|
????? 岩先穩到篇也，諗起左細個個時殘存的記憶，諗起左自已既童年。每當諗起一件童年趣事，嘴邊也就不經意露出笑容，搞得同事老在奇怪地看偶：)
但系，硬系覺得自已唔記得左咩也甘樣，硬系差D也既
終於，樓下音像店的一首“月光光，照地堂”適時響起，讓偶拾起了那久違的音符，那記憶中稚嫩的歌謠，又在偶耳邊回蕩。
唔講甘多，特意從網上轉載過黎既呢篇文章，跟大家分享一
落雨大：
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
月光光：
月光光，照地堂；年三晚，吃賓榔，檳榔香，摘紫姜，紫薑辣，買茶辣，茶辣苦，買豬股，豬股肥，買牛皮，牛皮厚，買蓮藕，蓮藕長，買農場，農場好。。。。大家好！！！！！
咬蔗須：
咬蔗須，要睇毛，短毛輸，長毛贏，無毛吾算數。
鬥柑：
“篾”開柑，數柑核，邊個核多就邊個贏，吾准手賴就甘縮骨。
拍大骳：
拍大骳，唱山歌，人人話我無老婆，嘀起心肝娶返個，有錢娶個嬌嬌女，無錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。
氹氹轉
氹氹轉，菊花圓，炒米餅，糯米團，阿媽叫我睇龍船，我吾睇，睇雞仔，雞仔大，摞去賣，賣得幾多錢？賣得三百六十五個仙。
猜呈沈：
呈沈剪，呈沈包，呈沈糯米叉燒包。老鼠吾食香口膠，要食豆沙包。
伏壘壘：
一就預備，二就壘埋，三就開盤，四就嚟到，彭到算數。
捉大賊：
點指兵兵，點指賊賊，點著誰人做大兵，點著誰人做大賊。
估手指：
估手指，要估中，邊個吾中，就唔中用，褲浪底見個窿。
點蟲蟲：
點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公。
騎牛牛：
騎牛牛，牛牛走，牛牛響前咪回頭，若然回頭就打籮柚。
打波子：
大眼雞，鹹魚頭，你屙尿，吾洗手。
咕碌咕碌：
咕碌咕碌一，咕碌咕碌二，咕碌咕碌三，準備開炮打敵人！
跳橡筋：
董存瑞，十八歲，爲國犧牲炸堡壘，炸到堡壘咯咯脆，全國人民流眼淚。
碌銅仙：
碌銅仙，打銅錢，全憑眼界手出變，叮響銅錢俾個仙。
打泥炮：
打泥炮，泥炮響，唔使摣槍上戰場。
飛麻鷹：
折紙機，麻鷹飛，飛來飛去唔落地，麻鷹有條尾。
踩腳趾：
趿跛跛：
趿跛跛，跳跳腳，咚咚咚，上跳下跳似麻雀。
撞跛腳：
趿跛跛，跛佐蹄，無米煮，煮泥沙，無屋住，住樓梯，樓梯有只鬼，嚇到你鑽落床下底。
頂手掌：
伸長手，頂手掌，死人都要頂硬上，依牙崩哨就貓甘樣。
劈友：
劈友，劈友，快嘀走，走得快，好世界，走得磨，冇鼻哥。
鬥遠：
鬥遠掟石頭，因住咪甩手，石頭最無眼，掟親吾好眼淚流。
掟磚頭：
掟磚頭，鬥大夠，一掟掟到西門口，濺起浪花抛浪頭。
撈魚仔：
花手巾，真引人，基邊撈魚好過癮，一兜一條好手運，千其吾好牟（蹲）到你頭暈。
黐塘尾（蜻蜓）
黐塘尾，塘尾飛，飛到菜田基，田基有條蛇，嚇親你兩仔爺。
煮飯仔：
煮飯仔仔先落米，風爐透火柴對齊，千其唔好咁拿西，我哋係細蚊仔。
打馬仔：
一人騎角馬，兩人騎豬乸，三步要埋頭，撞到面就打。
鬥辣椒：
紅辣椒，綠辣椒，平時你鑔嘴藐藐，今日你無膽同我撩。
放臭屁：
鬼叫你甘貪心，聞佐我個屁，索入佐個鼻，我要你賠返二兩四。
味水底：
味水底，摸泥沙，摸到泥沙當金龜，摸吾到系契弟。
鑽臺底：
陳德貴，住得矮，床下底有只鬼，嚇到佢鑽臺底。
扯大纜：
一二三，三二一，肥婆跳舞頂第一！
“雪”滑梯：
細蚊仔，雪滑梯，因住跌落嚟，咪學陳德貴，成日流鼻涕，
跌親個籮柚唔好睇。
過天梯：
過天梯，蝦矮仔，人在雲東過到西，唔怕米貴就最怕矮。
做大戲：
黑面李逵，紅面關公，三國水滸亂曬龍，打敗清兵系英雄。
彈象棋：
打棋子，靠眼屎，全憑眼界靠本事，唔好睇錯認夠屎。
畫烏龜：
乞兒仔，畫烏龜，一人一筆咪亂嚟，最後果個人衰仔！
還有另一首歌謠，名字也叫“月光光”
月光光，照地堂，蝦崽你乖乖睡落床
聽朝（明天）阿媽要捕魚蝦囉，阿爺看牛要上山坡
哦哦哦......阿崽你快高長大囉
幫手阿爺去看牛羊
哦哦哦......
月光光，照地堂，蝦崽你乖乖睡落床
聽朝（明天）阿媽要捕魚蝦囉！
阿嫲織網要織到天光
哦哦哦......
蝦崽你快高長大囉
撐艇撒網就更在行 哦哦哦...... | 
發表於 2006-11-19 02:43:36
發表於 2006-11-22 19:56:56