“囉囉攣”本字討論

highyun

　　而家“囉囉攣”呢個詞基本上都係噉寫，但係意思上似乎好難解釋得通，九成係求其搵幾個同音嘅字代替。佢嘅本字究竟係乜？我唔敢惘下判斷，只係拋出以下觀點供各位討論：

　　“囉囉攣”其實即係“亂”，“個心囉囉攣”即係話個心好亂。既然係噉，“攣”嘅本字好可能就係“亂”，而“羅”同“囉”讀音相近，羅有一個義項係“散布”，形容物件到處散布，當然係“羅羅亂”啦。所以“囉囉攣”者，個心“羅羅亂”也。

殺人王

我個人認為係

覶縷

唔知各位高手有咩意見?

覶縷於字典解釋如下:

康熙字典 FROM 漢典

【唐韻】落戈切【集韻】盧戈切，??音騾。【說文】好視也。【玉篇】覶縷，委曲也。【金壷字考】次序也。【左思·吳都賦】嗟難得而覶縷。【唐書·柳宗元傳】秉筆覶縷，不能成章。　又通作羅。【晉書·傅咸疏】臣前所以不羅縷者，冀因結奏得從私願也。　又【字彙補】力過切，騾去聲。義同。見韻經。　又【集韻】力轉切，攣上聲。視貌。　【類篇】俗从爾作覼，非。

另:廣東俗語考中有記:

覶縷本音羅屢。今讀羅璉。委曲也。唐代文字。多所秉筆覶縷為詞。亦多所徵引之意。

[此帖子已經被作者於2006-12-4 15:19:14編輯過]

余OK

　　有見地。不過我認為「攣」係「彎曲」之意，個心「揦住揦住」就好似畀「扭曲」咗。至於「囉囉」兩字嘅正字或本字，就有待高手解答。