[求助]請教“冷衫”個“冷”字點寫啊？

大话吹水

今日喺粵講越精彩嘅Q群共享嗰度睇倒“毛衣”=》“冷衫”，我覺得唔啱，“冷衫”嘅意思系指凍季嘅衫。而“毛衣”應該系用令一個“冷”字。

余OK

　　呢個係一個譯音字，源自法語單詞laine，譯音冇統一標準用字，故用「冷」字亦無可厚非嘅，祇不過個字音變咗調啫。

[此帖子已經被作者於2006-12-7 15:33:34編輯過]

Wai

潮州打冷，都係呢個“冷”喇。daa2 laang1，重有，好似“西冷扒”，“夜冷”

毛冷 mou4 laang1, 普語講毛線。

[此帖子已經被作者於2006-12-7 15:35:35編輯過]

大话吹水

但系如果系咁嘅話，好似有啲唔妥咁！比如我寫“冬天嘅冷衫包括：棉衲、羽絨、冷衫……。”

如果系咁樣嘅話好似唔系幾通。

愛粵者

QUOTE:

以下是引用大话吹水在2006-12-7 23:53:51的發言：

但系如果系咁嘅話，好似有啲唔妥咁！比如我寫“冬天嘅冷衫包括：棉衲、羽絨、冷衫……。”

如果系咁樣嘅話好似唔系幾通。

粵語係講：“冬天衫包括：棉衲、羽絨褸、冷衫”。

“冷衫”特指“毛衣”。若大話吹水君嗰句話翻譯成普通話“冬天的毛衣包括：棉襖、羽絨、毛衣”同樣係唔通。

大话吹水

呢位好似搞錯咗啦。但粵語裏面系有區分?，凍天嘅衫我哋通常唔講“凍天衫”，而系講冷衫。

而自己用手織嘅，或喺市面上買倒嘅嗰種“冷衫”，同上面講嘅冷衫系所泛指嘅系唔同嘅範圍。

當呢兩個唔包含唔同範圍嘅詞唔一時間使用嘅時候會有混亂，用口講出嚟，因為音調唔同嘅可以區分，

不過用文字寫出嚟嘅時候就唔一定得。我哋講白話嘅人就應該可以分得出，但其他人呢？我哋寫嘢出來系畀

人哋睇嘅唔系畀自己睇?。

Wai

“凍天衫”包括棉衲、羽絨褸、冷衫，之類。指代冬天着嘅衫（厚衫嗰啲）

冷衫咪就係冷衫囉。重有冷褲，冷襪，冷帽，之類。

冷衫普語係毛衣，凍天衫嘅一種。

由細到大都係噉講喇。

余OK

　　書面語都唔會用「冷衫」代表「凍天衫」，所以唔怕產生歧義。

dada

「冷」字除咗讀laang5外﹐ISO10646HK又加咗一個laang1音。

eddiejones

冷衫就冷衫，冬天衫就冬天衫，都唔同啊，范围唔同囖

愛粵者

冬天衫就係冬天衫。冷衫專指毛衣，屬冬天衫嘅一種，唔會用嚟表示“冬天衫”嘅情況。所以“冬天嘅冷衫包括：棉衲、羽絨、冷衫……。”呢句話應改為“冬天衫包括：棉衲、羽絨、冷衫……”