[轉貼]《浮场失身手记》

superjill

剧名：《去浮要小心,?慎防会失身》?

剧本：紫月无痕?

男主角：华安、小狼?
女主角：鬼妹仔?
特别客串：雨云、紫月无痕?

为咗加强故事嘅可阅读性，我揾咗几位浮版红人来做故事嘅主角。?
本故事纯属虚构，请大家切勿代入。如有雷同，实属不幸！！！?

呢日,鬼妹仔刚刚与相恋3年嘅男朋友分咗手，于是,佢就跟住雨云去咗FEELNET浮。点知道雨云一坐低，就挂住同人玩静10，将佢丢低一边。
?
呢个时候，小狼出现响鬼妹仔身边：“靓女，乜一个人咁闷啊？不如我陪下你啊?”?于是,小狼就开始同鬼妹仔玩色盅，期间中唔停噉灌佢饮酒。鬼妹仔好讨厌呢个男仔。但唔知道系出于自尊心强,定系刚刚失恋嘅原因，佢每次都一杯清底。?

过咗冇耐，鬼妹仔已经开始有啲醉意。呢个时候，小狼拍拍佢个头：“傻妹，睇你个样,梗系失恋来喇！唔开心咪喊出来啰，饮酒都系为咗更好噉发泄下自己嘅情绪啫!”?听到呢度。鬼妹仔终于都忍唔住，趴咗响小狼嘅膊头上面喊咗出来。小狼乜都冇讲，只系静静噉攞住张纸巾,帮佢抹干净啲眼泪。?

又过咗好耐，小狼到钟要返屋企，临走前,佢同鬼妹仔讲：“饮酒只不过系为咗发泄自己嘅情绪，之后就唔好再饮喇！我听日重要返工，够钟返屋企喇，你一个女仔TAKE?CARE自己喇。”?

小狼走咗之后，鬼妹仔稍微平复嘅心,又开始觉得寂寞同孤独，而雨云已经畀紫月无痕嘅静10劈到佢断咗片。于是,佢又开始一个人一杯接一杯噉饮闷酒。

直到FEELNET打烊，鬼妹仔已经醉到趴咗响张卡度。呢个时候，华安走咗埋来：“靓女，你见点啊？你咁醉，不如我送你返屋企啊！”鬼妹仔迷迷糊糊噉点咗下头。于是,华安抱咗佢上的士，然后,车咗佢去酒店开房，而鬼妹仔就糊里糊涂噉同呢个男人发生咗关系……?

呢个故事话咗畀啲女仔知一个道理：?

其实，唔系每一个灌你饮酒嘅男仔,都系对你另有所图嘅。而每一个话送你返屋企嘅人,亦都唔系真系咁好心！重有，当你因为失恋或者伤心而去浮嘅时候，千祈唔好饮醉酒。就算预咗饮醉，都要叫自己最好嘅朋友睇住自己。

superjill

剧名：?[以为开房行大运?无知做鸭变老衬]?

剧本：紫月无痕?

男主角：雨云?
女主角：YOYO?
特别客串：华安、兜兜、小狼、紫月无痕?

为咗加强故事嘅可阅读性，我揾咗几位浮版红人来做故事嘅主角。?
本故事纯属虚构，请大家切勿代入。如有雷同，实属不幸！！！?


炙热嘅阳光透过酒店房间嘅窗纱，射入雨云眼中。雨云瞓响床度伸咗个懒腰，发觉身边嘅女子已经不知所踪。望一望时间，已经系中午11点几。佢好悠闲噉点着支烟，徐徐吐出嘅烟充斥住成个房间，响烟雾弥漫之中,回味住寻晚所发生嘅一切……?

话说寻日华安一番云雨之后，身心疏爽。又继续去浮，见到雨云?、兜兜、小狼同紫月无痕，提起寻日“行大运”嘅事，吹到天花龙凤。话条女乜嘢丰乳同露，尤其双峰间嗰度犹如“乳前龙井”,深不见底等等，听到众人竖晒中指。?

雨云尤其心痒难耐。心谂：亏我行年20有7都重系一个青头仔，如何面对我嘅小弟呢？今晚一定要揾件索女先得！心谂及此，双眼随即喺嗰副黑超嘅遮掩下，开始喺场内搜索索女嘅影踪。?

但系众观全场，都揾唔到一个合眼缘嘅。雨云叹一口气，默默噉耷低头饮闷酒。唔知道系雨云注定要行桃花运,定系上天嘅眷顾，正当佢准备放弃之际,一件尤物出现响雨云所在嘅卡。坐咗响佢旁边。

“HI！EVERYBODY!?唔好意思，SET头，迟咗!”?YOYO嘅出现，即时带动晒全场嘅气氛。面对如斯尤物，就连兜兜同小狼呢啲身经百女嘅老手，都禁不住要争住同佢猜番几枚，饮番几杯。雨云就更加唔使讲，全程贴身跟随。就连眼角嘅余光,都未曾离开过YOYO身上一秒。?

睇住YOYO畀人一杯接一杯噉灌酒，雨云心中暗笑：多得兄弟灌醉佢，多得兄弟灌醉佢啊！今晚重唔系我嘅好日子？！当雨云想入非非之际，YOYO已经醉倒喺雨云坚实嘅臂弯之中，众人随即起哄：“哇，雨云西，你执到喇！”?雨云：“嗱，你哋咪同我争啊，好明显条女系我嘅喇!”?众人阴阴嘴笑，大家都心照。?

散场之后，雨云就肩负起送YOYO走嘅“责任”。雨云当然唔会放过呢个千载难逢嘅机会，送就系送喇，不过系送YOYO去酒店噉解啰。接落来所发生嘅事，因为过于色情嘅关系，省略3000字……?

一支烟尽，雨云收拾起佢无限回味嘅思绪，起身着好衣服，准备退房。当佢攞起床头柜嘅手机嗰阵，突然发觉个“住宿指南”下面压住3嚿水！佢默默噉托起副黑超，望住台面嗰3嚿水，成个人呆咗!

“3嚿水？！噉我咪即系做咗鸭？！”?声嘶力竭嘅雨云瘫坐响床上。良久，百感交集嘅雨云苦笑住：“3嚿水……,原来我做咗鸭……”?

呢个故事话咗畀啲男仔知一个道理：
?
其实，唔系有女仔肯同你去开房就代表你“行运”嘅。小心自己做咗鸭都唔知啊！开房切记要小心，无知做鸭苦不堪!

superjill

剧名:?[掟煲千祈咪掟盖,?撞到打场友谊赛]?

剧本：紫月无痕?

男主角：网络无忌?[阿力]?
女主角：文文?[CANDY]（经无忌本人要求，本集用佢嘅初恋做女主角）?
女配角：小史（彩虹斑竹：史提芬(stephyg)）?
特别客串：雨云、兜兜、小狼、紫月无痕、鬼妹仔?

为咗加强故事嘅可阅读性，我揾咗几位浮版红人来做故事嘅主角。?
本故事纯属虚构，请大家切勿代入。如有雷同，实属不幸！！！?


2002年11月10日，广州白云国际机场，国际航班登机大堂……?

“阿力（无忌个名叫：阿力），我要走喇，可能我哋以后都冇机会再见面喇。好多谢你呢3年来对我付出嘅一切，我永远都会记得呢段日子。你系一个好男仔，你一定会揾到个更加惜你嘅女朋友嘅！你忘记我吧喇，我哋冇可能嘅喇!”?大家沉默咗一阵。“祝你生日快乐，应承我，以后都要开开心心！”?文文拉住无忌嘅手,?讲完呢句话之后，惜咗佢一啖，默默噉拧转身走咗过安检。?

无忌望住相恋3年嘅女朋友，头都唔回噉消失于安检门口，回想起过去幸福嘅日子，佢啲眼泪默默噉流咗出来。虽然3年来,佢哋最多都系惜下嘴仔，但系嗰种放学手拖住手、两小无猜、甜甜蜜蜜嘅回忆，佢永远都冇办法忘记。?

2005年11月10日，时间过得好快，转眼间又过咗3年……?

呢日系网络无忌嘅生日，网络无忌照旧去到新冶浮。而小史、鬼妹仔、雨云、兜兜、小狼同紫月无痕响卡3,离远见到佢嗰把潇洒嘅长头发，就举高手齐声欢呼：“无姐姐，呢边啊！咁迟嘅你！就差你个主角嘅咋！”?无忌轻轻噉笑咗下，虽然今日系佢生日，但自从3年前开始，佢就再都冇开心过，因为呢日同时都系佢最爱嘅人离开佢嘅日子。?

虽然最爱嘅人离开咗佢，但无忌心里面依然好感谢上天，因为每年都有一大班朋友陪住佢，令佢不至于孤单同寂寞。酒过三巡，小史个电话响咗起身，“EVERYBODY，你哋好彩喇！我有个FRIEND啱啱从英国返来，好靓女嘅！我依家去接佢过来。”?话音刚落，佢就飞噉快鼠咗出新冶地牢。

几分钟之后，小史带住一个长头发好文静嘅女仔入咗来：“嗱！呢个就系我个FRIEND，叫文文，佢系乖乖女来嘅，你哋咪虾人哋啊！”雨云同兜兜同时惊呼：“哇！真系好一个美人胚子喎，果然索到PA?PA声啊！”无忌抬高头望住个女仔，一把乌黑嘅秀发，清秀嘅面孔再加埋嗰双水灵灵嘅眼睛……无忌个心戚咗下：系佢？冇可能嘅！佢已经移咗民，话过唔会返来嘅，绝对冇可能系佢！！！?

呢个时候，文文都留意到无忌注视嘅目光，虽然头发长咗好多，虽然成个人都瘦晒，但佢知道，眼前呢个男仔就系佢曾经最爱嘅人：“阿力，乜原来你都响度啊？你变咗好多喎……”。?

大家听到佢呢句无厘头嘅说话，全部都呆晒望住佢。无忌：“系咩？不过你都依然系噉，冇点变……”大家望下无忌，又望下个女仔，紫月：“哇，睇你两个情深款款噉，你哋以为拍紧电影,老相好异地重逢啊！？咪咁老土好唔好？”?

大家听到，即时起哄……而无忌同个女仔两个人都唔好意思噉耷低个头，小史拉住文文坐咗响无忌旁边，之后旁边啲人就继续欢，而无忌同文文就只系揾个手抓住个酒杯，默默噉饮酒，一句声都冇出……唔系佢哋唔想讲嘢，而系因为佢哋之间有太多太多嘅嘢想讲，但又唔知道从何说起，思绪一片混乱。?

曲终人散，又到散场嘅时候，小史：“文文，我送你返酒店啊！”。文文：“唔使喇，我有啲嘢想同阿力讲，等佢送我得喇……”小史：“哦，噉好喇，我走先喇，你返到酒店畀个电话我喇，拜拜！”小史走咗之后，无忌就送咗文文返佢住嘅酒店。?

正当无忌想离开嘅时候，文文拉住佢嘅手：“阿力，入来坐下好吗？好耐冇见喇，我有好多嘢想同你讲……”无忌望住佢声音有啲紧：“恩，其实我都有好多嘢想同你讲！”两个人就噉坐响床边，倾起3年来大家所发生过嘅嘢，同埋以前嘅一啲往事……?

“阿力，你知道吗？其实我心里面一直都冇忘记过你，响我心里面你依然系3年前嗰个短头发，对我好温柔嘅男仔，全世界就只有你对我最好！我希望你永远都系嗰一个样，永远都唔会变！”?文文讲完之后，眼湿湿噉望住无忌。无忌用手轻轻噉拭去佢眼角嘅泪水：“傻猪，其实我都系一样……”都未等无忌讲完，一双温热嘅嘴唇已经吻上咗无忌嘅嘴。两个人忘情噉热吻起身……?

过咗好耐，两个人先分开。“阿力，我知道你系对我最好嘅男仔，我想将自己嘅第一次畀你，我唔会后悔！”听到文文呢句说话，无忌个心跳得越来越激烈！佢甚至乎听到自己嘅心跳：定咚、定咚……一下、一下又一下！佢舔咗下自己干枯嘅嘴唇……再次将热吻覆盖响文文嘅樱桃小嘴上，文文双手翘住无忌细长嘅颈，两个人顺势倒喺床上……?

一段相隔3年嘅爱，终于都响呢一刻，开花结果！?


呢个事实话咗畀广大浮仔浮女知道：?

分手并唔代表一切结束嘅，人人都话性爱、性爱，噉就梗系性重要过爱喇，就算感情终结，但身体原始嘅冲动，有时候都可以冲破理性嘅缠绕嘅，特别系对住曾经爱过嘅人。?

所以话：掟煲唔掟盖，撞到咪打番场友谊赛啰!