「庄」與 「莊」怎樣分?

不才

如「莊家」就多數用 「莊」,

但打庄應該係用「莊」定 「庄」呢?

又這兩字點分嘅呢?

Anl

“打樁”。
現時“庄”係“莊”嘅簡化字。
自古“庄”亦本有其意，表示“平”的意思。本音讀“彭”。
至於“莊”嘅意思，自己查字典啦。

不才

多謝解答。

我所講嘅打庄唔係打摏機嗰啲打摏呀。

即係「等我嚟打口庄先」嗰啲打庄呀。

如冇記錯在澳門賭場牌九枱有個牌是寫著「地庄」的。

dada

今日繁體冇咗「庄」﹐一律寫「莊」。《廣韻》所謂「庄﹐平也」個「庄」﹐今日寫「莊」﹐如「康莊大道」。

既然係賭博用語﹐賭場又用「莊家」、「坐莊」、「做莊」﹐就應該係「打莊」。

Anl

如果照噉講“康莊大道”先正寫“康庄大道”，再正音“康彭大道”？

newbalance

是不是只係繁簡字的問題???

dada

係﹐今日淨係繁簡嘅問題。

highyun

我唔係好熟文字學，我只係想知“庄”本身係咪會意字，有冇“村庄”呢個意思？係咪古時“庄”已經有而家簡體字呢個用法？

dada

「庄」係「莊」嘅異體。《俗書刊誤》﹕「莊﹐俗作庄﹐非。」

「庄」又係正字﹕「平也」﹐冇村莊嘅意思。今日用「莊」。

至於「莊」﹐《說文》淨話﹕「莊﹐上諱（漢明帝劉莊﹐字嚴）。」本義應該係草壯大﹐「壯」形聲兼會意。亦都冇村莊嘅意思。

朱駿聲《說文通訓定聲》﹕「漢明帝名莊﹐漢世多以嚴字為之。《左傳》楚莊王國莊子、《論語》卞莊子，《古今人表》皆作嚴。此字從艸，壯聲。許不箸說解，其義失傳。《唐韻》草盛皃是謂草之壯。亦望文生訓也。易、書、詩三經俱不見此字。疑草整齊皃故轉注為嚴敬之訓。」