“晒”就系“嘥”，你烏籠重系我烏籠？

fjk

喺贵站“粵語在綫字典”查只“晒”字,得到“就系‘嘥’字”噉个结果。

http://www.cantonese.asia/dictionary/charsearch.asp

一時如墜入雲霧山中，分唔清東南地北，求知欲促使上嚟考证.

余OK

　　可能編輯有誤，多謝提出意見。等啲技術大佬搞搞佢先。

highyun

因爲好多人將“嘥”錯寫成“晒”，本字典有一個功能就係你查錯字，都出到正確嘅字，等你學到正寫。你睇“嘥”嘅“常見錯寫”一欄就有個“晒”字。

至於“晒”作爲句尾助詞嘅用法，字典未收錄，我哋將會儘快收錄。

唔知呢個解釋能否爲你撥開雲霧？

fjk

QUOTE:

以下是引用highyun在2006-12-5 21:59:31的發言：

因爲好多人將“嘥”錯寫成“晒”，本字典有一個功能就係你查錯字，都出到正確嘅字，等你學到正寫。你睇“嘥”嘅“常見錯寫”一欄就有個“晒”字。

哗!噉嘅解释都算过到骨，有冇开玩笑咗啲?我读得书少,你唔好呃我。畀你解释多一次,呵!

愛粵者

樓主提出“晒”與“嘥”。我又要向樓主捉字蝨。
“你烏籠重系我烏籠”？一句話錯四個字。
首先講“烏龍”，唔係一種茶葉，而係解作“失誤”。粵語亦有講“擺烏龍”。
再講“重系”，樓主想表達嘅意思可能係“還是”。“重”確實有“還”、“更加”之意，“係”確實係“是”之意，但“還是”用粵語表達係“定係”。“重係”解作“而且是”先啱，千祈唔好逐個字翻譯。多啲睇粵語電視電影，學多啲啦。

highyun

粵方言地區的確有人係講“重係”表示“定係”嘅意思，不過呢個詞嘅呢個義項可唔可以歸入狹義嘅廣州話（廣州省城話）我就唔敢講。

fjk

呵，今日撞正個捉字虱先生，唔由得唔講番句“慚愧”，捉生撚字度句功夫了得，我等半路出家嘅二打六真要閃開一邊喇。

GFang

多謝

廣州早晨

以廣州話嚟講……呢句話嘅文法應該有錯……

“重係”應該解為“仍然是”……

highyun

重係，如果翻譯成普通話係“還是”，“你烏籠還是我烏籠”文法冇錯。

愛粵者

“重係”單單翻譯成“還是”係未夠嘅，佢可以作“仍然”解。你烏龍仍然我烏龍？

反正香港人就唔會噉講，相信廣州人都唔會講“你好打重係我好打”。類推呢個例就可以講得清楚啲啦。

愛粵者

QUOTE:

以下是引用書生在2006-12-19 22:13:33的發言：

香港人多數講 成噉：你烏龍定係我烏龍？你好打定係我好打？

有時生動一的會講成：你估你烏龍定係我烏龍？你估你好打定係我好打？

冇錯，我原文就係你嘅意思。

書生

QUOTE:

以下是引用愛粵者在2006-12-18 22:06:10的發言：

“重係”單單翻譯成“還是”係未夠嘅，佢可以作“仍然”解。你烏龍仍然我烏龍？

反正香港人就唔會噉講，相信廣州人都唔會講“你好打重係我好打”。類推呢個例就可以講得清楚啲啦。

香港人多數講 成噉：你烏龍定係我烏龍？你好打定係我好打？

有時生動一的會講成：你估你烏龍定係我烏龍？你估你好打定係我好打？

[此帖子已經被作者於2006-12-19 22:14:27編輯過]