[原創]【偷听广州】49

gzshuzha

【偷听广州】49
?
? 1)“唔该，我要个猪扒饭。”
??? “多谢十九个半啦。”
??? “有冇嘢送架？”
??? “唔好意思，小姐，未到圣诞，冇嘢送个啵。”
??? “冇嘢送？干争争，点食啊？”
??? “哦，依个套餐我地有配汤或汽水嘅。”
??? “咁咪得啰，我要汽水。”
? ——北京路“大X乐”餐厅，一位靓女点餐时的对话。

? 2）“礼拜日D报纸薄噫噫，零舍难卖嘅。”
???? “礼拜六都系咁薄架，又咁早卖晒？”
???? “礼拜六有码丫嘛。”
? ——星期天傍晚，天已渐黑，晓港地铁站口，卖晚报的阿姨还未能卖完回家，见到一熟人就聊了起来。

? 3）甲：“琴日晚报话有成五百万湖北佬响广东揾食啵。”
???? 乙：“七十年代就有湖北佬嚟广州开餐馆啦，开咗间湖北馆叫‘老通成’，响公园前依家地铁上盖个广场附近之嘛。”
???? 甲：“我知，佢地最出名两样嘢：‘老母鸡汤’同埋‘三鲜豆皮’丫嘛。”
???? 乙：“讲起‘三鲜豆皮’，前几日美食节都有得食啵，唔知系依家嘴尖定系旧时肠瘦，食起黎感觉就好似个句俗语所讲...”
???? 甲：“边句啊？”
???? 乙：“屎塔煲粥——唔同咗味道。”
? ——今日早茶时间，昌岗路一酒楼两个茶客的闲聊。

Wai

「屎塔煲粥——唔同咗味道。」

夠晒地道。