性,就係白話嘅"旨/指意"本義可能唔係我開頭講嘅"奉旨"個"旨"

而係從'旨要'音變而來

因為字典都話明"旨要"同"指要" 相通.而"旨/指要"如果快讀嘅話同"旨/指意"都好相似,意義相近.

以上只不過係推測,我個人係支持我初先講嘅觀點....

[此帖子已經被作者於2006-12-11 17:02:28編輯過]

余OK

　　殺人王君嘅辨析幾全面。不過發帖嘅段落格式可否再排好啲版睇落有層次感且舒暢啲呢？

殺人王

QUOTE:

以下是引用余OK在2006-12-11 16:53:41的發言：
　　殺人王君嘅辨析幾全面。不過發帖嘅段落格式可否再排好啲版睇落有層次感且舒暢啲呢？

唔好咁多要求喇....

後面嘅解釋係從金山詞霸COPY嘅,咁長點排吖....將就下

余OK

　　冇所謂，建議吓啫，當冇講過。

highyun

“旨在”呢個詞基本冇爭議，我噉寫只係希望啲人唔好寫“志在”啫。

“旨/指意”意思同“奉旨”關係唔大，所以呢樣嘢唔可以作準。我之所以懷疑“旨意”，係因爲呢個詞本義係名詞，意思上同“唔使zi2意”嘅“zi2意”有一定分別。而“指望”确同“zi2意”意思好接近，所以攞出嚟討論。

殺人王

QUOTE:

以下是引用highyun在2006-12-11 17:14:17的發言：

“旨在”呢個詞基本冇爭議，我噉寫只係希望啲人唔好寫“志在”啫。

“旨/指意”意思同“奉旨”關係唔大，所以呢樣嘢唔可以作準。我之所以懷疑“旨意”，係因爲呢個詞本義係名詞，意思上同“唔使zi2意”嘅“zi2意”有一定分別。而“指望”确同“zi2意”意思好接近，所以攞出嚟討論。

要表達意思唔同"旨在""志在"都不妨分開用.何解你唔想人用"志在"呢?另外,國語詞典居然無收錄"旨在"而有"志在"其怪....

其實都係我開初箇句

"要搞清"旨意"定"指意"就要睇下白話入面呢個詞本意係點"

若然佢本身詞義出處係名詞,而現時又轉成動詞,又有何出奇?好多用語詞性隨著時間改變都在變化中

愛粵者

男兒志在四方。“志”係表達心境嘅字，所以从心。表示志向、志願。
若果係“旨在”，字面意思係聖旨強制人物行為。並非個人願意。

旨在與志在實屬不同，應因句意選擇其用。

愛粵者

男兒志在四方。“志”表示心境的字，所以从心部。有“志向”、“志願”等詞組。
“旨在”用“旨”，字面意思好明顯係聖旨強制人物行為。並非個人願意。故今時今日都甚少用到呢個詞。

“志在”與“旨在”應因句意要求合理愼用。

highyun

其實我開篇就一直係針對一個例句「我zi3在去玩吓嘅啫」。我係話喺呢個句子裏面用“旨在”啱，並冇話其它場合唔可以用“志在”。

如志在必得、男儿志在四方，呢啲，當然用“志在”啦。

愛粵者

另外“旨”讀止，並非讀智。如果係“zi3在”嘅話，就係“志在”而非“旨zi2在”。

顺德水蛇粥

正确：旨意、志在

点可以因为「旨意」而影响「志在」呢？

bajatvj

咁系大安主义定系大安旨意呀

JUMPSEY

旨意VS指意，我覺得係兩個意思有所分別嘅詞。旨意作名詞，表示聖旨，命令；指意作動詞，係指望、期望嘅意思。

 

旨在VS志在，我都覺得係兩個意思有所分別嘅詞。至於意思係點，我覺得可以擴展一下：

旨在嘅旨，我哋可以理解成宗旨嘅意思；志在嘅志，可以理解成志向嘅意思。

 

以上係我從現實用詞嘅角度提出嘅意見，並無考慮其辭源，見識淺薄，見諒。

 

[ 本帖最後由 JUMPSEY 於 2009-1-5 09:58 編輯 ]

紫凤凰

其實因為舊時廣東多人做丞相，所以咪要成日奉旨囉，跟著日後啲人咪成日話奉旨嘎，跟著咪有「旨在」囉（邊個信邊個死）。

僆仔

原帖由 紫凤凰 於 2009-1-5 14:05 發表 其實因為舊時廣東多人做丞相，所以咪要成日奉旨囉，跟著日後啲人咪成日話奉旨嘎，跟著咪有「旨在」囉（邊個信邊個死）。

 

你听边个噏咖

紫凤凰

原帖由 僆仔 於 2009-1-13 18:33 發表   你听边个噏咖

請留意括弧內小字。